கைலாசா அலப்பறைகள்... நித்யானந்தா கூடவே இருந்து பிரதமர் பதவி வாங்கிய ரஞ்சிதா
நித்யானந்தாவின் கைலாசா தீவுக்கு ரஞ்சிதா தான் பிரதமராக இருப்பதாக குறிப்பிடப்பட்டுள்ள லிங்க்டு இன் பதிவு வைரலாகி வருகிறது.
Ranjitha
பாலியல் குற்றச்சாட்டுகள் மற்றும் மோசடி உள்ளிட்ட பல்வேறு வழக்குகளில் சிக்கியதால் வெளிநாட்டுக்கு தப்பிச் சென்றவர் தான் நித்யானந்தா. இவர் பேமஸ் ஆனது ரஞ்சிதா வீடியோ மூலம் தான். ரஞ்சிதா உடன் நித்யானந்தா அந்தரங்க உறவில் இருந்தபோது எடுக்கப்பட்ட வீடியோ காட்சிகள் வெளியானதை அடுத்து தான் அவரின் லீலைகள் ஒவ்வொன்றாக வெளிவரத் தொடங்கின. இதையடுத்து உஷாரான நித்யானந்தா, மூட்டை முடிச்சுகளை கட்டிக்கொண்டு நாட்டைவிட்டே ஓடிவிட்டார்.
kailasa
தற்போது அவர் எந்த நாட்டில் இருக்கிறார் என்பது புரியாத புதிராகவே உள்ளது. ஆனால் அவ்வப்போது யூடியூப்பில் வீடியோ வெளியிட்டு ஆன்மீக சொற்பொழிவாற்றி வருகிறார். இடையே தான் கைலாசா என்கிற நாட்டை உருவாக்கி இருப்பதாகவும், அதற்கு ஐநா அங்கீகராம் அளித்துவிட்டதாகவும் புருடா விட்டு பரபரப்பை கிளப்பினார். கைலாசா நாட்டிற்கு வர ஆன்லைனிலேயே விசா பெறலாம் எனவும் அறிவிப்பை வெளியிட்டார்.
இதையும் படியுங்கள்... சென்னையில் கோலாகலமாக நடைபெற்றது கே.வி.ஆனந்த் மகள் திருமணம் - படையெடுத்து வந்து வாழ்த்திய பிரபலங்கள்
Ranjitha
அதுமட்டுமின்றி கைலாசா நாட்டுக்கென தனி கொடி, நாணயம் ஆகியவற்றை அறிவித்த அவர், வர்த்தக ரீதியாக பல்வேறு நாடுகளுடன் ஒப்பந்தம் செய்துள்ளதாக கூறி அதுகுறித்த புகைப்படங்களையும் வெளியிட்டார். நித்யானந்தா உடனான வீடியோ லீக்கானதை அடுத்து அவருடைய சிஷியையாகவே மாறிவிட்ட ரஞ்சிதா, தொடர்ந்து அவருடன் பயணித்து வருகிறார்.
Ranjitha
தற்போது சோசியல் மீடியாவில் வைரலாக பரவும் செய்தி என்னவென்றால், ரஞ்சிதா பிரதமராகிவிட்டார் என்பது தான். தான் கைலாசா நாட்டின் பிரதமர் என ரஞ்சிதாவின் லிங்க்டு இன் பக்கத்தில் குறிப்பிட்டுள்ளது தான் இந்த சலசலப்புக்கு காரணம். இதைப்பார்த்த நெட்டிசன்கள் கைலாசா அலப்பறை தாங்க முடியலயே என கிண்டலடித்து வருகின்றனர். சிலரோ உங்கள் நாட்டு ஜனாதிபதி யார் என்பதையும் சொல்லிவிடுங்கள் என கிண்டலடித்து வருகின்றனர்.
இதையும் படியுங்கள்... ஹீரோவை விட டபுள் மடங்கு சம்பளம் வாங்கும் குணசேகரன்! எதிர்நீச்சல் தொடர் நடிகர், நடிகைகளின் சம்பள விவரம் இதோ