Kalki 2898 AD : அந்த ஹாலிவுட் படம் மாதிரி இருக்கு.. விமர்சனங்களுக்கு இயக்குனர் நாக் அஸ்வின் கொடுத்த பதில்..
நாக் அஸ்வின் இயக்கத்தில் பிரபாஸ் நடிப்பில் உருவாகி உள்ள கல்கி 2898 AD, இந்த ஆண்டின் மிகவும் எதிர்பார்க்கப்பட்ட படங்களில் ஒன்றாகும்.
நாக் அஸ்வின் இயக்கத்தில் பிரபாஸ் நடிப்பில் உருவாகி உள்ள கல்கி 2898 AD, இந்த ஆண்டின் மிகவும் எதிர்பார்க்கப்பட்ட படங்களில் ஒன்றாகும். இந்த படம் குறித்த அப்டேட்கள் தொடர்ந்து வெளியாகி வரும் நிலையில், படத்தின் போஸ்டர், டீசர் ஆகியவை படத்தின் மீதான எதிர்பார்ப்பை அதிகரித்துள்ளது. எனினும் கல்கி படத்தின் புதிய போஸ்டரை படக்குழு சமீபத்தில் வெளியிட்டிருந்தது.
Kalki in 2898 AD
அந்த போஸ்டரில் தீபிகா படுகோனின் தோற்றம் நிறைய விமர்சனங்களுக்கு உள்ளானது. தீபிகாவின் தோற்றமும், 2898 கி.பி. 2898ம் ஆண்டு ஹாலிவுட் திரைப்படமான Dune-ல் ஸெண்டையாவின் தோற்றமும் நெருங்கிய ஒற்றுமையைக் கொண்டிருப்பதாக பலரும் கருத்து தெரிவிக்கின்றனர். பலரும் தீபிகாவின் தோற்றம் மற்றும் ஸெண்டையாவின் தோற்றத்தில் இருக்கும் ஒற்றுமை குறித்து கருத்துத் தெரிவிக்கத் தொடங்கினர்.
இந்த விமர்சனத்திற்கு இயக்குனர் நாக் அஸ்வின் தற்போது பதிலளித்துள்ளார். இதுகுறித்து தனது எக்ஸ் பக்கத்தில் பதிவிட்டுள்ள அவர் "ஆமாம்! நீங்கள் மணலைப் பார்ப்பதால் தான். நீங்கள் எங்கு மணல் பார்த்தாலும் அது Dune ஆக தான் தெரியும்" என்று நாக் அஸ்வின் கூறினார்.
சூப்பர் ஹீரோ பேண்டஸி படமாக உருவாகி வரும் இப்படத்தில் அமிதாப் பச்சன், கமல்ஹாசன், தீபிகா படுகோன், திஷா பதானி உள்ளிட்டோர் நடித்துள்ளனர். இப்படத்திற்கு சந்தோஷ் நாராயணன் இசைமைத்துள்ளார்.
சுமார் 600 கோடி என்ற பிரம்மாண்ட பட்ஜெட்டில் உருவாகி உள்ள இந்த படம் ஜூன் 27-ம் தேதி திரையரங்குகளில் வெளியாக உள்ளது. மகாபாரத காலத்திலிருந்து தொடங்கும் இந்த கதை எதிர்காலத்தில் பல நூற்றாண்டுகள் வரை தொடரும் என்றும் இயக்குனர் நாக் அஸ்வின் ஏற்கனவே கூறியிருந்தார்.