அதிமுக முன்னாள் அமைச்சர் சி.வி.சண்முகத்திற்கு கொரோனா பாதிப்பு.. அப்பல்லோ மருத்துவமனையில் அனுமதி.!

இந்தியாவில் கட்டுக்குள் இருந்து வந்த கொரோனா பாதிப்பு மீண்டும் அதிகரிக்க தொடங்கியது. இதில், கேரளா, மகாராஷ்டிராவை தொடர்ந்து தற்போது தமிழ்நாட்டிலும் தொற்று பரவல் அதிகரித்து தொடங்கியுள்ளது. ஒற்றை இலக்கத்தில் இருந்த பாதிப்பு தற்போது இரட்டை இலக்கமாக உயர்ந்துள்ளது. கடந்த 24 மணிநேரத்தில் 23 பேருக்கு கொரோனா தொற்று உறுதியாகியுள்ளது. 

கொரோனா பாதிப்பு காரணமாக தமிழ்நாட்டில் தற்போது 104 பேர் சிகிச்சை பெற்று வருகின்றனர். தொற்று பாதிப்பு மீண்டு 8 பேர் வீடு திரும்பியுள்ளனர். இந்நிலையில், அதிமுக முன்னாள் அமைச்சர் சி.வி.சண்முகத்துக்கு திடீரென உடல்நலக்குறைவு ஏற்பட்டதை அடுத்து சென்னை கிரீம்ஸ் சாலையில் உள்ள அப்பல்லோ மருத்துவமனையில் அனுமதிக்கப்பட்டார். 

இதையும் படிங்க;- கொரோனா பரவல் அதிகரிப்புக்கு என்ன காரணம்? மாஸ்க் போட வேண்டிய நேரம் இதுதானா? நிபுணர்கள் விளக்கம்..

அவருக்கு நடத்தப்பட்ட ரத்த பரிசோதனையில் கொரோனா இருப்பது உறுதியாகியுள்ளது. இதனையடுத்து தனிமைப்படுத்தப்பட்ட அவருக்கு மருத்துவர்கள் தீவிர சிகிச்சை அளித்து வருகின்றனர். தற்போது அவரது உடல்நிலை சீராக இருப்பதாக மருத்துவமனை தரப்பில் கூறப்படுகிறது. முன்னாள் அமைச்சர் சி.வி.சண்முகம் 2வது முறையாக கொரோனா பாதிக்கப்பட்ட சம்பவம் அவரது ஆதரவாளர்கள் மத்தியில் அதிர்ச்சியை ஏற்படுத்தியுள்ளது. 

ஏசியாநெட் தமிழ் செய்திகளை உடனுக்கு உடன்  Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.

Click this link: https://whatsapp.com/channel/0029Va9TFCWB4hdYZOoYCK2D