DD3 Update: தனுஷ் இயக்கும் மூன்றாவது படத்தின் முக்கிய அப்டேட்..! நாள் குறித்த படக்குழு..!
நடிகர் தனுஷ் இயக்கும், மூன்றாவது படத்தின் அப்டேட்...கிருஸ்துமஸ் தினத்தை முன்னிட்டு வெளியாக உள்ளதை படக்குழு அதிகார பூர்வமாக அறிவித்துள்ளது.
Dhanush movie
நடிகர் தனுஷ் கோலிவுட் திரையுலகமே ஆச்சர்யப்படும் வகையிலான முன்னணி நடிகராக இருந்து வருகிறார். திரைப்படங்களில் நடிப்பதை தாண்டி, பாடல் எழுதுவது, பாடுவது, இயக்கம், தயாரிப்பு என திரையுலகில் தன்னுடைய பன்முக திறமையை வெளிப்படுத்தி வருகிறார்.
இவர் நடிப்பில் உருவாகியுள்ள கேப்டன் மில்லர் திரைப்படம், பொங்கல் திருவிழாவை முன்னிட்டு வெளியாக உள்ள நிலையில், தன்னுடைய 50'ஆவது படத்தை தானே... இயக்கி நடித்துள்ளார். மேலும் 51-ஆவது படத்தை பாலிவுட் இயக்குனர் சேகர் காமுலா இயக்கத்தில் நடிக்க உள்ளார்.
மேலும் நடிகர் தனுஷ், இயக்க உள்ள மூன்றாவது படம் குறித்த தகவல் சமீபத்தில் வெளியானது. இப்படத்தின் படப்பிடிப்பு சைலண்டாக துவங்கிய நிலையில், இந்த படத்தின் தனுஷின் சகோதரியின் மகன் ஹீரோவாக நடித்து வருவதாகவும், அவருக்கு ஜோடியாக அனிகா சுரேந்திரன் நடித்து வருவதாகவும் கூறப்படுகிறது.
தற்போது இந்த படத்தின் முக்கிய அப்டேட் ஒன்றை படக்குழு வெளியிட்டுள்ளது. அதன்படி ’DD3’ படத்தின் முக்கிய அறிவிப்பு, டிசம்பர் 24 ஆம் தேதி அதாவது கிருஸ்துமஸ் தினத்தை முன்னிட்டு படக்குழு வெளியிட உள்ளதாக கூறப்படுகிறது. ஒருவேளை 24-ஆம் தேதி இப்படத்தின் டைட்டில் வெளியாக வாய்ப்புள்ளதாக தெரிகிறது.