ப்ளூ ஸ்டார் கவின் நடிக்க வேண்டிய படம்... கடைசி நேரத்தில் கைநழுவிய வாய்ப்பு- அவர் நடிக்க இருந்த கேரக்டர் இதுவா?
பா.இரஞ்சித் தயாரிப்பில் ஜெயக்குமார் இயக்கத்தில் வெளியாகி வெற்றிநடை போட்டு வரும் ப்ளூ ஸ்டார் திரைப்படத்தில் நடிக்கும் வாய்ப்பை கவின் மிஸ் பண்ணி உள்ளார்.
Kavin
பிக்பாஸ் நிகழ்ச்சிக்கு பின்னர் கோலிவுட்டில் நம்பிக்கை நட்சத்திரமாக உருவெடுத்துள்ளார் கவின். ஆரம்பத்தில் விஜய் டிவி சீரியல்களில் நடித்து வந்த கவினுக்கு பிக்பாஸ் நிகழ்ச்சி மிகப்பெரிய திருப்புமுனையாக அமைந்தது. அந்நிகழ்ச்சிக்கு பின்னர் சினிமாவில் ஹீரோவாக கலக்கி வரும் கவின், கடந்த ஆண்டு டாடா என்கிற பிளாக்பஸ்டர் ஹிட் படத்தை கொடுத்தார். டாடா படத்தின் வெற்றிக்கு பின்னர் கவினுக்கு பட வாய்ப்புகள் குவிந்த வண்ணம் உள்ளது.
Star movie hero Kavin
அவர் நடிப்பில் தற்போது ஸ்டார் என்கிற திரைப்படம் உருவாகி வருகிறது. இப்படத்தை பியார் பிரேமா காதல் படத்தின் இயக்குனர் இளன் இயக்குகிறார். இதன் படப்பிடிப்பு விறுவிறுப்பாக நடைபெற்று வருகிறது. இதுதவிர டான்ஸ் மாஸ்டர் சதீஷ் இயக்குனராக அறிமுகமாகும் திரைப்படத்திலும் கவின் நாயகனாக நடிக்கிறார். இப்படத்திற்கு அனிருத் இசையமைத்து வருகிறார். இதுதவிர நெல்சன் தயாரிப்பில் ஒரு படத்தில் நடிக்க கமிட் ஆகி உள்ளார் கவின்.
இதையும் படியுங்கள்... நெல்சன் தயாரிக்க.. அவர் உதவியாளர் இயக்கத்தில் களமிறங்கும் கவின் - "அரக்கன்" ஆல்ரெடி ஆன்போர்ட்! மாஸ் அப்டேட்!
Kavin First choice for Blue Star
இப்படி செம்ம பிசியான ஹீரோவாக வலம் வரும் கவின், ஒரு பிளாக்பஸ்டர் படத்தை நழுவவிட்டுள்ளார். அதுதான் ப்ளூ ஸ்டார். கடந்த வாரம் திரையரங்குகளில் வெளியாகி வெற்றிநடை போட்டு வரும் இப்படத்தில் முதலில் நடிக்க இருந்தது கவின் தானாம். படத்தின் கதையை கேட்டதும் கவினுக்கு மிகவும் பிடித்துப் போக, அவர் தயாரிப்பாளர்களிடம் தன்னை அறிமுகம் செய்துவைத்ததாக ப்ளூ ஸ்டார் படத்தின் இயக்குனர் ஜெயக்குமார் சமீபத்திய பேட்டியில் கூறி இருக்கிறார்.
Ashok selvan replace Kavin
ஆனால் மற்ற படங்களில் பிசியான காரணத்தால் அவரால் ப்ளூ ஸ்டாரில் நடிக்க முடியாமல் போனதாம். பின்னர் தான் கவின் நடிக்க இருந்த கேரக்டருக்கு அசோக் செல்வன் கமிட் ஆனதாக ஜெயக்குமார் தெரிவித்துள்ளார். அதேபோல் கவின் தற்போது ஹீரோவாக நடித்து வரும் ஸ்டார் படத்தில் முதலில் ஹீரோவாக நடிக்க இருந்தது ஹரிஷ் கல்யாண். அவர் விலகிய காரணத்தால் தான் அவருக்கு பதில் கவின் நடிக்க ஒப்பந்தமானார் என்பது குறிப்பிடத்தக்கது.
இதையும் படியுங்கள்... ரஜினி படத்தில் இருந்து கழட்டிவிட்ட லோகேஷ்... கமுக்கமாக மாஸ் இயக்குனருடன் கூட்டணி அமைத்த ரத்னகுமார்