அய்யோ இவரா... டெரரான ஆளாச்சே! விஜய்யின் லியோ படத்தில் இணைந்த மற்றுமொரு வில்லன் நடிகர்

லோகேஷ் கனகராஜ் இயக்கத்தில் பிரம்மாண்டமாக உருவாகி வரும் திரைப்படம் லியோ. நடிகர் விஜய் நாயகனாக நடித்து வரும் இப்படத்தை செவன் ஸ்கிரீன் ஸ்டூடியோஸ் சார்பில் லலித் குமார் தயாரிக்கிறார். இப்படத்திற்கு அனிருத் இசையமைக்கிறார். லியோ படத்தின் ஷூட்டிங் கடந்த ஜனவரி மாதம் சென்னையில் தொடங்கியது. இதையடுத்து 10 நாள் சென்னையில் ஷூட்டிங்கை நடத்திய படக்குழு, பின்னர் காஷ்மீருக்கு சென்று அங்கு 2 மாதங்கள் தங்கி படப்பிடிப்பை நடத்தியது.

இதையடுத்து காஷ்மீர் ஷெட்யூலை வெற்றிகரமாக முடித்துக் கொண்டு கடந்த மாதம் சென்னை திரும்பிய படக்குழு தற்போது அடுத்தக்கட்ட படப்பிடிப்பை சென்னையில் நடத்தி வருகிறது. சென்னையில் உள்ள பிலிம் ஸ்டூடியோவில் பிரம்மாண்ட அரங்குகள் அமைத்து அங்கு ஷூட்டிங்கை நடத்தி வருகிறார் லோகேஷ். இன்னும் 60 நாட்கள் ஷூட்டிங் எஞ்சியுள்ளதாக கூறப்படுகிறது.

இதையும் படியுங்கள்... வாய்ப்பு தேடிப்போன இடத்தையே சொந்தமாக விலைக்கு வாங்கிய சூரி.. விடுதலை நாயகனின் வெறித்தனமான சம்பவம்

லியோ படத்தில் நடிகர் விஜய்க்கு ஜோடியாக திரிஷா நடிக்கிறார். இதுதவிர கவுதம் மேனன், சஞ்சய் தத், மிஷ்கின், மன்சூர் அலிகான், மலையாள நடிகர்கள் மேத்யூ தாமஸ், பாபு ஆண்டனி, நடிகை பிரியா ஆனந்த், பிக்பாஸ் பிரபலம் ஜனனி, சாண்டி மற்றும் விஜய்யுடன் பிகில் படத்தில் நடித்த நடிகர் கதிர் உள்பட மிகப்பெரிய நட்சத்திர பட்டாளமே இப்படத்தில் நடித்து வருகிறது. 

இந்நிலையில், இப்படத்தில் மேலும் ஒரு மலையாள நடிகர் இணைந்துள்ளார். அதன்படி மலையாள படங்களில் வில்லன் மற்றும் குணச்சித்திர வேடங்களில் கலக்கி வரும் நடிகர் ஜோஜு ஜார்ஜ் லியோ படத்தில் இணைந்துள்ளதாக தகவல் வெளியாகி உள்ளது. இவர் ஏற்கனவே தமிழில் தனுஷ் - கார்த்திக் சுப்புராஜ் கூட்டணியில் வெளியான ஜகமே தந்திரம் படத்தில் வில்லனாக நடித்திருந்தார் என்பது குறிப்பிடத்தக்கது.

இதையும் படியுங்கள்... பாட்டுத்தலைவனுக்கு பிறந்தநாள்! பாமரனையும் கவர்ந்த பட்டுக்கோட்டை கல்யாணசுந்தரனார் பற்றிய ஆச்சர்ய தகவல்கள்