Jailer Anirudh: அனிருத்துக்கு அல்வா? எகிறிய விமர்சனம்... கப்பு சிப்புனு செக் கொடுத்து ஆப் செய்த கலாநிதி மாறன்!

சூப்பர் ஸ்டார் ரஜினிகாந்த் நடிப்பில் ஆகஸ்ட் 10ஆம் தேதி உலகம் முழுவதும் வெளியான திரைப்படம் ஜெயிலர். சன் பிக்சர்ஸ் நிறுவனம் தயாரித்திருந்த இந்த படத்தை, இயக்குனர் நெல்சன் திலீப் குமார் இயக்கியிருந்தார். இந்தி திரைப்படம் வெளியானதில் இருந்தே அனைத்து தரப்பு ரசிகர்கள் மத்தியிலும், தொடர்ந்து பாசிட்டிவ் விமர்சனங்களை பெற்று வரும் நிலையில்...  தற்போது வரை உலகம் முழுவதும் சுமார் 600 கோடிக்கு மேல், வசூல் சாதனை செய்துள்ளதாக கூறப்படுகிறது.
 

மேலும் 25 நாட்களுக்கு மேல், தொடர்ந்து பல திரையரங்குகளில் வெற்றிகரமாக ஓடிக் கொண்டிருக்கும் இந்த படத்தை ரசிகர்கள் கொண்டாடி வருகின்றனர். செப்டம்பர் 7 ஆம் தேதி, ஜெயிலர் படம் அமேசான் ஓடிடி தளத்தில் வெளியாக உள்ளது குறிப்பிடத்தக்கது.

நான் ஒரு பேச்சுலர்... ஆனால் எனக்கு ஒரு மகள் இருக்கா! முதல் முறையாக அறிமுகம் செய்து கண்ணீர் விட்ட விஷால்!
 

ஜெயிலர் படத்தின் சாதனையை வரலாற்று சாதனையாக படக்குழு கொண்டாடி வரும் நிலையில், இந்த படத்தின் வெற்றிக்கு முக்கிய காரணமான சூப்பர் ஸ்டார் ரஜினிகாந்த்க்கு சுமார் 110 கோடி பணம் மற்றும் ஒன்றரை கோடி மதிப்புள்ள பிஎம்டபிள்யூ எக்ஸ் 7 மாடல் கார் ஒன்றையும் பரிசாக கொடுத்து இன்ப அதிர்ச்சி கொடுத்தார் தயாரிப்பாளர் கலாநிதிமாறன்.

இதைத்தொடர்ந்து ஜெயிலர் படத்தின் இயக்குனர் நெல்சன் திலீப் குமாருக்கும், குறிப்பிட்ட தொகைக்கான செக் கொடுத்தது மட்டுமின்றி, போர்ஸ் கார் ஒன்றையும் பரிசாக கொடுத்து இன்ப அதிர்ச்சி கொடுத்தார். இந்த காரின் விலை கிட்டத்தட்ட இரண்டு கோடி இருக்கும் என கூறப்படுகிறது.

வசூலில் அடித்து நொறுக்கும் 'குஷி'.. உலகம் முழுவதும் மூன்றே நாட்களில் இத்தனை கோடி கலக்ஷனா? அதிகார பூர்வ தகவல்!

ரஜினிகாந்த் மற்றும் நெல்சனுக்கு மட்டும் பணம், கார், என கொடுத்து அசத்திய கலாநிதிமாறன்... இந்த படத்தின் வெற்றிக்கு தன்னுடைய இசையால் வலு சேர்த்த, இசையமைப்பாளர் அனிருத்துக்கு அல்வா கொடுத்து விட்டதாக நெட்டிசன்கள் சிலர் சமூக வலைத்தளத்தில் விமர்சிக்க துவங்கினர். இப்படி வெளியான விமர்சனங்களுக்கு பதிலடி கொடுக்கும் விதமாக,  கப்பு சிப்புனு குறிப்பிட்ட தொகை காண செக்கை அனிருத்துக்கு வழங்கியுள்ளார் கலாநிதி மாறன். இது குறித்த புகைப்படங்கள் சன் பிச்சர்ஸ் சமூக வலைத்தளத்திலும் வெளியாகி வைரலாகி வருகிறது.