நெல்சன் தயாரிக்க.. அவர் உதவியாளர் இயக்கத்தில் களமிறங்கும் கவின் - "அரக்கன்" ஆல்ரெடி ஆன்போர்ட்! மாஸ் அப்டேட்!
Kavin New Movie : மிகக் குறுகிய காலத்தில் தமிழ் திரையுலகில் மிகப்பெரிய இயக்குனராக வளம் வந்து கொண்டிருப்பவர் தான் நெல்சன் திலீப் குமார். தற்பொழுது இவர் ஒரு திரைப்படத்தை தயாரிக்க உள்ளதாக தகவல்கள் வெளியாகி உள்ளது.
Jailer
தமிழ் திரை உலகில் பல சூப்பர் ஹிட் திரைப்படங்களை கொடுத்த நெல்சன் திலீப்குமார் இயக்கத்தில் அண்மையில் வெளியான சூப்பர் ஸ்டார் ரஜினிகாந்த் அவர்களின் ஜெயிலர் திரைப்படம் உலக அளவில் மாபெரும் வசூல் சாதனை புரிந்தது. இதனை அடுத்து தனது அடுத்த பட பணிகளை துவங்க ஆயத்தமாகி வருகிறார் நெல்சன் திலீப் குமார்.
Kavin
இந்நிலையில் அவருடன் உதவி இயக்குனராக பல படங்களில் பணியாற்றிய சிவபாலன் என்பவருடைய இயக்கத்தில் புதிய திரைப்படம் ஒன்று உருவாக உள்ளதாகவும், அந்த திரைப்படத்தை நெல்சன் திலீப் குமார் அவர்களே தயாரிக்க உள்ளதாகவும் தகவல்கள் வெளியாகி உள்ளது. இந்த திரைப்படத்தில் நாயகனாக நடிக்க கவின் ஒப்பந்தமாகியுள்ளதாகவும் கூறப்படுகிறது.
Dada Movie
இது கவின் நடிக்கும் 6வது திரைப்படமாகும், மேலும் இந்த திரைப்படத்தில் முன்னணி கதாபாத்திரத்தில் நடிக்க பிரபல நடிகை பிரியங்கா மோகன் அவர்களிடம் பேச்சுவார்த்தை நடந்து வருவதாக கூறப்படுகிறது. மேலும் ஏற்கனவே இந்த திரைப்படத்தில் "நடிப்பு அரக்கன்" எஸ்.ஜே சூர்யா இணைந்துள்ளதாகவும் தகவல்கள் வெளியாகி உள்ளது.
SJ Suryha
நடிகர் கவின் மேலும் இரண்டு திரைப்படங்களில் நடித்து வருவது குறிப்பிடத்தக்கது. கவினின் டாடா படத்தினுடைய வெற்றி அவருக்கு தமிழ் திரையுலகில் ஒரு மிகப்பெரிய வரவேற்பை கொடுத்துள்ளது என்றே கூறலாம். விரைவில் இந்த திரைப்படம் குறித்த அதிகாரப்பூர்வ தகவல்கள் வெளியாகும் என்று எதிர்பார்க்கப்படுகிறது.