ஏ.ஆர்.ரகுமான் இசையில் ‘தேர் திருவிழா’ கொண்டாட ரெடியா? சர்ப்ரைஸாக வந்த லால் சலாம் பட பர்ஸ்ட் சிங்கிள் அப்டேட்

ரஜினிகாந்தின் மூத்த மகள் ஐஸ்வர்யா 3 படம் மூலம் இயக்குனராக அறிமுகமானார். இதுவரை 2 படங்களை இயக்கியுள்ள ஐஸ்வர்யா, தற்போது தனது மூன்றாவது படமான லால் சலாம் பட வேலைகளில் பிசியாக உள்ளார். இப்படத்தை லைகா நிறுவனம் தயாரித்துள்ளது. கிரிக்கெட்டை மையமாக வைத்து உருவாகி உள்ள லால் சலாம் படத்தில் விஷ்ணு விஷாலும், விக்ராந்தும் கதையின் நாயகர்களாக நடித்துள்ளனர்.

லால் சலாம் படத்தின் படப்பிடிப்பு முடிந்து ரிலீசுக்கு தயாராகி வருகிறது. இப்படம் வருகிற ஜனவரி மாதம் பொங்கல் பண்டிகைக்கு திரைக்கு வர உள்ளது. இப்படத்தில் நடிகர் ரஜினிகாந்தும் கேமியோ ரோலில் நடித்திருக்கிறார். இதனால் லால் சலாம் படத்துக்கு ரஜினி ரசிகர்கள் மத்தியிலும் மிகப்பெரிய அளவில் எதிர்பார்ப்பு உள்ளது. அதுமட்டுமின்றி நீண்ட இடைவெளிக்கு பின்னர் இப்படத்தில் முஸ்லீம் சமூகத்தை சேர்ந்தவராக நடித்துள்ளார் ரஜினி.

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

Click this link: https://whatsapp.com/channel/0029Va9TFCWB4hdYZOoYCK2D

இந்நிலையில் லால் சலாம் படத்தின் ரிலீசுக்கு இன்னும் ஒரு மாதமே எஞ்சியுள்ள நிலையில், அப்படத்திற்கான ரிலீஸ் வேலைகளும் முழுவீச்சில் நடைபெற்று வருகிறது. அதுமட்டுமின்றி இப்படத்தின் அப்டேட்டுகளும் ஒவ்வொன்றாக வெளியிடப்பட்டு வருகின்றன. அந்த வகையில் கடந்த டிசம்பர் 12-ந் தேதி ரஜினிகாந்தின் பிறந்தநாளன்று அப்படத்தின் கிளிம்ப்ஸ் வீடியோ வெளியிடப்பட்டது.

இந்நிலையில், தற்போது அப்படத்தின் பர்ஸ்ட் சிங்கிள் அப்டேட் வெளியாகி உள்ளது. அதன்படி லால் சலாம் படத்தின் முதல் பாடல் நாளை வெளியிடப்படும் என அறிவிக்கப்பட்டு உள்ளது. ஏ.ஆர்.ரகுமான் இசையில் தேர் திருவிழா என தொடங்கும் இப்பாடல் நாளை மாலை 5 மணிக்கு வெளியிடப்படும் என புத்தம் புது போஸ்டர் உடன் அறிவிப்பு வெளியாகி உள்ளது. இதனால் ரசிகர்கள் உற்சாகம் அடைந்துள்ளனர்.

இதையும் படியுங்கள்... எண்ணூர் ஆயில் கசிவு... பிக்பாஸில் பேசிய கையோடு நேரடியாக களத்தில் இறங்கிய கமல்ஹாசன்- படகில் சென்று திடீர் ஆய்வு