கார்த்தி - முத்தையா காம்போவின் ‘கொம்பன்’ மேஜிக் மீண்டும் ஒர்க் அவுட் ஆனதா? - விருமன் படத்தின் முழு விமர்சனம்

பிரகாஷ் ராஜும், சரண்யா பொன்வண்ணனும் கணவன் - மனைவியாக வாழ்ந்து வருகின்றனர். இவர்களுக்கு 4 மகன்கள் அதில் கடைசியாக பிறந்த மகன் தான் கார்த்தி. இவர் சிறுவனாக இருக்கும் போதே இவரது தாய் சரண்யா பொன்வண்ணன் தற்கொலை செய்துகொள்கிறார். தாயின் இறப்புக்கு தந்தை பிரகாஷ் ராஜும் ஒரு காரணமாக இருப்பதனால் அவர் மீது சிறுவயதில் இருந்தே கடும் கோபத்தில் இருக்கிறார் கார்த்தி.

இதனால் தாய் இறந்த பின்னர் தனது தாய்மாமனான ராஜ்கிரணின் அரவணைப்பில் தான் வளர்கிறார் கார்த்தி. தந்தையாக இருந்தாலும் எப்படியாவது பிரகாஷ் ராஜை கொலை செய்ய வேண்டும் என்கிற வெறியோடு கார்த்தி இருக்க, மறுபுறம் கார்த்தியை ஏமாற்றி அவனது தாய் சரண்யா பொன்வண்ணனுக்கு சொந்தமான சொத்தை அபகரிக்க முயல்கிறார் பிரகாஷ் ராஜ்? இதன்பின் என்ன ஆனது என்பதே படத்தின் மீதிக்கதை.

இதையும் படியுங்கள்... Viruman FDFS : கார்த்தியின் விருமன் படத்திற்கு அதிகாலை காட்சி திரையிடப்படாததால் அப்செட் ஆன ஃபேன்ஸ்

நாயகன் கார்த்தி, கிராமத்து இளைஞன் கதாபாத்திரத்திற்கு கச்சிதமாக பொருந்தி உள்ளார். அவரது உடல்மொழி, நடை, உடை என அனைத்தும் அவருக்கு சூப்பராக செட் ஆகி உள்ளது. ஆக்‌ஷன் காட்சியில் அதகளம் செய்திருக்கிறார். செண்டிமெண்ட், ரொமான்ஸ் காட்சிகளிலும் தூள் கிளப்பி உள்ளார். சில காட்சிகளில் மட்டும் பருத்திவீரன் கார்த்தியை பார்ப்பது போல தோன்றுகிறது மற்றபடி பட்டைய கிளப்பி உள்ளார்.

நாயகி அதிதி ஷங்கர், இது அவருக்கு முதல் படமாக இருந்தாலும், பார்ப்பவர்களுக்கு அப்படி ஒரு எண்ணம் வராதவாரு சிறப்பாக நடித்துள்ளார். அவரின் கதாபாத்திரமும் சூப்பராக அமைக்கப்பட்டு உள்ளது. டான்ஸ், எக்ஸ்பிரஷன், ஆக்டிங் என அனைத்திலும் அப்ளாஸ் வாங்கி உள்ளார் அதிதி. இப்படத்தில் அவர் கிராமத்து பெண்ணாகவே வாழ்ந்திருக்கிறார் என்றே சொல்லலாம். அந்த அளவுக்கு எதார்த்தமாக நடித்துள்ளார்.

இதையும் படியுங்கள்... ஹீரோயினாக ஜொலித்தாரா ஷங்கர் மகள்?... விருமன் நாயகி அதிதி நடிப்பை பார்த்து எல்லாரும் சொல்லும் ‘அந்த’ ஒரு விஷயம்

பிரகாஷ் ராஜ், தாசில்தாராக வரும் இவர் வில்லத்தனத்தில் தான் ஒரு கிங் என்பதை மீண்டும் நிரூபித்து இருக்கிறார். கார்த்திக்கும், இவருக்கும் இடையேயான மோதல் காட்சிகள் கைதட்டல்களை பெறுகின்றன. மற்புறம் கார்த்தியின் தாய் மாமனாக நடித்துள்ள ராஜ்கிரண் அனுபவ நடிப்பை வெளிப்படுத்தி உள்ளார். இவருக்காக வைக்கப்பட்டுள்ள ஒரு சண்டைக்காட்சி விசில் பறக்கும் அளவுக்கு சூப்பராக எடுக்கப்பட்டுள்ளன.

சூரியின் காமெடி ஆங்காங்கே ஒர்க் அவுட் ஆகி இருப்பது படத்திற்கு பலமாக அமைந்துள்ளது. இவருக்கு மனைவியாக நடித்துள்ள இந்திரஜாவும், நேர்த்தியாக நடித்துள்ளார். ஆர்.கே.சுரேஷ், வடிவுக்கரசி, சரண்யா பொன்வண்ணன், இளவர்சி ஆகியோர் கொடுத்த வேலையை கச்சிதமாக செய்துள்ளனர்.

இதையும் படியுங்கள்... இயக்குனர் ஷங்கரின் குடும்பத்தினரோடு ‘விருமன்’ பர்ஸ்ட் ஷோ பார்க்க வந்த நடிகர் விஜய்யின் மனைவி சங்கீதா

இயக்குனர் முத்தையா, கிராமத்து மண்மனம் மாறாமல் இப்படத்தை இயக்கி உள்ளார். ஏராளமான கதாபாத்திரங்கள் இருந்தாலும், அதை திறம்பட கையாண்டுள்ள இவர், திரைக்கதையில் கோட்டை விட்டுள்ளார். படத்தின் நீளத்தை குறைத்து இருக்கலாம். எமோஷனல் காட்சிகள் மற்றும் வசனங்கள் படத்திற்கு பலமாக அமைந்தாலும், அதுவே பல இடங்களில் பலவீனமாகவும் அமைந்துள்ளன. அதனை சற்று கவனித்து இருந்தால் விருமன், கொம்பன் ரேஞ்சுக்கு கொண்டாடப்பட்டு இருப்பான்.

யுவனின் இசையில் பாடல்கள் சூப்பர், ஆனால் பின்னணி இசை பெரிதாக கவரும்படி இல்லை. செல்வகுமாரின் ஒளிப்பதிவு படத்திற்கு மிகப்பெரிய பிளஸ் ஆக அமைந்துள்ளது. படம் பார்க்கும்போது கிராமத்துக்கே சென்று வந்த உணர்வை கொடுத்துள்ளார்.