பிக்பாஸில் புது வரவு... அடடே இந்த குக் வித் கோமாளி பிரபலமும் பிக்பாஸ் 7வது சீசனில் கலந்துகொள்ள போகிறாரா?

பரபரப்புக்கும்  விறுவிறுப்புக்கும் பஞ்சமில்லாத நிகழ்ச்சி என்றால் அது பிக்பாஸ் தான். தமிழில் இந்நிகழ்ச்சி இதுவரை 6 சீசன்கள் நடத்தி முடிக்கப்பட்டு உள்ளன. இந்த 6 சீசன்களையும் கமல்ஹாசன் தான் தொகுத்து வழங்கினார். விரைவில் தொடங்க உள்ள 7-வது சீசனையும் அவர் தான் தொகுத்து வழங்க உள்ளார். பிக்பாஸ் சீசன் 7 நிகழ்ச்சிக்கான ஆரம்பக்கட்ட பணிகள் விறுவிறுப்பாக நடைபெற்று வருகின்றன. அந்நிகழ்ச்சி அக்டோபர் மாதம் தொடங்க உள்ளது.

இதுவரை நடந்து முடிந்த 6 சீசன்களைப் போல் இல்லாமல் இந்த சீசனில் பல்வேறு புதுமைகள் காத்திருக்கின்றன. அதில் ஒன்று தான் 2 வீடு கான்செப்ட். இதுவரை எந்த மொழியிலும் இதுபோன்று நடத்தப்பட்டதில்லை. முதல் முறையாக தமிழில் 2 வீடுகளோடு பிக்பாஸ் நிகழ்ச்சி நடத்தப்பட உள்ளதால், இந்த சீசனுக்கான எதிர்பார்ப்பு ரசிகர்கள் மத்தியில் அதிகரித்த வண்ணம் உள்ளது.

இதையும் படியுங்கள்... விவேக் முதல் மாரிமுத்து வரை... தமிழ் திரையுலகில் தொடரும் மாரடைப்பு மரணங்கள் - இதுக்கு இல்லையா சார் ஒரு எண்டு?

இதற்கு அடுத்தபடியாக இந்நிகழ்ச்சியில் கலந்துகொள்ள உள்ள பிரபலங்களைப் பற்றிய விவரங்களும் தொடர்ந்து லீக் ஆன வண்ணம் உள்ளன. அந்த வகையில், மாகாபா ஆனந்த், ரேகா நாயர், செய்தி வாசிப்பாளர் ரஞ்சித், டான்ஸ் மாஸ்டர் ஸ்ரீதர், நடிகை வனிதா விஜயகுமாரின் மகள் ஜோவிகா, நடிகர் விஜயகுமாரின் மகள் ஸ்ரீதேவி, பிரபல நடிகர் அப்பாஸ், பாண்டியன் ஸ்டோர்ஸ் சீரியல் நடிகை சுஜிதா என இந்த லிஸ்ட் நீண்டுகொண்டே செல்கிறது.

இந்த லிஸ்ட்டில் புதுவரவாக இணைந்திருப்பவர் குரேஷி. அவர் தனது இன்ஸ்டாகிராம் பக்கத்தில் பிக்பாஸ் வீட்டின் முன் எடுத்த புகைப்படத்தை பதிவிட்டுள்ளார். இதைப்பார்த்த ரசிகர்கள் அவர் பிக்பாஸ் வீட்டுக்கு செல்ல உள்ளதை தான் இப்படி சூசகமாக பதிவிட்டுள்ளதாக கூறி அவருக்கு வாழ்த்துக்களை தெரிவித்து வருகின்றனர். ஒரு சிலரோ, தயவு செஞ்சு அங்க போய் பெயரை கெடுத்துக் கொள்ளாதீர்கள் என அவருக்கு அட்வைஸ் செய்து வருகின்றனர்.

இதையும் படியுங்கள்... அஜித்தின் நல்ல குணம்.. விஜயின் கெட்ட குணம்.. நடிகர் மாரிமுத்து சொன்ன பிளாஷ்பேக் சீக்ரெட்ஸ் !!