Toxic Heroine: சாய்பல்லவியை தொடர்ந்து யஷ் படத்தில் இணைந்த வாரிசு நடிகை! எகிறும் எதிர்பார்ப்பு..!
கன்னட திரையுலகில் டாப் ஹீரோவாக இருக்கும் யஷ்ஷின் 19-ஆவது படமான டாக்சிக் படத்தில் சாய்பல்லவியை தொடர்ந்து மற்றொரு முன்னணி நடிகை இணைந்துள்ள தகவல் தற்போது வெளியாகியுள்ளது.
இயக்குனர் பிரசாந்த் நீல் இயக்கத்தில் யஷ் நடிப்பில், கடந்த 2018-ம் ஆண்டு வெளியான கே.ஜி.எஃப் படத்தின் முதல் பாகம் அணைத்து மொழி ரசிகர்களாலும் ரசிக்கப்பட்ட படமாக அமைந்தது. முதல் பாகத்தின் வெற்றியை தொடர்ந்து, இரண்டாவது பாகம் உருவான நிலையில் கடந்த ஆண்டு வெளியாகி 1200 கோடிக்கு மேல் வசூல் செய்து சாதனை படைத்தது மட்டும் இன்றி கன்னட திரையுலகில் மிகப்பெரிய தாக்கத்தை ஏற்படுத்தியது.
இந்த படத்தின் வெற்றிக்கு மிகப்பெரிய காரணம் இப்படத்தின் ஹீரோ ராக்கி பாய் யஷ் தான். அவரின் மிரட்டலான நடிப்பு அசாதாரணமாக பார்க்கப்பட்டது. கே.ஜி.எஃப் படத்தின் இரண்டு பாகங்களையும் ஹோம்பாலே பிலிம்ஸ் நிறுவனம் தயாரித்திருந்தது.
Koose Munisamy Veerappan Released: வெளியாகியது ‘கூச முனிசாமி வீரப்பன்’ ஆவணத் தொடர்!!
Yash Sai pallavi
கே.ஜி.எஃப் படத்தை தொடர்ந்து, யஷ் நடிக்கும் 19-ஆவது திரைப்படம் மிகப்பெரிய எதிர்ப்பை கூட்டியது. கே.வி.என் தயாரிப்பில் உருவாகும் இந்த படத்தை மலையாள இயக்குனர் கீது மோகன்தாஸ் இயக்குகிறார். 'டாக்சிக்' என பெயரிடப்பட்டுள்ள இந்த படம் ஆக்ஷன் திரைப்படமாக உருவாகி வருகிறது.
மேலும் இந்த படத்தில் மூன்று ஹீரோயின்கள் நடிக்க உள்ளதாக ஏற்கனவே தகவல் வெளியான நிலையில், ஏற்கனவே சாய்பல்லவி கமிட் ஆகி உள்ளதாக கூறப்பட்டது. இதை தொடர்ந்து தற்போது உலக நாயகன் கமல்ஹாசன் மகளும், நடிகையுமான ஸ்ருதி கமிட் ஆகியுள்ளதாக கூறப்படுகிறது. மேலும் விரைவில் மற்றொரு நாயகி குறித்த அறிவிப்பும் விரைவில் வெளியாக வாய்ப்புள்ளதாக எதிர்பார்க்கப்படுகிறது. பிரமாண்ட பட்ஜெட்டில் மூன்று நாயகிகளுடன் இப்படம் உருவானாலும் யஷ் ஜோடி யார் என்று பொறுத்திருந்து பார்ப்போம்.
சேனலை கிளிக் செய்து பின்தொடரவும்
