பா. ரஞ்சித் படத்தில் ஹீரோவான ஜீவி பிரகாஷ்! ஹீரோயினாகும் வாரிசு நடிகை.. ஷூட்டிங் ஸ்பாட் போட்டோஸ்!
ஜிவி பிரகாஷ் குமார் முதல் முறையாக, பா.ரஞ்சித் தயாரிப்பில் நடிக்க உள்ள படத்தின் படப்பிடிப்பு சென்னையில் துவங்கியது.
இசையில் மட்டும் இன்றி, நடிப்பிலும் தன்னுடைய திறமையை நிரூபித்துள்ள ஜிவி பிரகாஷ் குமார்... தற்போது முதல் முறையாக இயக்குனர் பா.இரஞ்சித்தின் நீலம் புரொடக்சன்ஸ் தயாரிப்பில் நடிக்கும் படத்தின் படப்பிடிப்பு சென்னையில் துவங்கியது.
இந்த படத்தில் ஜீவி பிரகாஷ் ஜோடியாக, டாக்டர் ராஜசேகர் - ஜீவிதா நட்சத்திர ஜோடிகளின் மகள் ஷிவானி ராஜசேகர் நடிக்கிறார். மேலும் முக்கிய கதாபாத்திரத்தில் பசுபதி, ஸ்ரீநாத்பாஸி, லிங்கேஷ், விஷ்வாந்த் உள்ளிட்ட பலர் நடிக்கிறார்கள்.
திறமைகள் இருந்தும் படம் இயக்க வாய்ப்பு கிடைக்காமல் இருக்கும் தன்னுடைய துணை இயக்குநர்களுக்காக தயாரிப்பாளராக மாறி வழி நடத்திவரும் பா.இரஞ்சித்... இந்த முறையும் தன்னுடைய உதவி இயக்குனர் அகிரன் மோசஸ் என்பவரின் படத்தை தான் தயாரிக்க உள்ளார்.
இந்த படத்தின் படப்பிடிப்பு சென்னையில் துவங்கியது. படப்பிடிப்பை துவங்கி வைத்த பா.ரஞ்சித் படக்குழுவினர் அனைவருக்கும் வாழ்த்து கூறினார். மேலும் இந்த படத்தில் நடிப்பது மட்டும் இன்றி இந்த படத்திற்கு இசையமைக்கவும் உள்ளார் ஜீவி பிரகாஷ் குமார். ரூபேஷ் சாஜி ஒளிப்பதிவில், செல்வா RK இப்படத்திற்கு படத்தொகுப்பு செய்ய உள்ளார் என்பது குறிப்பிடத்தக்கது.