Lover 35 Days: 'லவ்வர்' முன்பு தாக்குப்பிடிக்க முடியாமல்.. வாஷ் அவுட் ஆன 'லால் சலாம்'.! கொண்டாடும் ரசிகர்கள்!
மணிகண்டன் நடிப்பில் வெளியான லவ்வர் திரைப்படம், தற்போது வரை பல்வேறு திரையரங்கங்களில் ரசிகர்களால் கொண்டாடப்பட்டு வருவதை படக்குழு போஸ்டர் வெளியிட்டு அறிவித்துள்ளது.
தொடர்ந்து எதார்த்தமான கதைகளை தேர்வு செய்து நடித்து, அடுத்தடுத்து வெற்றி படங்களை கொடுத்து வருகிறார் நடிகர் மணிகண்டன். அந்த வகையில் 'குட் நைட்' படத்தின் வெற்றிக்கு பின்னர், அந்த படத்தைத் தயாரித்த மில்லியன் டாலர் ஸ்டுடியோஸ் மற்றும் எம்.ஆர்.பி என்டர்டெயின்மென்ட்ஸ் நிறுவனம் தயாரிப்பில் மணிகண்டன் நாயகனாக நடித்திருந்த மற்றொரு திரைப்படம் 'லவ்வர்'.
ஐஸ்வர்யா ரஜினிகாந்த், கிரிக்கெட் விளையாட்டை மையமாக வைத்து, இயக்கிய 'லால் சலாம்' திரைப்படம் வெளியான பிப்ரவரி 9ஆம் தேதி தான் 'லவ்வர்' திரைப்படமும் வெளியானது. முதல் நாளில், ஒட்டு மொத்த கூட்டமும் லால் சலாம் படத்தை நோக்கி படையெடுத்தலும், 'லவ்வர்' படத்திற்கு கிடைத்த தரமான விமர்சனங்கள் இப்படத்தின் மீது ரசிகர்களின் பார்வையை திருப்பியது.
விஜய்யின் நண்பன் சஞ்சையா இது? திருமணத்தின் போது எடுத்த அரிய புகைப்படத்தை வெளியிட்ட ப்ரீத்தி!
மெல்ல மெல்ல பிக் அப் ஆகிவிட்ட இந்த 'லவ்வர்' திரைப்படம், 'லால் சலாம்' திரையரங்கில் இருந்து மொத்தமாக வாஷ் அவுட் ஆகிவிட்ட பிறகும், பல திரையரங்குகளில் ரசிகர்களால் கொண்டாடப்படும் படமாக உள்ளது. அந்த வகையில் தற்போது வெற்றிகரமாக 35 நாட்களை எட்டியுள்ளதாக படக்குழு புதிய போஸ்டரை வெளியிட்டு அறிவித்துள்ளது.
காதலை மையமாக வைத்து எடுக்கப்பட்டிருக்கும் இப்படம், ரிலேஷன்ஷிப்பில் இருக்கும் பிரச்சனைகளை புதிய கோணத்தில் பேசுகிறது. இந்த படத்தை அறிமுக இயக்குனர் இயக்குநர் பிரபுராம் வியாஸ் என்பவர் இயக்க, கதாநாயகியாக ஸ்ரீகெளரி பிரியா நடித்துள்ளார். இப்படத்திற்கு சீன் ரோல்டன் இசையமைத்துள்ளார் என்பது குறிப்பிடத்தக்கது. எவ்வளவு பெரிய நடிகரின் திரைப்படம் வெளியானாலும், சிறந்த படைப்புகள் ரசிகர்கள் மனதில் இடம்பிடிக்க தவறுவது இல்லை என்பதற்கு இது மிகப்பெரிய உதாரணம் என்பது குறிப்பிடத்தக்கது.