பிசினஸில் பிசியான நயன்தாரா... கணவருடன் சேர்ந்து லேடி சூப்பர்ஸ்டார் தொடங்கிய புது தொழில் என்ன தெரியுமா?
கோலிவுட் முதல் பாலிவுட் வரை ஹீரோயினாக நடித்து கலக்கி வரும் நயன்தாரா, தான் புதிதாக தொடங்கியுள்ள பிசினஸ் குறித்த அறிவிப்பை வெளியிட்டுள்ளார்.
nayanthara
தமிழ் திரையுலகில் லேடி சூப்பர்ஸ்டாராக வலம் வருபவர் நயன்தாரா. திருமணமாகி குழந்தை வந்த பிறகும் சினிமாவும் மவுசு குறையாத ஹீரோயினாக வலம் வந்துகொண்டிருக்கிறார் நயன். இதுவரை கோலிவுட், டோலிவுட் என தென்னிந்திய திரையுலகில் ஆதிக்கம் செலுத்தி வந்த நயன்தாரா, ஜவான் படம் மூலம் பாலிவுட்டில் காலடி எடுத்து வைத்தார். அப்படம் வெளியாகி தியேட்டரில் சக்கைப்போடு போட்டு வருவதோடு வசூலையும் வாரிக்குவிக்கிறது.
Lady superstar Nayanthara
இப்படி சினிமாவில் ஹீரோயினாக கலக்கி வரும் நயன்தாரா, பிசினஸிலும் செம்ம பிசியாக உள்ளார். இவரும் இவரது கணவர் விக்னேஷ் சிவனும் இணைந்து நிறைய பிசினஸ் செய்து வருகின்றனர். இவர்கள் ரெளடி பிக்சர்ஸ் என்கிற தயாரிப்பு நிறுவனத்தை தொடங்கி அதன்மூலம் தொடர்ந்து படங்களை தயாரித்து வருகின்றனர். இதுதவிர சாய் வாலே என்கிற டீ நிறுவனத்திலும் இவர்கள் முதலீடு செய்திருக்கிறார்கள்.
Jawan movie Nayanthara
இதற்கு அடுத்தபடியாக லிப்பாம் என்கிற அழகுசாதன பொருட்கள் தயாரிக்கும் நிறுவனம் ஒன்றையும் நடத்தி வருகிறார் நயன். உடலுக்கு கேடு விளைவிக்கும் எந்தவித ரசாயனமும் இன்றி லிப் ஸ்டிக்குகளை தயாரிப்பதே இந்த நிறுவனத்தின் ஸ்பெஷல் ஆகும். லிப்பாம் கம்பெனிக்கு கிடைத்த அமோக வரவேற்பை அடுத்து தற்போது தனது அடுத்த பிசினஸ் குறித்த அறிவிப்பை வெளியிட்டுள்ளார் நயன்தாரா.
இதையும் படியுங்கள்... டாடிக்கு நோ சொல்லிவிட்டு டாடாவை தட்டிதூக்கிய ஜேசன் சஞ்சய்... விஜய் மகன் பட ஹீரோ குறித்து வெளிவந்த ஹாட் அப்டேட்
nayanthara new Business
அதன்படி 9ஸ்கின் என்கிற பெயரில் ஸ்கின் கேர் பொருட்களை விற்பனை செய்ய உள்ளதாக அறிவித்துள்ளார் நயன்தாரா. வருகிற செப்டம்பர் 29-ந் தேதி முதல் இந்த பிசினஸை தொடங்க இருப்பதாக நயன்தாரா தெரிவித்துள்ளார். இதற்கான வெப்சைட் விவரங்களுடன் இந்த தொழில் தொடங்கியதற்கான காரணத்தையும் விளக்கி தன் இன்ஸ்டாகிராம் பக்கத்தில் பதிவிட்டுள்ளார் நயன்.
nayanthara Started 9SKIN
அந்த பதிவில், ஆறு வருட அயராத முயற்சியையும் அன்பையும் இன்று வெளிப்படுத்துவதில் நாங்கள் மிகவும் மகிழ்ச்சியடைகிறோம். நானோ தொழில்நுட்பத்துடன் கூடிய இயற்கை மற்றும் நவீன அறிவியலால் ஆன தனித்துவமான தயாரிப்புகளை உருவாக்கி உள்ளோம். உங்கள் சரும பராமரிப்பை மேம்படுத்த இதை வடிவமைத்துள்ளோம். இந்த சுய காதல் பயணத்தில் எங்களுடன் இணைந்து ஆரோக்கியமான, ஒளிரும் சருமத்திற்கு வணக்கம் சொல்லுங்கள். நாங்கள் 9ஸ்கின்-ஐ அறிமுகப்படுத்துகிறோம். 9SKIN பயணம் செப்டம்பர் 29, 2023 அன்று தொடங்குகிறது. அற்புதமான தோல் பராமரிப்பு அனுபவத்திற்கு தயாராகுங்கள்” என நயன்தாரா அந்த பதிவில் குறிப்பிட்டுள்ளார்.
இதையும் படியுங்கள்... சிம்பிளாக நடந்துமுடிந்த பாரதி கண்ணம்மா சீரியல் நடிகரின் காதல் திருமணம் - வைரலாகும் வெட்டிங் கிளிக்ஸ்
சேனலை கிளிக் செய்து பின்தொடரவும்
