துப்பாக்கியோடு மிரட்டும் சஞ்சய் தத்.. வெளியான லியோ பட போஸ்டர் - ட்ரைலர் குறித்து அறிவிக்கப்பட்ட புதிய தகவல்!
பிரபல இயக்குனர் லோகேஷ் கனகராஜ் இயக்கத்தில் மாஸ்டர் திரைப்படத்திற்கு பிறகு, இரண்டாவது முறையாக தமிழ் திரை உலகின் முன்னணி நடிகரான தளபதி விஜய் அவர்கள் நடித்துள்ள திரைப்படம் தான் லியோ.
வெகு பிரம்மாண்டமாய், இந்திய சினிமாவை சேர்ந்த பல முன்னணி நடிகர், நடிகைகள் நடித்து உருவாகியுள்ள லியோ திரைப்படம் வருகின்ற அக்டோபர் மாதம் 19 ஆம் தேதி உலக அளவில் வெளியாக உள்ளது. இந்நிலையில் நாளை மறுநாள் அக்டோபர் ஐந்தாம் தேதி இந்த திரைப்படத்தின் டிரைலர் வெளியாகும் என்று ஏற்கனவே அறிவிக்கப்பட்டுள்ளது.
தளபதி விஜய் அவர்களும், லியோ படக்குழுவினரும் கடந்த சில நாட்களாக லியோ திரைப்படம் குறித்த சில போஸ்டர்களை தொடர்ச்சியாக வெளியிட்டு வந்தார். இந்நிலையில் ட்ரெய்லர் வெளியிடுவது குறித்த ஒரு புதிய தகவல் தற்பொழுது வெளியாகி உள்ளது.
நாளை மறுநாள் அக்டோபர் ஐந்தாம் தேதி, பிரபல தனியார் தொலைக்காட்சி நிறுவனமான சன் தொலைக்காட்சியில் நிறுவனத்தின் யூடியூப் சேனலில், லியோ திரைப்படத்தின் டிரைலர் வெளியாக உள்ளது என்று அறிவிக்கப்பட்டுள்ளது. இது குறித்த அதிகாரப்பூர்வ தகவல்கள் தற்போது வெளியாகி உள்ளது.
