மகனின் ஆசைப்படி ஃபுட்பால் கேக் வெட்டி... ஆத்விக்கின் பிறந்தநாளை கிராண்டாக கொண்டாடிய அஜித் - போட்டோஸ் இதோ

நடிகர் அஜித்தும், நடிகை ஷாலினியும் கடந்த 2000-ம் ஆண்டு திருமணம் செய்துகொண்டனர். அமர்க்களம் படத்தில் நடித்தபோது இருவருக்கும் இடையே காதல் மலர்ந்த நிலையில், அப்படம் ரிலீஸ் ஆன அடுத்த ஆண்டே இருவரும் திருமணம் செய்துகொண்டனர். இந்த ஜோடிக்கு அனோஷ்கா என்கிற மகளும், ஆத்விக் என்கிற மகனும் உள்ளனர். இருவருமே பள்ளியில் படித்து வருகின்றனர். அஜித் மகள் அனோஷ்காவுக்கு தற்போது 16 வயது ஆகிறது.

அதேபோல் அஜித்தின் மகன் ஆத்விக்கிற்கு தற்போது 9 வயது ஆகிறது. கடந்த 2015-ம் ஆண்டு மார்ச் 2-ந் தேதி பிறந்த ஆத்விக், அண்மையில் தனது 9-வது பிறந்தநாளை குடும்பத்தினருடன் கொண்டாடி இருக்கிறார். அஜித்தின் மகன் ஆத்விக் கால்பந்து விளையாட்டில் ஆர்வம் கொண்டவர். அவர் சென்னையின் எப்சி எனும் கால்பந்து கிளப்பின் ஜூனியர் அணிக்காக விளையாடி வருகிறார். மகனின் ஆசைப்படியே கால்பந்து தீம் உடன் அவரின் பிறந்தநாளை கொண்டாடி இருக்கிறார் அஜித்.

இதையும் படியுங்கள்... Soundarya: டாப் நடிகருக்கு ஜோடியாக நடிக்க ஆசைப்பட்ட ரஜினிகாந்த் மகள் சௌந்தர்யா! யாரு தெரியுமா.. அந்த பிரபலம்!

ஆத்விக்கின் பிறந்தநாளுக்காக வெட்டப்பட்ட கேக்கும் ஃபுட்பால் வடிவில் அமைக்கப்பட்டு இருந்தது. அதுமட்டுமின்றி அலங்காரத்திற்காக ஒட்டப்பட்ட பலூன்களும் புட்பால் போன்றே வடிவமைக்கப்பட்டு இருந்தது. இதுதவிர மகன் பிறந்தநாளுக்காக ஏற்பாடு செய்திருந்த பேனரில், ரொனால்டினோ, டேவிக் பெக்காம் போன்ற கால்பந்து ஜாம்பவான்களுக்கு மத்தியில் ஆத்விக்கின் போட்டோவும் இருக்கும் படி எடிட் செய்து அந்த பர்த்டே பார்ட்டியில் வைத்திருந்தனர்.

அதுமட்டுமின்றி ஃபுட் பால் ஜெர்சி அணிந்தே கேக் வெட்டி இருந்தார் ஆத்விக். மகனின் பிறந்தநாள் பார்ட்டியில் எடுத்த புகைப்படங்களை அஜித்தின் மனைவி ஷாலினி தன்னுடைய இன்ஸ்டாகிராம் பக்கத்தில் பதிவிட்டுள்ளார். அதில் அஜித் கோட் சூட் அணிந்து சிகப்பு நிற கூலிங் கிளாஸ் உடன் செம்ம கிளாஸ் ஆக காட்சியளிக்கிறார். அஜித் மகனின் பிறந்தநாள் புகைப்படங்களை பார்த்த ரசிகர்கள் அவர் சிறந்த கால்பந்து வீரராக வர வேண்டும் என வாழ்த்தி வருகின்றனர்.

இதையும் படியுங்கள்... பர்ஸ்ட் சிம்பு... இப்போ இவரா? கமல்ஹாசனின் தக் லைஃப் படத்தில் இருந்து திடீரென விலகிய பிரபல நடிகர்- காரணம் என்ன?