விஜய் டிவி சீரியல் ஜோடிகளின் 'எங்கேஜ்மென்ட்'.! ஹல்தி நிகழ்ச்சி புகைப்படங்கள் வெளியானதால் குழம்பி போன ரசிகர்கள்
மௌன ராகம் சீரியலில் நடித்த சல்மான் மற்றும் ஷில்பா இருவரும் இணைந்து எடுத்து கொண்ட போட்டோ ஷூட் படு வைரலாக பார்க்கப்பட்ட நிலையில், தற்போது இவர்களது ஹல்தி போட்டோஸ் சமூக வலைத்தளத்தில் வைரலாகி வருகிறது.
விஜய் டிவி தொலைக்காட்சியில், முதல் பாகத்திற்கு கிடைக்கும் வரவேற்பை தொடர்ந்து... அந்த சீரியலின் இரண்டாம் பாகம் உருவாவது வழக்கமான ஒன்று தான்.
அந்த வகையில் இதுவரை சரவணன் மீனாட்சி, நாம் இருவர் நமக்கு இருவர், ஈரமான ரோஜாவே, மௌன ராகம், பாரதி கண்ணம்மா, பாண்டியன் ஸ்டோர்ஸ் போன்ற சீரியல்களுக்கு இரண்டாம் பாகம் எடுக்கப்பட்டுள்ளது.
அந்த வகையில் கடந்த 2021-ஆம் ஆண்டு முதல் 2023-ஆம் ஆண்டு வரை மௌன ராகம் சீரியலின் இரண்டாம் பாகம் ஒளிபரப்பானது. இதில் ரவீனா தாஹா, ஷில்பா, சல்மான், உள்ளிட்ட பலர் நடித்திருந்தனர்.
தற்போது இந்த தொடரில் நடித்து வந்த ஷில்பாவும் - சல்மானும் இணைந்து, 'எங்கேஜ்மெண்ட்' என்கிற புதிய தொடரில் நடிக்க உள்ளனர். இந்த சீரியல் புரமோஷனுக்காக இருவரும் ஜோடியாக சேர்ந்து எடுத்து கொண்ட சில போட்டோஸ் படு வைரலாக பார்க்கப்பட்டது.
இதை தொடர்ந்து, இருவருக்கும் ஹல்தி நிகழ்ச்சி நடைபெற்றது போல் ஷூட்டிங்கிற்காக எடுக்கப்பட்ட போட்டோஸ் சமூக வலைத்தளத்தில் வெளியாகியுள்ளது.
இதை பார்த்து ரசிகர்கள் சிலர் இது ரீல்லா? ரியலா என தெரியாமல் குழப்பத்தோடு தங்களின் வாழ்த்துக்களை இருவருக்கும் தெரிவித்து வருகிறார்கள் என்பது குறிப்பிடத்தக்கது.
சேனலை கிளிக் செய்து பின்தொடரவும்
