மனைவியின் ஆசை; 175 ஏக்கர் நிலத்தால் ஜெயிலுக்கு போய்.. கேரியரையே இழந்த சுமன்.!

175 ஏக்கர் நிலத்தை வாங்கிய நடிகர் சுமன், மனைவியின் ஆசை படி அதில் ஒரு பகுதியை ராணுவ வீரர்களுக்கு  கொடுக்க நினைத்த நிலையில் இவர் ஜெயிலுக்கு செல்லும் நிலைக்கு சூழல் உருவானது இதுகுறித்து இந்த பதிவில் பார்ப்போம்.  

Actor Suman:

நடிகர் சுமனின் ரீல் வாழ்க்கை, நிஜ வாழ்க்கை பற்றி அனைத்துமே எல்லோருக்கும் தெரியும். ஆரம்பத்தில் சுமனின் கேரியர் உச்சத்தில் இருந்தார். அதன் பிறகு சுமன் எந்த மாதிரியான சர்ச்சையில் சிக்கினார்? ஏன் சிறைவாழ்க்கையை அனுபவித்தார் என்பது பற்றி பல சந்தேகங்கள் இருந்தன. சுமன் சர்ச்சையில் சிக்கியது உண்மைதான். சிறைக்கு சென்றதும் உண்மைதான். அதனால்தான் சுமன் தனது கேரியரில் பின் தங்கி விட்டார்.

ஆனால் அந்த சர்ச்சைக்கு பின்னால் சொல்லப்பட்ட காரணங்கள் வதந்திகள் மட்டுமே. அவரை வழக்கில் சிக்க வைத்தவர்கள் குறித்து பல பிரபலங்கள் உண்மைகளை தெரிவித்துள்ளனர். சுமன் தற்போது குணச்சித்திர நடிகராக வலம் வருகிறார். இருப்பினும், சுமனைப் பற்றிய பரபரப்பான விஷயங்கள் அடிக்கடி வெளிச்சத்திற்கு வந்துகொண்டே இருக்கின்றன. சுமனின் சொத்துக்கள் தொடர்பான சர்ச்சையும் உள்ளது. பல ஆண்டுகளுக்கு முன்பு சுமன் யாதகிரி குட்டா அருகே ஒரு சொத்தை வாங்கினாராம். 175 ஏக்கர் நிலம் அது. அந்த நிலத்தை என்ன செய்யலாம் என்று யோசித்துக்கொண்டிருந்தபோது அவரது மனைவி ஒரு யோசனை சொன்னாராம்.

Suman Land Controversy:

அந்த இடத்தில் ஆயுர்வேத ரிசார்ட் கட்டுவோம் என்று சொன்னாராம். அதற்க்கு சுமனும் திட்டமிட்டார். அதன் பிறகு இன்னொரு யோசனை வந்ததாம். அந்த நேரத்தில் கார்கில் போர் நடந்தது. கார்கில் போரில் ஈடுபட்ட வீரர்களுக்காக ஏதாவது செய்ய வேண்டும் என்று நானும் என் மனைவியும் நினைத்தோம். கார்கிலில் போராடிய வீரர்களுக்காக 175 ஏக்கரில் ஒரு பகுதியை தானமாக வழங்க முடிவு செய்தோம். அந்த நிலத்தில் சில மலைகள், குன்றுகள் உள்ளன. அதைத் தவிர கிணறு இருக்கும் இடத்தை ராணுவ வீரர்களுக்கு வழங்க முடிவு செய்ததாக சுமன் தெரிவித்துள்ளார்.

ஆனால் எதிர்பாராத விதமாக அந்த நிலம் சர்ச்சையில் சிக்கியது. தற்போது வழக்கு நீதிமன்றத்தில் நிலுவையில் உள்ளது. சர்ச்சைகள் முடிவுக்கு வந்து எங்களுக்கு சாதகமாக தீர்ப்பு வந்தால் ராணுவ வீரர்களுக்கு நாங்கள் கொடுத்த வாக்கை காப்பாற்றுவோம் என்று சுமன் தெரிவித்துள்ளார். அந்த நிலத்திற்கு இரட்டை பதிவு செய்யப்பட்டதால் தான் சர்ச்சை ஏற்பட்டது என்று சுமன் தெரிவித்துள்ளார்.

Suman Movies

ஆரம்பத்தில் ஹீரோவாக கலக்கிய சுமன்.. சிரஞ்சீவிக்கும் போட்டியாக இருந்தார். அதன் பிறகு வழக்குகளால் பின் தங்கினார். சிறையில் இருந்து திரும்பி வந்து, முன்பு போல் இல்லாவிட்டாலும் நன்றாகவே நடித்து வருகிறார். தனது கேரியர் குறித்து சுமன் பேசுகையில் சில கருத்துக்களை தெரிவித்திருந்தார். என்னை இயக்குநர்கள், தயாரிப்பாளர்கள் மீண்டும் மீண்டும் வாய்ப்பு கொடுத்து ஊக்குவித்தார்கள். என்னுடைய குணாதிசயம் மோசமாக இருந்திருந்தால் இயக்குநர்களோ தயாரிப்பாளர்களோ மீண்டும் என் அருகில் வந்திருக்க மாட்டார்கள். பல இயக்குநர்கள், தயாரிப்பாளர்களுடன் நான் 5 அல்லது 6 படங்கள் நடித்துள்ளேன். நடிகைகளுடனும் எனக்கு எந்த பிரச்சனையும் இல்லை. என்னுடன் அதிக படங்களில் நடித்த நடிகைகள் என்றால் விஜயசாந்தி, பானுப்ரியா என்று சொல்லலாம்.

Suman Help to Army Men:

எல்லா நடிகைகளும் என்னை விரும்புவார்கள். சுமனுடன் நாங்கள் படம் நடிக்க மாட்டோம் என்று சொன்ன நடிகை ஒருவர் கூட இல்லை. அதற்கு காரணம் என்னுடைய குணம். படத்தில் காதல் காட்சி இருந்தாலும் கூட நடிகைகளிடம் கேட்டுவிட்டு தான் செய்வேன். அவர்கள் எங்களுக்கு இது சங்கடம் என்று சொன்னால் நான் அதை செய்ய மாட்டேன். சில சமயங்களில் நடிகைகள் முத்தக் காட்சிக்கு வேண்டாம் என்று சொல்வார்கள். ஆனால் இயக்குநர் வந்து ஷாட் நடக்கும் போது நீங்கள் தயங்காமல் முத்தக் காட்சியில் நடிங்க என்று சொல்வார்கள். இல்லை நான் அப்படி செய்ய மாட்டேன் என்று சொல்லிவிடுவேன். அந்த நடிகை சம்மதித்தால் மட்டுமே நான் முத்தக் காட்சியில் நடிப்பேன். அனுமதி இல்லாமல் நான் அப்படி செய்ய மாட்டேன் என்று சொல்லிவிடுவேன். அந்த வகையில் தனது குணத்தை சுமன் கடைபிடித்து வந்தார்.

சுமன் தனது கேரியரில் வில்லனாகவும் நடித்துள்ளார். ரஜினிகாந்தின் சிவாஜி படத்தில் சுமன் வில்லனாக நடித்திருந்தார். அந்த கதாபாத்திரம் சுமனுக்கு புதிய அடையாளத்தை பெற்றுத் தந்தது. சுமன் சினிமா விஷயங்களை மட்டுமல்லாமல் அரசியல், சமூக விஷயங்கள் குறித்தும் பேசுவதை நாம் பார்த்துக்கொண்டுதான் இருக்கிறோம்.