கோடான கோடி நன்றி... ஐஸ்வர்யா ரஜினிகாந்த் இயக்கிய படத்துக்கு அமோக வரவேற்பு - தனுஷ் போட்ட எமோஷனல் டுவிட்
ஐஸ்வர்யா ரஜினிகாந்த் இயக்கிய 3 படம் ரீ-ரிலீஸ் ஆகி மாபெரும் வரவேற்பை பெற்று வருவதால் நடிகர் தனுஷ் ரசிகர்களுக்கு நன்றி தெரிவித்து டுவிட் செய்துள்ளார்.
Dhanush, Aishwarya
நடிகர் ரஜினிகாந்தின் மூத்த மகள் ஐஸ்வர்யா ரஜினிகாந்த், 3 படத்தின் மூலம் தமிழ் சினிமாவில் இயக்குனராக காலடி எடுத்து வைத்தார். இப்படத்தில் தனுஷ் ஹீரோவாக நடித்திருந்தார். அவருக்கு ஜோடியாக ஸ்ருதிஹாசன் நடித்திருந்த இப்படம் கடந்த 2012-ம் ஆண்டு ரிலீஸ் ஆனது. இப்படம் கலவையான விமர்சனங்களை பெற்றாலும், இது வெற்றிப்படமாக அமைந்ததற்கு முக்கிய காரணம் அனிருத்தின் இசை மற்றும் பின்னணி பாடல்கள் தான்.
Moonu movie
தற்போது தமிழ் சினிமாவில் டாப் இசையமைப்பாளராக உள்ள அனிருத், அறிமுகமானது 3 படத்தின் மூலம் தான். அப்படத்திற்காக அவர் இசையமைத்த முதல் பாடலான ஒய் திஸ் கொலவெறி பாடல் உலகளவில் டிரெண்டாகியது. இதையடுத்து அப்படத்திற்கு அவர் போட்ட பாடல்கள் அனைத்தும் ஹிட் ஆக காதலர்களின் மனம்கவர்ந்த படங்கள் லிஸ்ட்டில் 3-யும் இடம்பெற்றது. இப்படம் கடந்த ஆண்டு தெலுங்கில் ரீ-ரிலீஸ் செய்யப்பட்டது.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
3 movie Re-Release
அப்போது தெலுங்கு ரசிகர்கள் இப்படத்திற்கு அமோக வரவேற்பு அளித்தனர். இதையடுத்து தமிழில் இப்படம் எப்போது ரீ-ரிலீஸ் செய்யப்படும் என ஆவலோடு காத்திருந்த ரசிகர்களுக்கு இன்ப அதிர்ச்சி கொடுக்கும் விதமாக கடந்த வாரம் 3 படம் தமிழ்நாட்டில் ரீ-ரிலீஸ் ஆனது. புதுப்படங்களுக்கு எந்த அளவுக்கு வரவேற்பு கிடைக்கும் அதே அளவு இந்த படத்துக்கும் கிடைத்ததால் 3 படக்குழுவினர் திக்குமுக்காடிப்போயினர். ரசிகர்களின் அன்பால் திகைத்து போன தனுஷ், அவர்களுக்கு நன்றி தெரிவித்து எக்ஸ் தளத்தில் பதிவிட்டுள்ளார்.
Dhanush X post
அந்த பதிவில், “3 படத்தின் ரீ-ரிலீஸுக்கு கிடைக்கும் வரவேற்பு எமோஷனலாக உள்ளது. இந்த ஏகோபித்த வரவேற்புக்கு கோடான கோடி நன்றி” என நெகிழ்ச்சி உடன் பதிவிட்டுள்ளார் தனுஷ். இந்த படம் வெளியாகும் போது கணவர் மனைவியாக இருந்த தனுஷ் - ஐஸ்வர்யா, தற்போது பிரிந்துவிட்டாலும், தன் முன்னாள் மனைவியின் படத்துக்கு ரசிகர்கள் தரும் அன்பை பார்த்து எமோஷனலாகி தனுஷ் போட்ட இந்த பதிவு ரசிகர்கள் மத்தியில் கவனம் பெற்றுள்ளது.
இதையும் படியுங்கள்... இந்த G Squad துவங்கப்பட்டது ஏன்? Fight Club பட டீசர் லான்ச் நிகழ்ச்சி - மேடையில் எமோஷனலான லோகேஷ் கனகராஜ்!
சேனலை கிளிக் செய்து பின்தொடரவும்
