Pandian stores 2: கம்பீரமான நடிப்பு... அசாத்தியமான வலிமை! பளுதூக்கும் போட்டியில் தங்கம் வென்ற 'பாண்டியன் ஸ்டோர்ஸ்' பிரபலம்!

'பாண்டியன் ஸ்டோர்ஸ் 2' சீரியலில் 'முத்துவேல்' கதாபாத்திரத்தில் நடிக்கும் அஜய் ரத்னம், தேசிய அளவிலான பெஞ்ச் பிரஸ் பளுதூக்கும் போட்டியில் தங்கப் பதக்கம் வென்றுள்ளார். 

Image Credit : Jio hotstar

தேசிய அளவில் தங்கம் வென்று அசத்திய 'முத்துவேல்' அஜய் ரத்னம்!

விஜய் தொலைக்காட்சியில் விறுவிறுப்புக்கு பஞ்சம் இல்லாமல் ஒளிபரப்பாகி வரும் தொடர் பாண்டியன் ஸ்டோர்ஸ் 2. இந்தத் தொடரில் பாண்டியனின் மைத்துனராகவும், கோமதியின் அண்ணனாகவும் 'முத்துவேல்' என்ற கதாபாத்திரத்தில் நடித்து வருபவர் பிரபல நடிகர் அஜய் ரத்னம். திரைப்படங்கள் மற்றும் சீரியல்களில் குணச்சித்திர வேடங்களில் நடித்து வரும் இவர், தற்போது விளையாட்டுத் துறையிலும் தனது முத்திரையைப் பதித்துள்ளார்.

Image Credit : Asianet News

சாதனை மேல் சாதனை படைக்கும் அஜய்ரத்னம்.!

சமீபத்தில் நடைபெற்ற தேசிய பெஞ்ச் பிரஸ் பளுதூக்கும் சாம்பியன்ஷிப் (National Bench Press Weightlifting Championship) போட்டியில் அஜய் ரத்னம் தமிழ்நாடு சார்பில் பங்கேற்றார். இதில் மிகச்சிறப்பாக செயல்பட்டு தங்கப் பதக்கத்தை வென்று அசத்தியுள்ளார்.

Image Credit : Asianet News

ரசிகர்கள் வாழ்த்து

தாம் தங்கம் வென்ற மகிழ்ச்சியான செய்தியை, அந்தத் தருணத்தின் வீடியோவுடன் தனது சமூக வலைதளப் பக்கத்தில் அஜய் ரத்னம் பகிர்ந்துள்ளார். இதைப் பார்த்த அவரது சக நடிகர்களும், ரசிகர்களும் "நிஜ வாழ்க்கையிலும் நீங்கள் ஒரு வெற்றியாளர்" என அவருக்குப் பாராட்டுகளைக் குவித்து வருகின்றனர்.

Image Credit : Jio Hot Star

சீரியலில் தற்போதைய நிலை

சீரியல் கதையின்படி, மயில் கொடுத்த பொய் புகாரால் பாண்டியன் குடும்பம் சந்தித்த சிக்கல்கள் மற்றும் கோமதியின் அண்ணன்கள் பாண்டியனுக்கு ஆதரவாக நின்ற காட்சிகள் சமீபத்தில் விறுவிறுப்பை ஏற்படுத்தின. இந்த இக்கட்டான சூழலிலும், நிஜ வாழ்க்கையில் அஜய் ரத்னம் படைத்துள்ள இந்தச் சாதனை சீரியல் குழுவினரிடையே பெரும் மகிழ்ச்சியை ஏற்படுத்தியுள்ளது.