Kamalhaasan : சர்ச்சைக்குரிய சண்டியர் டைட்டில்... மீண்டும் தூசிதட்டி எடுக்கும் கமல்ஹாசன்?

Kamalhaasan Next Movie Title Sandiyar : எஸ்.யு.அருண்குமார் இயக்கத்தில் கமல்ஹாசன் நடிக்க உள்ள படத்திற்கு சண்டியர் என டைட்டில் வைக்கப்பட உள்ளதாக பேச்சு அடிபடுகிறது.

Image Credit : X

Kamalhaasan - SU Arunkumar Movie Title

நடிகர் கமல்ஹாசன் நடிப்பில் உருவாகவுள்ள புதிய திரைப்படம் குறித்த எதிர்பார்ப்பு நாளுக்கு நாள் அதிகரித்து வருகிறது. இப்படத்திற்காக மேற்கொள்ளப்பட்டதாக கூறப்படும் கமல்ஹாசனின் ‘லுக் டெஸ்ட்’ காட்சிகள் சமீபத்தில் சமூக வலைதளங்களில் வெளியாகி செம வைரலாகின. அவரது புதிய தோற்றம் ரசிகர்களின் கவனத்தை வெகுவாக ஈர்த்துள்ளது. படத்தின் கதாபாத்திரத்திற்கு ஏற்ற வகையில் கமல்ஹாசன் மேற்கொண்டுள்ள இந்த புதிய தோற்றம், படத்தின் கதை மற்றும் கதாபாத்திரம் குறித்த பல்வேறு கேள்விகளை ரசிகர்கள் மத்தியில் எழுப்பியுள்ளது.

Image Credit : Instagram

கமல் - அருண்குமார் கூட்டணி

இந்தப் படத்தின் மூலம் கமல்ஹாசன் மற்றும் இயக்குநர் எஸ்.யு.அருண்குமார் முதன்முறையாக இணைகின்றனர். மாறுபட்ட கதைக்களங்களை கையாள்வதில் கவனம் செலுத்தி வரும் எஸ்.யு.அருண்குமாரின் இயக்கத்தில் கமல்ஹாசன் எந்த மாதிரியான கதாபாத்திரத்தில் தோன்றப் போகிறார் என்ற எதிர்பார்ப்பு உருவாகியுள்ளது. தொடர்ந்து வித்தியாசமான கதாபாத்திரங்களையும் தோற்றங்களையும் தேர்வு செய்து நடித்து வரும் கமல்ஹாசனின் இந்த புதிய ‘லுக்’, படத்தின் பின்னணி மற்றும் கதாபாத்திரம் குறித்த எதிர்பார்ப்பை மேலும் அதிகரித்துள்ளது.

Image Credit : Twitter

எகிறும் எதிர்பார்ப்பு

குறிப்பாக, அவரது தோற்றத்தில் இடம்பெற்றுள்ள மாற்றங்கள் ரசிகர்களிடையே பேசுபொருளாகி வருகின்றன. இப்படத்தை ராஜ்கமல் ஃபிலிம்ஸ் இன்டர்நேஷனல் மற்றும் டர்மெரிக் மீடியா ஆகிய நிறுவனங்கள் இணைந்து தயாரிக்கின்றன. படத்தின் அடுத்தகட்ட பணிகள் நடைபெற்று வரும் நிலையில், விரைவில் படப்பிடிப்பு தொடங்கும் என எதிர்பார்க்கப்படுகிறது. கமல்ஹாசன் – எஸ்.யு.அருண்குமார் கூட்டணியின் முதல் படம் என்பதால், இந்தப் படத்தின் அதிகாரப்பூர்வ அறிவிப்பு மற்றும் படப்பிடிப்பு தொடக்கம் குறித்த தகவல்களை ரசிகர்கள் ஆவலுடன் எதிர்பார்த்து வருகின்றனர்.

Image Credit : ANI

டைட்டில் என்ன?

இந்த நிலையில், இப்படத்தின் டைட்டில் குறித்த தகவல் இணையத்தில் பரவி வருகிறது. அதன்படி இது விருமாண்டி ஸ்டைலில் கிராமத்து கதையம்சம் கொண்ட படமாக உருவாக உள்ளதால் இப்படத்திற்கு சண்டியர் என டைட்டில் வைக்க படக்குழு திட்டமிட்டுள்ளதாக கூறப்படுகிறது. முன்னதாக விருமாண்டி படத்திற்கு முதன்முதலில் கமல்ஹாசன் வைத்த பெயர் சண்டியர். அப்போது அந்த டைட்டிலுக்கு எதிர்ப்பு கிளம்பியதால், மாற்றி விருமாண்டி என வைத்தனர். தற்போது மீண்டும் அதே டைட்டிலை கமல் கையில் எடுத்துள்ளதால், மீண்டும் சர்ச்சையாக வாய்ப்புள்ளது.