Thangalaan : கோலிவுட்டுக்கு என்ன தான் ஆச்சு? ராயன் படத்தை தொடர்ந்து டிலே ஆகும் தங்கலான்? - என்ன காரணம்?
Thangalaan Release : பிரபல இயக்குனர் பா. ரஞ்சித் இயக்கத்தில், முதல் முறையாக மூத்த நடிகர் விக்ரம் நடிப்பில் வெளியாக காத்திருக்கும் திரைப்படம் தான் தங்கலான்.
Pa Ranjith
தமிழ் சினிமாவில் டப்பிங் கலைஞராக அறிமுகமாகி, அதன் பிறகு சிறு சிறு கதாபாத்திரங்கள் ஏற்று நடிக்க தொடங்கி, பிறகு "சேது" என்கின்ற திரைப்படத்தின் மூலம் முன்னணி ஹீரோவாக மாறியவர் தான் நடிகர் விக்ரம். இவருடைய ரசிகர்கள் செல்லமாக இவரை "சியான்" என்று அழைப்பது அனைவரும் அறிந்ததே. இந்த சூழலில் கடந்த ஆண்டு பிரபல இயக்குனர் பா. ரஞ்சித் இயக்கத்தில் உருவாகும் ஒரு திரைப்படத்தில் நடிக்க விக்ரம் ஒப்பந்தமானார்.
![article_image2](https://static-ai.asianetnews.com/images/01hyzcw7csp580pe2vzt44xhrj/thangalaan-shooting_300x171xt.jpg)
Thangalaan Shooting
தனக்கே உரித்தான மிகவும் மாறுபட்ட கதைகளத்தோடு பா. ரஞ்சித் உருவாக்கத் தொடங்கிய திரைப்படம் தான் "தங்கலான்". பிரிட்டிஷ் ஆட்சியில் வாழ்ந்த தமிழ் மக்களின் கடுமையான வாழ்க்கை முறை பற்றியும், அங்கு வாழ்ந்த "தங்கலான்" என்பவரை பற்றிய கதையாக இந்த திரைப்படம் உருவானது. இந்த ஆண்டு தொடக்கத்திலேயே தங்கலான் திரைப்படம் திரையரங்குகளில் வெளியாகும் என்று விக்ரமின் ரசிகர்கள் எதிர்பார்த்தனர்.
Thangalaan Postponed
பிறகு ஏப்ரல் மாத முதல் வாரத்தில் அந்த திரைப்படம் வெளியாகும் என்று அறிவிக்கப்பட்டது. இறுதியாக தமிழகத்தில் தேர்தல் நடந்து முடிந்த பிறகு ஜூன் மாதம் தங்கலான் திரைப்படம் வெளியாகிவிடும் என்று விக்ரமின் ரசிகர்கள் மிகப்பெரிய எதிர்பார்ப்பில் இருந்து வந்தனர். ஆனால் தொடர்ந்து அவர்களுக்கு ஏமாற்றமே மிஞ்சி வருகிறது. தொடர்ச்சியாக பல முன்னணி நடிகர்களின் திரைப்படங்கள் வெளியாக காத்திருப்பதால் தங்கலான் திரைப்படம் வெளியாவதில் மீண்டும் தடை ஏற்பட்டுள்ளதாக கூறப்படுகிறது. ஜூலை இறுதி அல்லது ஆகஸ்ட் மாத தொடக்கத்தில் அந்த திரைப்படம் வெளியாக வாய்ப்புகள் இருப்பதாகவும் கூறப்படுகிறது.
Raayan
அதேபோல பிரபல நடிகர் தனுஷ், அவரே இயக்கி வெளியிட உள்ள ராயன் திரைப்படமும் பல்வேறு காரணங்களால் அதன் வெளியீட்டு தேதி தள்ளிப் போகிறது என்கின்ற தகவல் வெளியாகி உள்ளது. கோலிவுட் உலகில், தயாரிப்பு நிறுவனங்கள் படத்தின் வெளியீட்டு குறித்து முறையான ஆய்வுகள் செய்யாமல் இருப்பது மட்டுமே இதற்கு காரணம் என்று ரசிகர்கள் குற்றம் சாட்டி வருகின்றனர்.