ரஜினி புரமோட் செய்தும் பாக்ஸ் ஆபிஸ் வசூலில் திணறி வரும் லால் சலாம்.. 2 நாள் வசூலே இவ்வளவு தானா?
ஐஸ்வர்யா ரஜினிகாந்த் இயக்கிய லால் சலாம் பாக்ஸ் ஆபிஸ் வசூலை குவிக்க முடியாமல் திணறி வருகிறது..
ரசிகர்கள் மற்றும் விமர்சகர்களிடமிருந்து பாசிட்டிவான விமர்சனங்களைப் பெற்றாலும், ஐஸ்வர்யா ரஜினிகாந்த் இயக்கிய லால் சலாம் பாக்ஸ் ஆபிஸ் வசூலை குவிக்க முடியாமல் திணறி வருகிறது..
Lal Salaam
3 படத்தின் மூலம் இயக்குனராக அறிமுகமானார் ரஜினியின் மூத்த மகள் ஐஸ்வர்யா ரஜினிகாந்த். தனுஷ், ஸ்ருதி ஹாசன், பிரபு, சிவகார்த்திகேயன் உள்ளிட்ட பலர் இதில் நடித்திருந்தனர். இந்த படத்திற்கு விமர்சன ரீதியாக வரவேற்பு கிடைத்தாலும், வசூல் ரீதியில் வெற்றி படமாக அமையவில்லை. எனினும் அனிருத் இசையில் உருவான பாடல்கள் அனைத்து சூப்பர் டூப்பர் ஹிட்டானது.
இதை தொடர்ந்து கார்த்திக் கௌதமை வைத்து ஐஸ்வர்யா இயக்கிய படம் வை ராஜா வை. இந்த படத்தில் பிரியா ஆனந்த், விவேக், காய்த்ரி ரகுராம் உள்ளிட்டோர் நடித்திருந்தனர். இந்த படத்திற்கும் கலவையான விமர்சனங்களே கிடைத்தது.
இதை தொடர்ந்து 9 ஆண்டு இடைவெளிக்கு பிறகு ஐஸ்வர்யா ரஜினிகாந்த் இயக்கி உள்ள படம் லால் சலாம். ரஜினி கெஸ்ட் ரோலில் நடித்துள்ள இந்த படத்தில் விஷ்ணு விஷால் , விக்ராந்த் உள்ளிட்ட பலர் நடித்துள்ளனர்.
ரஜினியின் மகள் ஐஸ்வர்யா இயக்கி உள்ள இந்த படத்திற்கு ஏ.ஆர்.ரஹ்மான் இசையமைத்துள்ளார். லைகா நிறுவனம் இந்த படத்தை தயாரித்துள்ளது. இந்த படம் பொங்கலுக்கு வெளியாகும் என்று கூறப்பட்ட நிலையில் பின்னர் ஒத்திவைக்கப்பட்டது.
90களின் தொடக்கத்தில் நடக்கும் கிரிக்கெட் போட்டி, அதில் ஏற்படும் அரசியல் தலையீட்டை, மத நல்லிணக்கத்தை மையமாக கதையாக இந்த படம் உருவாகி உள்ளது. இந்த நிலையில் இந்த படம் நேற்று முன் தினம் திரையரங்குகளில் வெளியானது. இந்த படத்திற்கு விமர்சன ரீதியாக நல்ல வரவேற்பு கிடைத்த நிலையில் முதல் நாளில் ரூ.4.30 கோடி வசூல் செய்தது.
எனினும் 2-வது நாளிலேயே வசூலில் கடும் சரிவை சந்தித்துள்ளது. அதன்படி 2-ம் நாளான நேற்று இந்த படம் சுமார் 3 கோடி மட்டுமே வசூல் செய்தது. அதாவது இரண்டு நாட்களுக்கு பிறகு படத்தின் மொத்த வசூல் சுமார் 7 கோடி மட்டுமே வசூல் செய்துள்ளது.
ரஜினி கெஸ்ட் ரோலில் நடித்திருந்தாலும், ரஜினி படமாகவே இந்த படம் பிரமோட் செய்யப்பட்டது. ரஜினியே கூட தனது மகளுடன் இருக்கும் புகைப்படத்தை பகிர்ந்து லால் சலாம் படத்திற்கு வாழ்த்து தெரிவித்திருந்தார். ஆனால் இந்த படத்திற்கு போதிய வரவேற்பு கிடைக்கவில்லை. இதனால் லால் சலாம் பாக்ஸ் ஆபிஸ் வசூலை குவிக்க முடியாமல் திணறி வருகிறது..