Baakiyalakshmi: 'பாக்கியலட்சுமி' தொடரில் இருந்து சன் டிவிக்கு ஜம்ப்பான பிரபல நடிகை! இவங்க தான் ஹீரோயினா?
'பாக்கியலட்சுமி' சீரியலில் நடித்து வரும், நடிகை தற்போது சன் டிவி தொடரில் நடிக்க கமிட் ஆகி உள்ளதாக தகவல் வெளியாகியுள்ளது.
விஜய் டிவி தொலைக்காட்சியில் ஒளிபரப்பாகி வரும் முக்கிய சீரியலில் ஒன்று 'பாக்கியலட்சுமி'. பெண்கள் எந்த வயதிலும் நம்பிக்கையோடு சாதிக்கலாம், எப்படி பட்ட பிரச்சனையில் இருந்தும் மீண்டு வரலாம் என்கிற கருத்துடன் இந்த தொடர் ஒளிபரப்பாகி வருகிறது. இந்த சீரியலில், சுசித்ரா ரெட்டி லீட் ரோலில் நடித்து வருகிறார். அவருக்கு ஜோடியாக சதீஷ் மற்றும் மற்றொரு ஹீரோயினாக ராதிகா பசுபுலேட்டியும் நடித்து வருகின்றனர்.
மிகவும் விறுவிறுப்பான... மற்றும் பரபரப்பான காட்சிகளுடன் ஒளிபரப்பாகி வரும் இந்த தொடரில் முதலில் பல பிரச்சனைகள் பாக்கியாவை நோக்கி வருவதும் அதனை அவர்.. தில்லாக சமாளித்து பிரச்சனையில் இருந்து மீண்டு வருவார்.
இதையும் படியுங்கள்... பாக்ஸ் ஆபிஸில் தொடரும் வசூல் வேட்டை... பாகுபலி 2 சாதனையை சல்லி சல்லியாய் நொறுக்கி முதலிடம் பிடித்த சலார்
ஆனால் தற்போது கதைக்களம் மாற்றப்பட்டு... பாக்கியாவின் பிள்ளைகளான எழில் மற்றும் செழியன் வாழ்க்கையில் தொடர்ந்து பிரச்சனைகள் புயலாக அடித்து கொண்டிருக்க, இதில் இருந்து இருவரும் எப்படி மீண்டு வருவார்கள் என்பது சீரியலின் மீதான சுவாரஸ்யத்தை அதிகரித்துள்ளது.
செழியன், வேறொரு பெண்ணுடன் தவறான முறையில் பழகுகிறார் என்று நினைத்து ஜெனி விவாகரத்து கேட்க, அமிர்தாவின் முதல் கணவர் கணேஷ் மீண்டும் உயிருடன் வந்ததால்... எழிலின் வாழ்க்கையும் கேள்விக்குறியாகி உள்ளது. அமிர்தாவிற்கு திருமணம் ஆனது தெரிந்தும், கணேஷ் அமிர்தா மற்றும் நிலாவை தன்னுடன் அழைத்து செல்வதில் குறியாக உள்ளார்.
இப்படி பல பிரச்சனைகளுக்கு நடுவே பாக்கியலட்சுமி சீரியல் ஓடிக்கொண்டிருக்கும் நிலையில்... இந்த சீரியலில் இருந்து சன் டிவி தொடருக்கு ஜம்ப் ஆகி உள்ளார், பாக்கியாவின் மகளாக இனியா கதாபாத்திரத்தில் நடித்து வரும் நேஹா.
baakiyalakshmi
இவர் ஏற்கனவே சன் டிவி-யில் பிள்ளை நிலா, மற்றும் 'வாணி ராணி' போன்ற தொடர்களில் நடித்துள்ள நிலையில்... கடந்த 3 வருடங்களாக பாக்கியலட்சுமி தொடரில் நடித்து வந்தார். இந்நிலையில் விரைவில் சன் டிவி-யில் ஒளிபரப்பாக உள்ள, தொடரில் முக்கிய கதாபாத்திரத்தில் நடிக்க உள்ளதாக கூறப்படுகிறது. ஒரு வேலை இவர் தான் ஹீரோயின் என்றால்... இவருக்கு பாக்கிய லட்சுமி தொடரில் பெரிதாக முக்கியத்துவம் கொடுக்கப்படாத நிலையில் விலகினாலும் ஆச்சரியப்படுவதற்கு இல்லை.