தலைவருக்கு தண்ணிகாட்டாமல்... தனி ஒருவனாக களமிறங்கும் ஜெயம் ரவி - சைரன் பட ரிலீஸ் தேதி அதிரடியாக மாற்றம்
அந்தோணி பாக்கியராஜ் இயக்கத்தில் ஜெயம் ரவி, கீர்த்தி சுரேஷ் நடித்துள்ள சைரன் திரைப்படத்தின் ரிலீஸ் தேதி திடீரென மாற்றம் செய்யப்பட்டு உள்ளது.
Siren Movie
பொன்னியின் செல்வன் படத்தின் பிரம்மாண்ட வெற்றிக்கு பின்னர் ஜெயம் ரவி நடிப்பில் வெளிவந்த அகிலன் மற்றும் இறைவன் ஆகிய இரண்டு படங்களும் படுதோல்வியை சந்தித்தன. இதனால் கண்டிப்பாக ஹிட் கொடுக்க வேண்டிய கட்டாயத்தில் இருக்கிறார் ஜெயம் ரவி. அவர் நடிப்பில் தற்போது ரிலீசுக்கு தயாராகி உள்ள திரைப்படம் சைரன். இப்படத்தை அந்தோணி பாக்கியராஜ் என்கிற புதுமுக இயக்குனர் இயக்கி இருக்கிறார்.
Anupama Parameswaran, Jayam Ravi
சைரன் திரைப்படத்தில் ஜெயம் ரவி ஜோடியாக கீர்த்தி சுரேஷ் நடித்துள்ளார். மேலும் நடிகை அனுபமா பரமேஸ்வரனும் இப்படத்தில் முக்கிய கதாபாத்திரத்தில் நடித்திருக்கிறார். இப்படத்தின் பாடல்களுக்கு ஜிவி பிரகாஷ் குமார் இசையமைத்து உள்ளார். அதேபோல் பின்னணியை இசையை சாம் சி.எஸ். கவனித்து உள்ளார். சைரம் படத்தை ஹோம் மூவி மேக்கர்ஸ் நிறுவனம் சார்பாக சுஜாதா விஜயகுமார் தயாரித்து உள்ளார்.
இதையும் படியுங்கள்... சோலோ ஹீரோவாக தடுமாறும் ஜெயம் ரவி! தம்பியின் மார்க்கெட்டை தூக்கி நிறுத்த அண்ணன் மோகன் ராஜா போட்ட மாஸ்டர் பிளான்
Jayam Ravi, Keerthy suresh
சைரன் திரைப்படம் நேரடியாக ஓடிடியில் வெளியிடப்பட உள்ளதாக அண்மையில் தகவல் பரவி பரபரப்பை ஏற்படுத்தியது. பின்னர் அது முற்றிலும் வதந்தி என்றும் இப்படத்தை வருகிற பிப்ரவரி 9-ந் தேதி வெளியிட படக்குழு திட்டமிட்டு வருவதாகவும் கூறப்பட்டது. அதே தேதியில் ரஜினியின் லால் சலாம் படமும் ரிலீஸாகும் என அண்மையில் அறிவிப்பு வெளியானதால் தற்போது சைரன் படத்தின் ரிலீஸ் தேதியை அதிரடியாக மாற்றி உள்ளனர்.
siren Movie Release Date
அதன்படி சைரன் படம் வருகிற பிப்ரவரி 16-ந் தேதி ரிலீஸ் ஆகும் என அறிவிக்கப்பட்டு உள்ளது. லால் சலாம் படத்துக்கு போட்டியாக ரிலீஸ் ஆனால் இரு படங்களுக்குமான தியேட்டர் ஒதுக்கீட்டில் சிக்கல் ஏற்படுவதோடு, வசூலும் பாதிக்கப்படும் என்பதால் தனி ஒருவனாக பிப்ரவரி 16-ந் தேதி களமிறங்கி உள்ளது சைரன். இப்படம் மூலம் தொடர் தோல்விகளில் இருந்து ஜெயம் ரவி மீள்வாரா என்பதை பொருத்திருந்து தான் பார்க்க வேண்டும்.
இதையும் படியுங்கள்... தாலி எடுத்து கொடுத்து அமீர் - பாவனி திருமணத்தை நடத்தி வைக்க போகும் பிரபலம்... கல்யாணம் பற்றி வந்த குட் நியூஸ்
சேனலை கிளிக் செய்து பின்தொடரவும்
