Vignesh Shivan: விக்னேஷ் சிவனுக்கு செக்! 7 நாள் கேடு.. மத்திய அரசின் பொதுத்துறை அனுப்பிய பரபரப்பு நோட்டீஸ்!
விக்னேஷ் சிவன் இயக்கி வரும் 'LIC' படத்திற்கு அடுத்தடுத்து பல பிரச்சனைகள் வந்து கொண்டிருக்கும் நிலையில், தற்போது மத்திய அரசின் பொதுத்துறை நிறுவனம் 7 நாள் கெடு கொடுத்து நோட்டீஸ் ஒன்றை அனுப்பியுள்ளது.
Vignesh Shivan
விக்னேஷ் சிவன், 'காத்து வாக்குல ரெண்டு காதல்' படத்தின் வெற்றிக்கு பின்னர் அஜித் குமாரை வைத்து அவரது 62-ஆவது படத்தை இயக்குவார் என எதிரிபார்க்கப்பட்டது. ஆனால், விக்கி படத்தின் கதையில் கவனம் செலுத்தாமல், கிடைத்த வாய்ப்பை கோட்டை விட்டார். கடைசி வரை அஜித்துக்கு விக்கி சொன்ன கதையில் திருப்தி இல்லாததால், அதிரடியாக அஜித்தின் அனுமதியோடு லைகா நிறுவனம் இயக்குனரை மாற்றியது. தற்போது அஜித் மகிழ் திருமேனி இயக்கத்தில் 'விடாமுயற்சி' படத்தில் நடித்து வருகிறார்.
Vignesh Shivan
அஜித்தை இயக்கும் வாய்ப்பு நழுவியதால்... தன்னுடைய அடுத்த படத்தை இளம் நடிகரும், இயக்குனருமான பிரதீப் ரங்கநாதனை வைத்து இயக்க உள்ளதாக அதிகார பூர்வமாக அறிவித்தார். அதன்படி தற்போது இந்த படத்தின் படப்பிடிப்பு கடந்த ஆண்டு துவங்கிய நிலையில் விறுவிறுப்பாக படப்பிடிப்பு பணிகள் நடந்து வருகிறது.
Pradeep Ranganathan
மேலும் இந்த படத்திற்கு 'எல்ஐசி' அதாவது லவ் இன்சூரன்ஸ் கார்ப்பரேஷன் என்று டைட்டில் வைத்துள்ளனர். இந்த டைட்டில் தனக்கு சொந்தமானது என ஏற்கனவே தயாரிப்பாளரும், இயக்குனருமான எஸ்.எஸ்.குமரன் என்பவர் போர்க்கொடி தூக்கிய நிலையில், தற்போது மத்திய அரசின் பொதுத்துறை நிறுவனங்களில் ஒன்றான எல்.ஐ.சி நிறுவனம், படக்குழுவினருக்கு நோட்டீஸ் அனுப்பி உள்ளது.
அந்த நோட்டீஸில் கூறியுள்ளதாவது, 'எல்ஐசி என்பது எங்கள் நிறுவனத்தின் பதிவு செய்யப்பட்ட பெயர்'. அதை தவறாக பயன்படுத்துவது சட்டப்படி குற்றம். எங்கள் நிறுவனத்தின் மீது வாடிக்கையாளர்கள் வைத்திருக்கும் நன்மதிப்பை குறைக்கும் விதமாக இந்த படத்தின் டைட்டில் அமைந்துள்ளது.
எனவே இந்த நோட்டீஸ் உங்கள் கையிக்கு கிடைத்த ஏழு நாட்களில் படத்தின் டைட்டிலை மாற்ற வேண்டும். இல்லை என்றால் சட்டப்படி நடவடிக்கை எடுக்கப்படும் என்றும் தெரிவிக்கப்பட்டுள்ளது. பல பிரச்சனைகளை தாண்டி தற்போது இப்படத்தின் படப்பிடிப்பு நடந்து வரும் நிலையில், மீண்டும் இப்படி ஒரு பிரச்சனை எழுந்துள்ளது. இது மத்திய அரசு நிறுவனத்தால் அங்கீகரிக்கப்பட பெயர் என்பதால்... இந்த பிரச்னையை விக்னேஷ் சிவன் எப்படி சமாளிப்பார் என்று பொறுத்திருந்து பார்ப்போம்.
சேனலை கிளிக் செய்து பின்தொடரவும்
