தமிழகத்தில் பாஜக கூட்டணியில் இடம்பெற போகும் கட்சிகள் இவை தான்.! பாமக நிலைபாடு என்ன தெரியுமா?
தமிழகத்தில் பாஜக தலைமையிலான கூட்டணி இடம் பெரும் கட்சிகளின் விவரம் கிட்டதட்ட உறுதியாகிவிட்டதாகவும் அதன் விவரம் வெளியாகியுள்ளது.
PM Modi
நாடாளுமன்ற தேர்தல் தேதி தொடர்பான அறிவிப்பு இன்னும் சில நாட்களில் வெளியாக உள்ளது. இந்நிலையில், மத்தியில் எப்படியாவது 3வது முறையாக பாஜக ஆட்சியை தக்க வைக்க வேண்டும் என்ற முனைப்பில் பல்வேறு வியூகங்களை பிரதமர் மோடி வகுத்து வருகிறார். இதன் காரணமாக தேசிய ஜனநாயக கூட்டணியில் பிரிந்து சென்ற கட்சிகளை மீண்டும் ஒன்று சேர்க்கும் முயற்சியில் ஈடுபட்டு வருகின்றனர்.
Tamilnadu bjp Allience
இந்நிலையில், தேசிய ஜனநாயக கூட்டணியில் இருந்து வெளியேறிய அதிமுக இனி ஒருபோதும் பாஜகவுடன் கூட்டணி கிடையாது என எடப்பாடி பழனிசாமி திட்டவட்டமாக கூறிவிட்டார். இதன் காரணமாக தமிழகத்தில் பாஜக தலைமையில் கூட்டணி அணி அமைத்து போட்டியிட உள்ளது. இதற்காக பல்வேறு கட்சிகளுடன் பேச்சுவார்த்தையில் பாஜக ஈடுபட்டு வருகிறது. இதில், புதிய நீதிக்கட்சியின் தலைவர் ஏ.சி.சண்முகம், தமிழக மக்கள் முன்னேற்ற கழகத்தில் தலைவர் ஜான்பாண்டியன், ஐஜேகே, இந்திய மக்கள் கல்வி முன்னேற்ற கழகம், சமத்துவ மக்கள் கட்சி, தமிழ் மாநில காங்கிரஸ் உள்ளிட்ட கட்சிகள் பாஜக ஆதரவு நிலைபாட்டை எடுத்துள்ளார்.
இதையும் படிங்க: Two Leaves Symbol: இரட்டை இலை சின்னம் முடங்கும் அபாயம்? அதிர்ச்சியில் எடப்பாடி பழனிசாமி..!
TTV Dhinakaran
அதேபோல், அதிமுகவில் இருந்து நீக்கப்பட்டரும், தென்மாவட்டங்களில் செல்வாக்கு மிக்க தலைவராக இருந்து வரும் ஓபிஎஸ் பாஜக கூட்டணியில் இணைவது உறுதியாகிவிட்டது. அமமுக பொதுச்செயலாளர் டிடிவி.தினகரன் நிபந்தனையற்ற ஆதரவு அளிப்பதாகவும், வரும் தேர்தலில் பாஜக வென்று மோடி 3வது முறையாக பிரதமராக ஒரு அணிலைப் போல் உதவுவேன் என்றார்.
Ramadoss
வட மாவட்டங்களில் செல்வாக்கு மிக்க கட்சியான பாமகவுடன் பாஜக ரகசிய பேச்சுவார்த்தை நடத்தியதாகவும் உடன்பாடு எட்டப்பட்டுவிட்டதாகவும் விரைவில் அதிகாரப்பூர்வ அறிவிப்பு வெளியாக வாய்ப்புள்ளதாக கூறப்படுகிறது. மேலும் தேமுதிக பாஜகவுடன் பேச்சுவார்த்தை நடத்தியதாக தகவல் வெளியான நிலையில் இதனை அக்கட்சியின் பொதுச்செயலாளர் திட்டவட்டமாக மறுத்துவிட்டார். ஆகையால் தேமுதிக அதிமுகவுடன் கூட்டணி அமைக்க அதிக வாய்ப்புள்ளதாக கூறப்படுகிறது.
இதையும் படிங்க: பாஜகவுடன் ஓபிஎஸ், டிடிவி தினகரன், சரத்குமார் பேச்சுவார்த்தை: யாருக்கு எத்தனை தொகுதி?