இதுக்கு மேல காத்திருக்க முடியாது... கமலுக்கு டாட்டா காட்டிவிட்டு வாரிசு நடிகர் பக்கம் சென்ற ஹெச்.வினோத்
கமல்ஹாசன் படம் தாமதம் ஆவதால் இயக்குனர் ஹெச்.வினோத் அடுத்ததாக வாரிசு நடிகரை வைத்து படம் இயக்கும் வேலைகளில் மும்முரமாக இறங்கி உள்ளார்.
Kamalhaasan H Vinoth
சதுரங்க வேட்டை படம் மூலம் இயக்குனராக அறிமுகமானவர் ஹெச்.வினோத். முதல் படத்திலேயே தன்னுடைய வித்தியாசமான திரைக்கதையால் கவனம் ஈர்த்து வெற்றி கண்ட இவர், அடுத்ததாக தீரன் அதிகாரம் ஒன்று என்கிற மாஸ்டர் பீஸ் படத்தை கொடுத்தார். இதையடுத்து நடிகர் அஜித் உடன் கூட்டணி அமைத்த ஹெச்.வினோத், அவரை வைத்து வரிசையாக நேர்கொண்ட பார்வை, வலிமை, துணிவு ஆகிய மூன்று படங்களை இயக்கினார்.
![article_image2](https://static-ai.asianetnews.com/images/01g9f1jy08732gsdya958yrjkh/collage-maker-02-aug-2022-03-58-pm_300x169xt.jpg)
Kamal H Vinoth movie delayed
இதில் கடைசியாக அஜித்தை வைத்து அவர் இயக்கிய துணிவு திரைப்படம் பிளாக்பஸ்டர் ஹிட் ஆனது. அஜித் படத்தை இயக்கி முடித்த கையோடு, ஹெச்.வினோத்துக்கு நடிகர் கமல்ஹாசன் படத்தை இயக்கும் வாய்ப்பு கிடைத்தது. கமல்ஹாசனின் 233-வது படத்தை தான் ஹெச்.வினோத் இயக்க உள்ளதாக அறிவிப்பு வெளியானது. இதையடுத்து இப்படத்திற்காக கமல்ஹாசன் துப்பாக்கிச்சுடும் பயிற்சி எடுக்கும் காட்சிகளையும் படக்குழு வெளியிட்டது.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
H vinoth, Karthi
இதனால் இந்தியன் 2 படத்தை முடித்த கையோடு கமல்ஹாசன் ஹெ.வினோத் இயக்கும் படத்தில் தான் நடிப்பார் என எதிர்பார்க்கப்பட்டது. ஆனால் இடையே மணிரத்னம் படம் வந்ததால், டக்கென அந்த படத்திற்கு தாவிவிட்டார் கமல். இந்தியன் 2 படத்தில் நடித்து முடித்தது தக் லைஃப் படத்தில் தான் நடிக்க முடிவெடுத்துள்ளாராம் கமல்ஹாசன். இதனால் இனிமேல் காத்திருக்க முடியாது என முடிவெடுத்த ஹெச்.வினோத் அடுத்த பட வேலைகளை தொடங்கி உள்ளாராம்.
Theeran Adhigaaram Ondru 2 on cards
அவர் அடுத்ததாக தீரன் படத்தின் இரண்டாம் பாகத்தை இயக்க முடிவெடுத்து அதற்கான வேலைகளில் இறங்கி உள்ளாராம். நடிகர் கார்த்தியும் ஜப்பான் படத்தின் படுதோல்விக்கு பின் ஹிட் கொடுக்க வேண்டிய கட்டாயத்தில் உள்ளதால், அவர் தீரன் 2 படத்தை தேர்வு செய்துள்ளதாகவும் அடுத்த ஆண்டு இப்படத்தின் ஷூட்டிங் தொடங்க வாய்ப்பு உள்ளதாக கோலிவுட் வட்டாரத்தில் தகவல்கள் பரவி வருகின்றன.
இதையும் படியுங்கள்... ரெளடி பேபி உடன் ரொமான்ஸ் செய்ய தயாராகும் கேஜிஎப் நாயகன்... யாஷுக்கு ஜோடியாகும் சாய் பல்லவி..!