KGF 2 Box Office Day 2: 300 கோடியை தொட்டு இரண்டாம் நாள் வசூலில்...சாதனை படைத்த கேஜிஎஃப் சாப்டர் 2..!

பிரசாந்த் நீல் இயக்கத்தில், யாஷ் நடிப்பில் கடந்த 2018ஆம் ஆண்டு வெளியான படம் 'கே.ஜி.எஃப்1 படம் இந்திய அளவில் சூப்பர் டூப்பர் வெற்றி பெற்றது. இதன் அடுத்த பாகம் கே.ஜி.எஃப் சேப்டர் 2' படத்திற்கு ரசிகர்கள் மத்தியில் பெரும் எதிர்பார்ப்பு  இருந்தது.

இதையடுத்து, விஜய்யின் பீஸ்ட் படத்தை தொடர்ந்து, யாஷின்  நடிப்பில் உலகமெங்கும் மிகவும் பிரமாண்டமாக ஏப்ரல் 14 ம் தேதி, திரைப்படம் கே.ஜி.எப் 2 வெளியானது. 

பீஸ்ட் படம் 800க்கும் மேற்பட்ட திரைகளிலும், தமிழிலும், கே.ஜி.எஃப் 2, 300க்கும் மேற்பட்ட திரைகளிலும் வெளியிடப்பட்டன. 

கே.ஜி.எஃப் 2 படத்தில்,  யாஸ்சுடன்  சேர்ந்து சஞ்சய் தத், ரவீனா டாண்டன்   பிரகாஷ் ராஜ், ஸ்ரீநிதி ஷெட்டி உள்ளிட்ட பலரும் நடித்துள்ளனர். இந்த படம் முழுக்க முழுக்க ஆக்ஷன் த்ரில்லராக உருவாகியுள்ளது. 

படத்தின் ப்ரீ புக்கிங் கலெக்சன்ஸ் உலகம் முழுவதும் 56.6 கோடியை கடந்துள்ளதாக களநிலவரங்கள் தெரிவிக்கின்றன. கே.ஜி.எஃப் 2. முதல் பாகத்தை போன்று இரண்டாம் பாகமும் செம்ம மாஸாக இருப்பதால் இப்படத்திற்கு பாசிடிவ் விமர்சனங்கள் வந்து குவிந்துள்ளன. 

இதையடுத்து, கே.ஜி.எப் 2 திரைப்படம் முதல் நாளில் மட்டும் உலகளவில் சுமார் ரூ. 160 கோடிக்கும் மேல் வசூல் ஆகியுள்ளது என்று தயாரிப்பு நிறுவனம் அதிகாரப்பூர்வ அறிவிப்பை வெளியிட்டு இருந்தது.

இந்நிலையில், ஏப்ரல் 15ம் தேதியான நேற்றும் புனித வெள்ளி விடுமுறை நாள் என்பதால் பாக்ஸ் ஆபிஸில் மிகப்பெரிய கலெக்‌ஷனை கேஜிஎஃப் 2 திரைப்படம் பெற்றுள்ளது. 

அதன்படி,  இரண்டாவது நாள் முடிவில் யஷ் நடித்த கேஜிஎஃப் 2 திரைப்படம் 275 கோடி முதல் 280 கோடி வரை உலகளவில் வசூல் செய்துள்ளதாக தகவல்கள் வெளியாகியுள்ளது.  

மேலும், இன்றும், நாளையும் விடுமுறை நாள் என்பதால், படம் 500 கோடிக்கு மேல்  என்று எதிர்பார்க்கப்படுகிறது.