ராஜா பகவத் மாதிரி இருந்தவருக்கே இந்த நிலைமையா... கார்ல தான் குடும்பமே நடத்துறேன் - KGF விக்கி புலம்பல்
மிக்ஜாம் புயல் காரணமாக தான் கடுமையாக பாதிக்கப்பட்டு உள்ளதோடு காரில் தான் குடும்பமே நடத்துகிறேன் என யூடியூப் பிரபலம் கேஜிஎப் விக்கி கூறி இருக்கிறார்.
சென்னையில் மிகஜாம் புயலால் கடந்த இருநாட்களாக கனமழை வெளுத்து வாங்கியது. இதனால் சென்னையே வெள்ளக்காடாக மாறி இருக்கிறது. மிக்ஜாம் புயல் ஆந்திரா பக்கம் சென்றுவிட்டதால் தற்போது சென்னையில் மழை ஓய்ந்துள்ளது. வெள்ளத்தில் சிக்கிய பகுதிகளில் தண்ணீரை அகற்றும் பணிகளும் மும்முரமாக நடைபெற்று வருகின்றன. அதேபோல் மக்களுக்கு தேவையான உதவிகளையும் அரசு முழுவீச்சில் செய்து வருகிறது.
![article_image2](https://static-ai.asianetnews.com/images/01hgw234seyzze5q9c4t3s9wyn/new-project---2023-12-05t092444-783_300x169xt.jpg)
இந்த நிலையில், வெள்ளத்தால் தான் சந்தித்த பிரச்சனைகள் குறித்து யூடியூப் பிரபலம் கேஜிஎப் விக்கி பேசி இருக்கிறார். இதுகுறித்து அவர் கூறுகையில், ஒரே பிரச்சனையா இருக்கு. 4 கடை ஓனர்னு சொல்றாங்க, ஆனா நான் இந்த கார்ல தான் குடும்பமே நடத்துறேன். வெள்ளத்தால் போவதற்கு வழியே இல்லை. இந்த சூழலில் கார் எடுத்து வந்ததால் அதுவும் அடிவாங்கியிருக்கு. இதனால எங்களுக்கு தான் நஷ்டம்.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
இந்த வெள்ளத்தில் மக்களுக்கு ஏதேனும் உதவி செய்வீர்களா என்கிற கேள்விக்கு பதிலளித்த விக்கி, நானே துணி நனஞ்சு, கடை உள்ள தண்ணி போயிருச்சுனு கவலைல இருக்கேன். ஏகப்பட்ட பிரச்சனை, நிலைமை சீரான பின்னர் அரிசி, கேஸ், எண்ணெய் உள்ளிட்டவற்றை வாங்கித் தருவேன். இதுக்குமேல செய்யனும்னா என்னுடைய மோதிரத்தை தான் விற்க முடியும்.
சுத்தமாக தூக்கமே இல்லை. நான் பிறந்து வளர்ந்து 30 வருஷத்துல இந்த மாதிரி மழையை பார்த்ததில்லை. முதல்வர் தான் ஏதாச்சும் பார்த்து செய்யனும், அவரை நம்பிதான் ஓட்டு போட்டேன் என நடுரோட்டில் நின்று தன் ஆதங்கத்தை கொட்டிவிட்டு சென்றுள்ளார் கேஜிஎப் விக்கி. சொந்தமாக துணிக்கடை நடத்தி வரும் இவர் இன்ஸ்டாகிராம் மற்றும் யூடியூப் மூலம் பேமஸ் ஆனார் என்பது குறிப்பிடத்தக்கது.
இதையும் படியுங்கள்... வெள்ளத்தில் சிக்கி காயமடைந்த ரோபோ சங்கர்... காலில் ரத்த காயத்துடன் வெளியிட்ட வீடியோ இதோ