'முதல்வன்' படத்தில் அர்ஜூனுக்கு முன்பு மூன்று டாப் ஹீரோக்களை அணுகிய இயக்குனர் சங்கர்! யார் யார் தெரியுமா?
பிரம்மாண்ட இயக்குனர் ஷங்கர் இயக்கத்தில் எஸ் ஃபிலிம்ஸ் தயாரிப்பில் கடந்த 1999 ஆம் ஆண்டு வெளியான முதல்வன் படத்தில், ஹீரோவாக நடிக்க ஷங்கர் அணுகிய 3 டாப் நடிகர்கள் பற்றிய தகவலை இந்த தொகுப்பில் பார்க்கலாம்.
தன்னுடைய ஒவ்வொரு படத்தையும், தரமான கதைகளத்தோடு இயக்கி பிரம்மாண்ட இயக்குனர் என பெயர் எடுத்தவர் இயக்குனர் சங்கர். இவர் இயக்கத்தில் நடிகர் அர்ஜுன் ஹீரோவாக நடித்து 1999 ஆம் ஆண்டு வெளியான திரைப்படம் 'முதல்வன்'. இந்த படத்தில், மனிஷா கொய்ராலா ஹீரோயினாக நடித்திருந்த நிலையில், ரகுவரன், மணிவண்ணன், வடிவேலு, லைலா, உள்ளிட்ட பலர் முக்கிய கதாபாத்திரத்தில் நடித்திருந்தனர்.
கே.வி.ஆனந்த் படத்தொகுப்பு செய்திருந்த இந்த படத்திற்கு, ஏ ஆர் ரகுமான் இசையமைத்திருந்தார். இப்படம் வெளியாகி சூப்பர் டூப்பர் ஹிட் அடித்த நிலையில், நடிகர் அர்ஜுனினின் திரையுலக வாழ்க்கையில் மிகவும் முக்கிய திரைப்படமாகவும் அமைந்தது.
இந்நிலையில், இந்த படத்தில் நடிக்க இருந்த இரண்டு முன்னணி ஹீரோக்கள் பற்றிய தகவல் தற்போது வெளியாகி உள்ளது. இயக்குனர் சங்கர் அரசியல் கதைகளத்துடன் இயக்கிய இந்த படத்தின் கதையை முதலில் சூப்பர் ஸ்டார் ரஜினிகாந்தை மனதில் வைத்து தான் எழுதியுள்ளா.ர் பின்னர் ரஜினிகாந்த் ஒரு சில காரணங்களால் இந்த படத்தை நிராகரித்த நிலையில்... தளபதி விஜயை இப்படத்தில் ஹீரோவாக வைத்து இயக்க முடிவு செய்தார் இயக்குனர் ஷங்கர்.
தன்னுடைய நண்பர் மூலம், குருவும் விஜயின் தந்தையுமான எஸ் ஏ சந்திரசேகரை அணுகிய நிலையில், இருவருக்கு இடையேயான பேச்சுவார்த்தை ஒத்துப் போகவில்லை என கூறப்படுகிறது. இதனால் எஸ் ஏ சி தன்னுடைய மகனுக்கு கிடைத்த 'முதல்வன்' பட வாய்ப்பை வேண்டாம் என நிராகரித்தார். பின்னர் இந்த வாய்ப்பை தவற விட்டதற்காக ஷங்கரிடமே கவலை பட்ட தகவலை இயக்குனர் ஷங்கர் 2020-ஆம் ஆண்டு கொடுத்து பேட்டி ஒன்றில் தெரிவித்துள்ளார்.
Kamal haasan 1.
விஜய்யை தொடர்ந்து, நடிகர் கமலஹாசனை அணுகினார் இயக்குனர் ஷங்கர். அந்த சமயத்தில் கமல் 'ஹேராம்' படத்தை இயக்கி, நடித்து வந்ததால் அப்போதைக்கு அவராலும் நடிக்க முடியாமல் போனது.
இதன் பின்னரே... தன்னுடைய முதல் பட ஹீரோவான 'ஜென்டில்மேன்' பட நாயகன் அர்ஜுனை சந்தித்து இந்த கதையை கூறினார். அர்ஜுனுக்கு கதை மிகவும் பிடித்து போனதால்... பல படங்கள் தன்னுடைய கை வசம் இருந்தும், முதல்வன் படத்திற்கு கால் ஷீட் கொடுத்து நடித்து கொடுத்தார். அர்ஜுன் எதிர்பார்த்தபடியே இப்படம் சூப்பர் டூப்பர் ஹிட் அடித்தது குறிப்பிடத்தக்கது.