Malar Serial Update: மலர் சீரியலில் இருந்து விலகிய ஹீரோ அக்னி! இனி அவருக்கு பதில் நடிக்க போவது யார் தெரியுமா?
சன் டிவி-யில் ஒளிபரப்பாகி வரும், 'மலர்' சீரியலில் இருந்து ஹீரோவாக நடித்து வரும் அக்னி காயம் காரணமாக விலகிய நிலையில், அவருக்கு பதில் நடிக்கும் புதிய ஹீரோ குறித்த தகவல் வெளியாகியுள்ளது.
சன் டிவி-யில், திங்கள் முதல் சனி வரை தினமும் மதியம் 3 மணிக்கு ஒளிபரப்பாகி வரும் தொடர் 'மலர்'. தொகுப்பாளராக இருந்து, செம்பருத்தி சீரியல் மூலம் ஹீரோவாக மாறிய அக்னி ஹீரோவாக நடிக்க, ப்ரீத்தி ஷர்மா நாயகியாக நடித்து வருகிறார்.
![article_image2](https://static-ai.asianetnews.com/images/01hkwjkkqkww1g6qkaz5r78xzp/m1_300x168xt.jpg)
இயக்குனர் ஜவஹர் இயக்கி வரும் இந்த தொடர், கடந்த ஆண்டு பிப்ரவரி மாதம் முதல் ஒளிபரப்பாகி வருகிறது. முக்கிய கதாபாத்திரத்தில் அகிலா பிரகாஷ், நிஹாரிகா ஹர்ஷு, ரவிகாந்த், தேவ் ஆனந்த், பார்வதி, உள்ளிட்ட பலர் நடித்து வருகிறார்கள். அக்கா மீது உயிரையே வைத்திருக்கும் தங்கையின் பாசத்தை பற்றியும், கணவனின் அன்பை பெற போராடும் 'மலர்' என்கிற கதாபாத்திரத்தை மையமாக வைத்து இந்த தொடர் ஒளிபரப்பாகி வருகிறது.
Kalki 2898 AD Release Date: பிரபாஸ் நடித்துள்ள 'கல்கி 2898 AD' படத்தின் ரிலீஸ் தேதி அறிவிப்பு!
இந்நிலையில் இந்த தொடரில் ஹீரோவாக நடித்து வரும், அக்னிக்கு கடந்த சில வாரங்களுக்கு முன்பு எதிர்பாராத விதமாக பலத்த காயம் ஏற்பட்டுள்ளது. இதனால் சீரியலில் இருந்து விலக உள்ளதாக நேற்று மிகவும் உருக்கமாக தன்னுடைய சமூக வலைத்தளத்தில் தெரிவித்திருந்தார்.
இதுகுறித்து அக்னி போட்டிருந்த பதிவில், " சீரியல் சுமுகமாக செல்வதற்காக, மலர் சீரியலில் இருந்து விலகும் இடத்தில் நான் இருக்கிறேன். இது நாங்கள் அனைவரும் சேர்ந்து எடுத்த முடிவு. சன் டிவிக்கும் சீரியலின் தயாரிப்பு நிறுவனமான விஷன் டைம் நிறுவனத்திற்கும் நன்றி. மேலும் சீரியலை பார்த்து ஆதரவளித்த அனைவருக்கும் நன்றி என கூறியுள்ளார்.
அக்னி திடீர் என 'மலர்' தொடரில் இருந்து விலகுவதால், இனி அவருக்கு பதில் யார் இந்த சீரியலில் நடிப்பார் என்கிற எதிர்பார்ப்பு எழுந்தது. இதுகுறித்து தற்போது வெளியாகியுள்ள தகவலில், 'திருமகள்' சீரியலில் ஹீரோவாக நடித்த சுரேந்தர் ஹீரோவாக கமிட் ஆகி உள்ளதாகவும் அடுத்த வாரத்தில் இருந்து இவர் நடிக்கும் காட்சிகள் மலர் சீரியலில் இடம்பெறும் என கூறப்படுகிறது.