Keerthy Suresh : வாவ்... செம்ம அழகு! ஜொலிக்கும் சேலையில் கீர்த்தி சுரேஷ் நடத்திய ஜோரான போட்டோஷூட்
தென்னிந்திய திரையுலகில் டாப் நடிகையாக வலம் வரும் கீர்த்தி சுரேஷ் சேலையில் செம்ம அழகாக போஸ் கொடுத்தபடி நடத்தியுள்ள போட்டோஷூட் வைரலாகி வருகிறது.
கோலிவுட்டின் மூலம் பேமஸ் ஆன கேரளத்து பியூட்டிகளில் நடிகை கீர்த்தி சுரேஷும் ஒருவர். ஏ.எல்.விஜய் இயக்கிய ‘இது என்ன மாயம்’ படம் மூலம் ஹீரோயினாக அறிமுகமானவர் கீர்த்தி சுரேஷ். இதையடுத்து சிவகார்த்திகேயனுக்கு ஜோடியாக அவர் நடித்த ரஜினிமுருகன் மற்றும் ரெமோ ஆகிய படங்கள் ஹிட் ஆனதால் மக்கள் மத்தியில் ரீச் ஆனார்.
பின்னர் தனுஷுக்கு ஜோடியாக தொடரி, விக்ரமுடன் சாமி ஸ்கொயர், விஜய்க்கு ஜோடியாக பைரவா மற்றும் சர்க்கார், சூர்யாவுடன் தானா சேர்ந்த கூட்டம் என அடுத்தடுத்து டாப் ஹீரோக்களுடன் ஜோடி சேர்ந்து நடித்து முன்னணி நடிகையாக உயர்ந்தார் கீர்த்தி சுரேஷ். பின்னர் தெலுங்கு படங்களில் நடிக்க அவருக்கு வாய்ப்பு வந்தது.
தெலுங்கில் அவர் நடித்த முதல் படம் அவரது கெரியரில் மிகப்பெரிய திருப்புமுனையாக அமைந்தது. நடிகை சாவித்ரியின் வாழ்க்கையை மையமாக வைத்து உருவான மகாநடி படத்தில் நடித்ததற்காக நடிகை கீர்த்தி சுரேஷுக்கு சிறந்த நடிகைக்கான தேசிய விருதும் கிடைத்தது.
இதையும் படியுங்கள்... அட நம்புங்கப்பா... நான் ஸ்கூல் முடிச்சு காலேஜ் போயிட்டேன்... வைரலாகும் குட்டி நயன் அனிகாவின் காலேஜ் கிளிக்ஸ்
பின்னர் தமிழ், தெலுங்கு என இரு மொழிகளிலும் பிசியான ஹீரோயினாக வலம் வந்த கீர்த்தி சுரேஷ் தற்போது பாலிவுட்டில் காலடி எடுத்து வைத்துள்ளார். இந்தியில் அவர் நடிக்கும் முதல் படம் பேபி ஜான். இப்படத்தை இயக்குனர் அட்லீ தான் தயாரிக்கிறார். இதில் வருண் தவானுக்கு ஜோடியாக நடிக்கிறார் கீர்த்தி சுரேஷ்.
பேபி ஜான் திரைப்படம் தமிழில் விஜய் நடிப்பில் வெளியாகி பிளாக்பஸ்டர் ஹிட் ஆன தெறி படத்தின் ரீமேக் ஆகும். இப்படத்தில் சமந்தா நடித்த கேரக்டரில் தான் இந்தியில் கீர்த்தி சுரேஷ் தற்போது நடித்து வருகிறார். இப்படத்தின் படப்பிடிப்பு விறுவிறுப்பாக நடைபெற்று வருகிறது.
இப்படி பான் இந்தியா அளவில் பிசியாக இருக்கும் கீர்த்தி சுரேஷ், ஷங்கர் மகள் திருமணத்தில் கலந்துகொண்டபோது அணிந்திருந்த சேலையில் பிரத்யேகமாக போட்டோஷூட் ஒன்றை நடத்தி இருக்கிறார். செம்ம அழகாக போஸ் கொடுத்தபடி அவர் நடத்தியுள்ள அந்த போட்டோஷூட் புகைப்படங்கள் இணையத்தில் வைரலாகி வருகிறது.
இதையும் படியுங்கள்... முதலில் லோகேஷ்.. அடுத்தது வெற்றிமாறன்.. 2024ல் செம பிசியாக மாறும் டாப் ஹீரோ - கையில் மொத்தம் 3 படங்கள்!