Captain Miller OTT Release: வசூலில் மிரட்டிய தனுஷின் 'கேப்டன் மில்லர்' OTT ரிலீஸ் குறித்து வெளியான தகவல்!

இயக்குனர் அருண் மாதேஸ்வரன் இயக்கத்தில், நடிகர் தனுஷ் நடிப்பில் உருவான 'கேப்டன் மில்லர்' திரைப்படம், கடந்த ஜனவரி 12ஆம் தேதி பொங்கல் பண்டிகையை முன்னிட்டு வெளியானது. முதல் நாளே அனைத்து ரசிகர்கள் மத்தியிலும் நல்ல வரவேற்பை பெற்றது. ஒரு தரப்பினர் இப்படத்திற்கு பாசிட்டிவ் விமர்சனத்தை கொடுத்த போதும், மற்றொரு தரப்பினரால் அதிக விமர்சனங்களுக்கும் ஆளானது.

அதிக சண்டை காட்சிகள் இப்படத்தில் இடம்பெற்றதால், குடும்பத்தினரோடும், குழந்தைகளோடும் இது பார்க்க முடியாத படம் என நடுநிலையான ரசிகர்கள் இப்படத்தை வச்சு செய்த சம்பவங்களும் உண்டு. அதே போல் இதுவரை ஏற்று நடித்திராத சவாலான கதாபாத்திரத்தில் தனுஷ் மிரட்டிய காட்சிகள் பிரமிக்க வைத்தன.  இந்த திரைப்படத்தில் பிரபல கன்னட சூப்பர் ஸ்டார் சிவராஜ் குமாரும் மிக முக்கிய கதாபாத்திரத்தில் நடித்திருந்தார்.

'முதல்வன்' படத்தில் அர்ஜூனுக்கு முன்பு மூன்று டாப் ஹீரோக்களை அணுகிய இயக்குனர் சங்கர்! யார் யார் தெரியுமா?

தமிழகத்தை விட, வெளிநாடுகளுக்கும் கர்நாடகா ரசிகர்கள் மத்தியிலும் அதிக பாராட்டுகளையும் வசூலையும் குவித்த இந்த படத்தின் ஓடிடி ரிலீஸ் குறித்த அதிகார பூர்வ தகவல் தற்போது வெளியாகியுள்ளது.
 

பிப்ரவரி 9-ஆம் தேதி, கேப்டன் மில்லர் திரைப்படம் 'அமேசான்' ஓடிடி பிளாட் ஃபாமில் ஸ்ட்ரீம் செய்யப்பட உள்ளதாக அறிவிப்பு வெளியாகியுள்ளது. கேப்டன் மில்லர் படத்தில் தனுஷுக்கு ஜோடியாக ப்ரியங்கா மோகன் நடித்திருந்தார். தற்போது இயக்குனர் அருண் மாதேஸ்வரன்... 'கேப்டன் மில்லர்' படத்தில் இரண்டாம் பாகம் மற்றும் மூன்றாம் பாகம் எடுக்க தயாராகி வருவதாக கூறப்படுகிறது.

நாதஸ்வரம் சீரியல் இயக்குனருடன் திருமணம்? திருமுருகனால் ஸ்ரித்திகாவுக்கு வந்த பிரச்சனை! வேதனையோடு கூறிய தகவல்!