பாப் கட்டிங் ஹேர் ஸ்டைல்.! கோட் சூட்டில்.. ஸ்டைலிஷ் நாயகியாக கலக்கிய ஜோதிகாவின் போட்டோஸ்!
நடிகை ஜோதிகா 'சைத்தான்' பட ட்ரைலர் வெளியீட்டு விழாவில் கலந்து கொண்ட போது எடுத்துக்கொண்ட போட்டோஸ், சமூக வலைத்தளத்தில் வைரலாகி வருகிறது.
பாலிவுட் நடிகைகளுக்கே டஃப் கொடுக்கும் ஸ்டைலிஷ் நாயகியாக, ஜோதிகா அவரின் பாலிவுட் திரைப்படமான 'சைத்தான்' ட்ரைலர் வெளியீட்டு விழாவில் கலந்து கொண்டு கலக்கி உள்ளார்.
தன்னுடைய சகோதரி நக்மாவை தொடர்ந்து, திரையுலகில் அறிமுகமானவர் ஜோதிகா. ஹிந்தியில், 1998-ஆம் ஆண்டு இவர் அறிமுகமான Doli Saja Ke Rakhna திரைப்படம் இவருக்கு நல்ல வரவேற்பை பெற்று தந்த போதிலும், வாலி படத்தின் மூலம் கிடைத்த வெற்றியால்... தமிழ் திரையுலகில் பிசியாக மாறினார்.
வாலி படத்தை தொடர்ந்து, பூவெல்லாம் கேட்டுப்பார், முகவரி, குஷி, ரிதம், உயிரிலே கலந்து, தெனாலி, சிநேகிதியே என இவர் நடித்த படங்கள் அடுத்தடுத்து ஹிட் லிஸ்டில் இணைந்து, ஜோதிகாவை பல ரசிகர்களின் கனவு கன்னியாக மாற்றியது.
நடிகர் சூர்யாவுக்கு ஜோடியாக, அடுத்தடுத்து சில படங்களில் நடித்த போது... ஒருவரை ஒருவர் காதலிக்க துவங்கிய நிலையில், இருவரின் திருமணத்திற்கும் ஆரம்பத்தில் கடும் எதிர்ப்புகள் கிளம்பிய போதும்... மிகவும் பிடிவாதமாக இருந்து காதலில் வெற்றி கண்டனர்.
தற்போது இவர்களின் காதலுக்கு அடையாளமாக தியா என்கிற மகளும் தேவ் என்கிற மகனும் உள்ளனர். பிள்ளைகள் வளர்ந்த பின்னர், 36 வயதினிலே படத்தின் மூலம் மீண்டும் தமிழ் சினிமாவில் கதையின் நாயகியாக என்ட்ரி கொடுத்த ஜோதிகா... தொடர்ந்து அழுத்தமான கதைக்களம் கொண்ட படங்களை தேர்வு செய்து நடித்து வருகிறார்.
கடந்த ஆண்டு, சென்னையில் இருந்து வெளியேறி... மும்பையில் குடியேறிய ஜோதிகா, தற்போது பாலிவுட் படங்களில் மீண்டும் நடிக்க துவங்கியுள்ளார். அதன்படி இவர் நடித்துள்ள 'சைத்தான்' திரைப்படம் விரைவில் வெளியாக உள்ள நிலையில், இந்த படத்தின் ட்ரைலர் ரிலீஸ் ஈவென்ட் இன்று நடந்தது.
இதில் ஜோதிகா, பிளாக் கலர் கோட்.. சூட்டில், செம்ம ஸ்டைலிஷாக பாப் கட்டிங் ஹேருடன் வந்து பலரையும் வியக்க வைத்தார். இது குறித்த போட்டோஸ், தற்போது சோசியல் மீடியாவில் வைரலாகி வருகிறது.
ஹாரர் திரைப்படமான இந்த படத்தில், ஜோதிகா நடிகர் அஜய் தேவ்கனுக்கு ஜோடியாக நடித்துள்ளார். மேலும் மாதவன் , ஜன்கி போடிவாலா, அங்கட் ராஜ் உள்ளிட்ட ஏராளமான பிரபலங்கள் நடித்துள்ளனர். இந்த படத்தை விகாஷ் பேல் இயக்கியுள்ள நிலையில், அஜய் தேவ்கன் தயாரித்துள்ளார் என்பது குறிப்பிடத்தக்கது.
சேனலை கிளிக் செய்து பின்தொடரவும்
