விஜய் டிவியில் இருந்து சன் டிவிக்கு தாவிய ஹீரோ! 'அன்பே வா' டெல்னா நடிக்கும் புதிய சீரியலுக்கு பூஜை போட்டாச்சு!

'அன்பே வா' சீரியலில் நடித்து வந்த டெல்னா டெவிஸ் அந்த தொடரை விட்டு விலகிய நிலையில், மீண்டும் புதிய தொடரில் நடிக்கிறார். தற்போது இந்த சீரியலின் படப்பிடிப்பு துவங்கியுள்ளது. 

சன் டிவியில், கடந்த 2020 ஆம் ஆண்டு, புரட்சி தலைவர் எம்.ஜி.ஆரின் பாடலான 'நான் பார்த்தத்திலே  அவள் ஒருத்தியை தான்' என்கிற இன்றோ பாடலுடன் துவங்கிய சீரியல் 'அன்பே வா'. பிரைம் டைம் சீரியலான இந்த தொடரில் ஹீரோவாக விராட் (வருண் கிருஷ்ணா) என்கிற கேரக்டரில் கதாநாயகனாகவும், டெலினா டெவிஸ் (பூமிகா)  என்கிற கேரக்டரில் நாயகியாகவும் நடித்து வந்தார்.

1000 எபிசோடுகளை கடந்து ஒளிபரப்பாகி வரும் இந்த தொடருக்கு ரசிகர்கள் மத்தியில் தொடர்ந்து நல்ல வரவேற்பு கிடைத்து வந்த போதிலும், இந்த சீரியலில் ஓவர் அழுகாச்சி சீன்கள் மட்டுமே தனக்கு கிடைத்ததாக கூறி, இந்த தொடரில் இருந்து விலகுவதாக அதிரடியாக அறிவித்தார் டெல்னா. பொதுவாக ஒரு சீரியலில் இருந்து நடிகர் - நடிகைகள் விலகினால் அவர்களுக்கு பதிலாக வேறு ஒருவரை நடிக்க வைப்பது தான் வழக்கம். 

ஆனால் இந்த சீரியலில் இருந்து பூமிகா கதாபாத்திரத்தையே ஒட்டு மொத்தமாக தூக்கும் விதத்தில், அந்த கேரக்டரையே சாகடித்து விட்டனர். எனினும் தற்போது இந்த சீரியல் யாரும் எதிர்பாராத விதத்தில் புதிய கதைக்களத்துடன் ஒளிபரப்பாகி வருகிறது. 

இந்த தொடரில் இருந்து டெல்னா விலகிய உடன் இதுவரை எந்த ஒரு தொடரிலும் நடிக்காத நிலையில், தற்போது சன் டிவியில் விரைவில் ஒளிபரப்பாக உள்ள புதிய தொடரில் கமிட் ஆகி உள்ளார். சரீகமா நிறுவனம் தயாரிக்கும் இந்த சீரியலின் படப்பிடிப்பு தற்போது பூஜையுடன் துவங்கியுள்ளது. 

மேலும் இந்த தொடரில், டெல்னா டேவிஸுக்கு ஜோடியாக, விஜய் டிவியில் ஒளிபரப்பான 'மௌனராகம் 2' சீரியலின் ஹீரோ சல்மான் நடிக்க உள்ளார். இந்த சீரியல் குறித்த அறிவிப்பு தற்போது வெளியாகி வைரலாகி வருகிறது, கூடிய விரைவில் இந்த தொடர் ஒளிபரப்பாகும் தேதி உள்ளிட்ட அறிவிப்புகள் வெளியாகும் என எதிர்பார்க்கப்படுகிறது.