Pandian Stores 2: மயிலின் கண்ணீர் போராட்டம்.. பாண்டியன் குடும்பத்தின் அதிரடி மாற்றம்! சீரியலில் அடுத்து நடக்கப்போவது என்ன?

Pandian stores S2 E685 இல், நீதிமன்ற சம்பவங்களால் மயில் மனமுடைந்து இருக்க, அவரது தாய் எப்படியாவது அவரை கணவர் வீட்டில் சேர்ப்பதாக உறுதியளிக்கிறார். மறுபுறம், பகை மறைந்து, பிரிந்திருந்த  பாண்டியன், பழனி குடும்பங்கள் மீண்டும் இணையத் தொடங்குகின்றன.

Image Credit : Jio hotstar

எதிர்காலத்தை நினைத்து புலம்பும் மயில்

இன்றைய எபிசோட் மயிலின் தாய் வீட்டில் தொடங்குகிறது. நீதிமன்றத்தில் நடந்த சம்பவங்களால் மயில் மிகவும் உடைந்து போயிருக்கிறார். பாண்டியன் குடும்பத்தினரைத் தான் தவறாக எடைபோட்டுவிட்டதாக மயிலின் அம்மா ராமதாஸிடம் கூறுகிறார். கோமதிக்கு ஒரு பிரச்சனை என்றதும், ரத்த பாசத்தால் அவரது அண்ணன்கள் நீதிமன்றம் வந்ததை அவர் சுட்டிக்காட்டுகிறார்.

மயில் கண்ணீருடன், "நாளைக்கு பஞ்சாயத்து செய்து என்னை கூட்டிட்டு போய்டுவாங்கன்னு சொன்னீங்களே, ஆனா இப்ப நிலைமை தலைகீழா மாறிடுச்சே" என அழுது புலம்புகிறார். இனி தன் மீது பாண்டியன் குடும்பத்திற்கு வெறுப்புதான் அதிகமாகும் என்றும், தனது வாழ்க்கை நீதிமன்றம், போலீஸ் என அலைக்கழிக்கப்படுவதாகவும் அவர் வருந்துகிறார். குறிப்பாக, தன் கணவர் தன்னோடு வாழவே மாட்டேன் என கோர்ட்டில் சொன்னதை நினைத்து மயில் கலங்குகிறார்.

Image Credit : Jio hotstar

மயிலுக்கு நம்பிக்கையூட்டிய பாக்கியம்

இருப்பினும், அவரது தாய் பாக்கியம் மிகுந்த நம்பிக்கையுடன் பேசுகிறார். "உனது வாழ்க்கையைக் காப்பாற்ற எனது தாலியை அடமானம் வைத்துதான் வழக்கறிஞருக்கு பணம் கொடுத்தேன்" என்று ஒரு உருக்கமான உண்மையை உடைக்கிறார். எப்படியாவது உன்னை உன் கணவர் வீட்டிற்கு அனுப்பி வைப்பேன் என்று அவர் மயிலுக்கு சத்தியம் செய்கிறார்.

Image Credit : Jio hotstar

மனம் விட்டு பேசிய பழனி, கோமதி, பாண்டியன்

மறுபுறம், பாண்டியனின் மனைவி கோமதி பழனியின் கையைப் பிடித்து மன்னிப்பு கேட்கிறார். "நீர் அடித்து நீர் விலகாது" என்று பழனி தனது அக்காவை ஆறுதல் படுத்துகிறார். அப்போது அங்கு வரும் பாண்டியன், பழனியிடம் மனம் விட்டுப் பேசுகிறார்.

தங்கள் இருவருக்கும் இடையே இருந்த பழைய கடை பிரச்சினைகள் மற்றும் மனக்கசப்புகளை அவர்கள் பரிமாறிக்கொள்கின்றனர். பழனி கண்ணீருடன், "நாம் ஒற்றுமையாக இருந்து எல்லாவற்றையும் ஜெயித்து விடலாம் மச்சான், நான் உங்களுக்கு துரோகம் செய்ய நினைத்ததே இல்லை" என்கிறார். பாண்டியனும் நெகிழ்ந்து போய், "என் பிள்ளைகளில் நீயும் ஒருவன் தான்" என்று கூறி பழனியைத் தனது பிள்ளையாகவே ஏற்றுக்கொள்கிறார். இந்தத் தருணம் பாண்டியன் குடும்பத்தில் நிலவிய நீண்ட காலப் பகை மறைந்து, அன்பு மலர்வதைக் காட்டியது.

Image Credit : Jio hotstar

முத்துவேல் குடும்பத்தில் மலர்ந்த மகிழ்ச்சி

பின்னர் கதை முத்துவேல் வீட்டிற்கு நகர்கிறது. அங்கே அவரது தாய் காந்திமதி மிகுந்த மகிழ்ச்சியில் இருக்கிறார். "கெட்டதிலும் ஒரு நல்லது நடந்திருக்கிறது" என்று அவர் கூறுகிறார். தன் மகன்கள் தங்கச்சி கோமதிக்காக நீதிமன்றம் சென்று நின்றது அவருக்குப் பெரிய நிம்மதியைக் கொடுத்துள்ளது.

முத்துவேல் தனது நிலைப்பாட்டைத் தெளிவுபடுத்துகிறார். "கோமதி என் கூடப் பிறந்தவள் என்பதால் நீதிமன்றம் சென்றேனே தவிர, இதற்காக இரண்டு குடும்பமும் ஒன்றாகிவிட்டதாக அர்த்தமில்லை" என்று கூறுகிறார். அதற்கு காந்திமதி, "நீங்கள் எவ்வளவுதான் சண்டையிட்டுக் கொண்டாலும் உங்களுக்குள் பாசம் இருக்கிறது என்பதை நிரூபித்துவிட்டீர்கள்" என்று நெகிழ்ச்சியுடன் கூறுகிறார்.

எதிர்காலத் திட்டங்கள் 

இறுதியாக, குடும்பத்தில் அமைதி திரும்பியுள்ள நிலையில், சரவணனுக்கு ஒரு நல்ல பெண்ணைப் பார்த்துத் திருமணம் செய்து வைக்க வேண்டும் என்று அவரது தம்பி தனது மனைவியிடம் கூறுகிறார். இதன் மூலம் இனி வரும் நாட்களில் குடும்பப் பிரச்சினைகள் முடிவுக்கு வந்து சுப காரியங்கள் நடக்கும் என்ற நம்பிக்கையுடன் இன்றைய எபிசோட் நிறைவடைகிறது.

இன்றைய எபிசோட் "உறவுகளின் மகத்துவத்தை" பறைசாற்றுவதாக அமைந்தது. ஒருபுறம் மயில் தனது வாழ்க்கை குறித்த அச்சத்தில் இருக்க, மறுபுறம் பிரிந்திருந்த பாண்டியன் மற்றும் முத்துவேல் குடும்பத்தினர் பாசத்தால் மீண்டும் இணையத் தொடங்கியுள்ளனர்.