உள்ளாடைகளுக்கும் காலாவதி தேதி உண்டா...? ரொம்ப நாள் யூஸ் பண்ணா விளைவு பயங்கரம்!
நாம் பயன்படுத்தும் அனைத்திற்கும் காலாவதி தேதி உண்டு. அத்தகைய சூழ்நிலையில், உள்ளாடைகளுக்கு காலாவதி தேதிகள் உள்ளதா இல்லையா என்பதை இந்த கட்டுரையில் தெரிந்துகொள்ளலாம் வாருங்கள்.
பொதுவாகவே, மருந்துகளின் காலாவதி தேதி பற்றி கேள்விப்பட்டிருக்கிறோம்.. பேக் செய்யப்பட்ட உணவு பொருட்களின் காலாவதி தேதி பற்றியும் கேள்விப்பட்டிருக்கிறோம். ஆனால், உள்ளாடைகளின் காலாவதி தேதி பற்றி யாராவது கேள்விப்பட்டிருக்கிறீர்களா..? கண்டிப்பாக பதில் இல்லை என்று தான் வரும்.
ஆனால், இதற்கான எந்த சான்றுகள் இல்லை என்றாலும், பழைய உள்ளாடைகள் ஆரோக்கியத்தில் மோசமான தாக்கத்தை ஏற்படுத்தும் என்பது உறுதி. எனவே, உள்ளாடைகளை எத்தனை நாட்களுக்கு பயன்படுத்தலாம் என்பதை இன்று இந்த கட்டுரையில் தெரிந்துகொள்ளலாம் வாருங்கள்.
உள்ளாடைகளுக்கும் காலாவதி தேதி உண்டா?: இதுகுறித்து நிபுணர் ஒருவர் கூறுகையில், எந்த உள்ளாடைகளும் காலாவதி தேதி இல்லை. சில மாதங்கள் தொடர்ந்து ஒரே உள்ளாடையை பயன்படுத்த கூடாது. மேலும், உள்ளாடைகள் தளர்வாகிவிட்டாலோ அல்லது அவற்றில் துளைகள் இருந்தாலோ, அவற்றை ஒருபோதும் அணியக்கூடாது.
உள்ளாடைகளை எப்போது மாற்ற வேண்டும்?: உள்ளாடைகளைப் பொறுத்தவரை, ஒவ்வொரு ஆண்டும் உள்ளாடைகளை மாற்றுவது நல்லது என்கின்றனர் நிபுணர்கள். இதன் மூலம் பல வகையான தொற்றுநோய்களைத் நாம் தவிர்க்கலாம். இல்லையெனில்,
ஒவ்வாமை மற்றும் தொற்று ஏற்படும் அபாயம் உள்ளது.
பழைய உள்ளாடையை பயன்படுத்தினால் வரும் பிரச்சினைகள்: உங்கள் உள்ளாடைகள் பழசாகி விட்டாலோ அல்லது தளர்வானால் அதை தூக்கி எறியுங்கள். இல்லையெனில், அது நாள் முழுவதும் உங்களை தொந்தரவு செய்யும். இது தவிர துவைத்தாலும் உள்ளாடைகளில் ஒரு விதமான வாசனை வீசினால், அதை பயன்படுத்த வேண்டாம்.
மேலும், உள்ளாடைகள் கரடு முரடாக இருந்தால் அது தோல் தொடர்பான பிரச்சனைகளை ஏற்படுத்தும். அதே சமயம், மோசமான உள்ளாடைகளை அணிந்தால், உடலில் சொறி ஏற்படுவது மட்டுமின்றி, உங்கள் அந்தரங்க உறுப்பில் தொற்று ஏற்படும் அபாயமும் உள்ளது.