விடாமுயற்சிக்கு விடிவுகாலம் பொறந்தாச்சு... ஒருவழியாக ஆரம்பமாக உள்ள ஷூட்டிங் - எப்போ ரிலீஸ் தெரியுமா?

தமிழ் திரையுலகில் முன்னணி மாஸ் நடிகராக வலம் வருபவர் அஜித்குமார். அவர் நடிப்பில் தற்போது விடாமுயற்சி. குட் பேட் அக்லி ஆகிய இரண்டு திரைப்படங்கள் தயாராகி வருகிறது. இதில் விடாமுயற்சி திரைப்படத்தை மகிழ் திருமேனி இயக்குகிறார். அதேபோல் அஜித்தின் 63-வது திரைப்படமான குட் பேட் அக்லியை ஆதிக் ரவிச்சந்திரன் இயக்கி வருகிறார். இதில் விடாமுயற்சி படத்தை லைகா நிறுவனமும், குட் பேட் அக்லியை மைத்ரீ மூவி மேக்கர்ஸ் நிறுவனமும் தயாரிக்கிறது.

விறுவிறுப்பாக நடைபெற்று வந்த விடாமுயற்சி படத்தின் ஷூட்டிங் கடந்த ஜனவரி மாதம் நிறுத்தப்பட்டு அதன்பின் நடைபெறவே இல்லை. இதையடுத்து குட் பேட் அக்லி படத்தில் கமிட்டான அஜித், அதன் படப்பிடிப்பில் கலந்துகொண்டு தற்போது நடித்து வருகிறார். இப்படத்தின் முதற்கட்ட ஷூட்டிங் தற்போது ஐதராபாத்தில் நடைபெற்று வருகிறது. இதில் நடிகர் அஜித்துடன் தெலுங்கு நடிகை ஸ்ரீலீலாவும் முக்கிய கதாபாத்திரத்தில் நடிக்கிறாராம்.

இதையும் படியுங்கள்... ஓ இது தான் குரங்கு வித்தையா! கையை.. காலை தூக்கி கொண்டு கண்ட மேனிக்கு போஸ் கொடுத்த பிரியா பவானி ஷங்கர்!

அஜித் ரசிகர்கள் விடாமுயற்சி அப்டேட்டுக்காக ஏங்கிக் கொண்டிருந்த நிலையில், அண்மையில் குட் பேட் அக்லி திரைப்படத்தின் பர்ஸ்ட் லுக் போஸ்டரை சர்ப்ரைஸாக வெளியிட்டு இன்ப அதிர்ச்சி கொடுத்தார் ஆதிக் ரவிச்சந்திரன். இருப்பினும் விடாமுயற்சி படம் என்ன ஆனது என்பதை தெரிந்துகொள்ள ரசிகர்கள் ஆவலோடு காத்திருந்த நிலையில், அப்படத்தின் இறுதிக்கட்ட ஷூட்டிங் மற்றும் ரிலீஸ் குறித்த ஹாட் அப்டேட் ஒன்று இணையத்தில் கசிந்துள்ளது.

அதன்படி விடாமுயற்சி திரைப்படத்தின் இறுதிக்கட்ட ஷூட்டிங் வருகிற ஜூன் மாதம் கடைசி வாரத்தில் அஜர்பைஜான் நாட்டில் தொடங்கி நடைபெற உள்ளது. அதன் ஷூட்டிங் முடிவடைந்ததும் இறுதிக்கட்ட பணிகளை விறுவிறுவென முடித்து படத்தை வருகிற தீபாவளி பண்டிகைக்கு திரைக்கு கொண்டுவர உள்ளார்களாம். இப்படத்தில் நடிகர் அஜித்துக்கு ஜோடியாக திரிஷாவும், வில்லனாக ஆரவ் மற்றும் அர்ஜுன் சர்ஜாவும் நடிக்கின்றனர் என்பது குறிப்பிடத்தக்கது.

இதையும் படியுங்கள்... சென்னை ஐஐடியில் மேஸ்ட்ரோ இளையராஜா இசை ஆராய்ச்சி மற்றும் இசைப்பள்ளி மையம் துவக்கம்..