Meera Jasmine Father Death: நடிகை மீரா ஜாஸ்மினை கதறி அழ வைத்த மரணம்! ஆறுதல் கூறும் ரசிகர்கள்!

90-களில் பல இளம் ரசிகர்களின் கனவு கன்னியாக வலம் வந்த, நடிகை மீரா ஜாஸ்மினின் தந்தை... ஜோசப் பிலிப் காலமானார். அவருக்கு வயது 83. கடந்த சில வருடங்களாகவே முதுமையால் ஏற்பட கூடிய நோய்களுக்கு ஆளாகி, தொடர்ந்து சிகிச்சை பெற்று வந்த இவர் கேரள மாநிலம் எர்ணாகுளத்தில் மரணம் அடைந்தார். 

இவரது மனைவி பெயர் எலியம்மா ஜோசப். இவருக்கு பேர் ஜிபி சாரா ஜோசப், ஜெனி சாரா ஜோசப், ஜார்ஜ், ஜாய் மற்றும் மீரா ஜாஸ்மின் என ஐந்து பிள்ளைகள். இவர்களில் மீரா ஜாஸ்மின் தான் கடைசி மகள். ஜோசப் பிலிப் இறுதி சடங்குகள் இன்று நடைபெற உள்ளதாக கூறப்படும் நிலையில், தந்தையை இழந்த நடிகை மீரா ஜாஸ்மினுக்கு ரசிகர்கள் மற்றும் பிரபலங்கள் பலர் தங்களின் ஆறுதலை தெரிவித்து வருகிறார்கள்.

சூப்பர் ஹிட் சீரியலில் இருந்து அதிரடியாக விலகிய நாயகி! இனி இவங்க தான் ஹீரோயின் வைரலாகும் புகைப்படம்..!

மலையாள திரையுலகில் நடிகையாக மீரா ஜாஸ்மின் அறிமுகமான நிலையில், இதை தொடர்ந்து... தமிழிலில் நடிகர் மாதவனுக்கு ஜோடியாக 'ரன்' படத்தில் அறிமுகமானார். முதல் படமே நல்ல வரவேற்பை பெற்றது. இதை தொடர்ந்து நடிகர் ஷாமுக்கு ஜோடியாக பாலா, தளபதி விஜய்க்கு ஜோடியாக புதிய கீதை, விஷாலுக்கு ஜோடியாக சண்டக்கோழி உள்ளிட்ட பல படங்களில் நடித்து பிரபலமானார். முன்னணி நடிகையாக இருக்கும் போதே.. துபாயில் என்ஜினீயராக பணிபுரிந்து வந்த அணில் ஜான் டைட்டஸ் என்பவரை திருமணம் செய்து கொண்டு திரையுலகில் இருந்து விலகினார்.
 

தற்போது கணவரிடம் இருந்து விவாகரத்து பெற்று பிரிந்து , தனியாக வசித்து வரும் மீரா ஜாஸ்மின் மீண்டும் திரையுலகில் கவனம் செலுத்த துவங்கியுள்ளார். தற்போது தமிழில் நயன்தாரா நடித்து வரும் டெஸ்ட் திரைப்படத்தில் முக்கிய ரோலில் நடித்து வருகிறார் என்பது குறிப்பிடத்தக்கது.

அழகே அள்ளுதே! கவர்ச்சி உடையில்... கடற்கரையில் ஹாய்யான காத்து வாங்கும் அருண் விஜய்யின் அக்கா மகள் தியா!