Tamil News Live Updates: மதுரை மீனாட்சியம்மன் கோயிலில் பிரதமர் மோடி சாமி தரிசனம்!

திமுக மாவட்டச் செயலாளர்கள் கூட்டத்தில் நிறைவேற்றப்பட்ட தீர்மானத்தின்படி,  ‘இல்லந்தோறும் ஸ்டாலினின் குரல்’ என்ற பரப்புரையை மேற்கொள்ளும் திமுக பூத் கமிட்டியினர் ஒவ்வொரு வீடாகச் சென்று துண்டறிக்கைகளை வழங்கி வருகின்றனர்.

ரூ.100 மதிப்புள்ள மாத்திரை மூலம் புற்றுநோய் சிகிச்சையில் வெற்றி பெற்றதாக டாடா நிறுவனம் கூறியுள்ளது. இது மருத்துவத்துறையில் மிகப்பெரிய சாதனையாக பார்க்கப்படுகிறது.

திருப்பூர், பல்லடத்தில் நடைபெற்ற பாஜக பொதுக்கூட்டத்தில் கலந்து கொண்ட பிறகு, உலகப் புகழ்பெற்ற மதுரை மீனாட்சி அம்மன் கோவிலில் பிரதமர் மோடி சாமி தரிசனம் செய்தார். 

அதிமுகவை சேர்ந்தவரும், முன்னாள் அமைச்சருமான எஸ்.பி வேலுமணி பாஜகவில் சேரப்போகிறார் என்ற தகவல் வெளியான நிலையில், அதுகுறித்து விளக்கம் அளித்துள்ளார்.

தமிழகத்தில் ராமரை புகழ்ந்து வாக்கு பெற முடியாததால் எம்.ஜி.ராமச்சந்திரனை போற்றி வாக்குகளை பெற முயற்சிக்கிறதா பாஜக? என்று கேள்வி எழுப்பியுள்ளார் முன்னாள் எம்.பி கே.சி பழனிசாமி.

இனி இணையம் இல்லாமல் நெட்பிளிக்ஸ்- ஐப் பயன்படுத்தலாம். எளிதாக திரைப்படங்கள் மற்றும் வெப் தொடர்களை எளிதாகப் பதிவிறக்கம் செய்யலாம்.

திமுக அரசின் பிராண்ட் அம்பாசிடராக மீனவர்கள் செயல்பட வேண்டும் என்று அமைச்சர் உதயநிதி ஸ்டாலின் கோரிக்கை விடுத்துள்ளார்.

திருத்தப்பட்ட குடியுரிமை விதிகள் அடுத்த மாதம் முதல் அமலுக்கு வர வாய்ப்புள்ளது என்று தகவல் வெளியாகி உள்ளது.

‘என் மண் என் மக்கள்’ பாதயாத்திரை நிறைவு விழாவில் பிரதமர் நரேந்திர மோடி அதிமுகவின் முன்னாள் தலைவர்களான எம்ஜிஆர் மற்றும் ஜெயலலிதாவை புகழ்ந்தது அரசியல் வட்டாரங்களில் புது அதிர்வலைகளை உண்டாக்கி உள்ளது.

பல ஆண்டுகளாக தமிழ்நாட்டை கொள்ளை அடித்தவர்கள், பாஜகவின் வளர்ச்சியைப் பார்த்து பயப்படுகிறார்கள் என்று பல்லடத்தில் நடைபெற்ற பாஜக பொதுக்கூட்டத்தில் பிரதமர் நரேந்திர மோடி பேசியுள்ளார்.

2024-ல் தமிழ்நாட்டில் அதிகமாக பேசப்படும் கட்சி பாஜக. தமிழ்நாட்டின் இளைய தலைவர் அண்ணாமலைக்கு எனது வாழ்த்துகள் என்று பிரதமர் மோடி அண்ணாமலையை வாழ்த்தி பேசியுள்ளார்.

லால் சலாம் படத்தின் தோல்விக்கு பின்னர் ஐஸ்வர்யா ரஜினிகாந்த் இயக்க உள்ள அடுத்த படத்தில் இந்தியன் 2 பட நடிகர் ஹீரோவாக நடிக்க உள்ளாராம்.

ஜாக்கி பக்னானியை அண்மையில் திருமணம் செய்துகொண்ட நடிகை ரகுல் ப்ரீத் சிங் அவருடன் எடுத்த அன்சீன் புகைப்படங்களை இன்ஸ்டாகிராமில் பதிவிட்டுள்ளார்.

பாஜகவில் இருந்து 2 எம்.எல்.ஏ.க்கள் எடப்பாடி பழனிசாமி தலைமையில் இன்று பிற்பகல் 2.15 மணிக்கு இணைய உள்ளனர் என அதிமுக எம்.எல்.ஏ அம்மன் அர்ஜுனன் அளித்த பரபரப்பு தகவல் வெளியாகியுள்ளது. 

உதயநிதியின் நெருங்கிய நண்பரும், தமிழ்நாட்டின் பள்ளி கல்வித்துறை அமைச்சருமான அன்பில் மகேஷ் பொய்யாமொழி சன் டிவி சீரியலில் நடித்திருக்கிறார்.

மத்திய நிதி அமைச்சர் நிர்மலா சீதாராமன் வரும் மக்களவைத் தேர்தலில் போட்டியிடுகிறார் என மத்திய அமைச்சர் பிரஹலாத் ஜோஷி கர்நாடகாவில் பேட்டியளித்துள்ளார். தற்போது மாநிலங்களவை எம்.பி.யாக உள்ள நிர்மலா சீதாராமன் தமிழகத்தில் போட்டியிட உள்ளதாக தகவல் வெளியாகியுள்ளது. 

தமிழ்நாட்டின் பல்வேறு பகுதிகளுக்கு சுற்றுப்பயணம் மேற்கொண்டு வரும் திமுகவின் தேர்தல் அறிக்கை தயாரிக்கும் குழுவினர், சென்னையில் இரண்டாம் நாளாக முகாமிட்டுள்ளனர். இன்று காலை சிறப்பு அழைப்பாளர்களையும், பிற்பகலில் பல்வேறு தரப்பினரையும் சந்தித்து பரிந்துரைகளை பெறுகின்றனர்.

தங்கத்தின் விலை கடந்த சில நாட்களாக தொடர்ந்து ஏற்றம், இறக்கம் கண்டு வந்த நிலையில் இன்றைய தங்கம் மற்றும் வெள்ளி விலை நிலவரத்தை காணலாம்.

கொரோனா பரவலின் போது பயணிகள் ரயில் விரைவு ரயில்களாக அறிவிக்கப்பட்டதால் கட்டணம் ரூ.20 உயர்ந்த நிலையில் 4 ஆண்டுகளுக்கு பிறகு இன்று முதல் பழைய கட்டணமே வசூலிக்கப்படும் என தெற்கு ரயில்வே அறிவிப்பை வெளியிட்டுள்ளது. 

என் மண் என் மக்கள் யாத்திரை மூலம் மத்திய பாஜக அரசின் பத்தாண்டு கால சாதனைகளை பொதுமக்களிடம் கொண்டு சென்றதோடு, திமுக அரசின் ஊழல்கள் மற்றும் தோல்விகளையும் கொண்டு சென்றுள்ளோம் என எல்.முருகன் கூறியுள்ளார். 

தனுஷ் நடிப்பில் பிரம்மாண்டமாக உருவாக உள்ள புதிய படத்தில் சூப்பர்ஸ்டார் ரஜினிகாந்தும் கேமியோ ரோலில் நடிக்க உள்ளதாக தகவல் வெளியாகி இருக்கிறது.

விஜய் டிவியில் காமெடியனாக கலக்கி வரும் மதுரை முத்து, பிரம்மாண்ட வீடு கட்டி கிரஹப்பிரவேசம் நடத்திய போட்டோஸ் இணையத்தில் வைரலாகி வருகிறது.

எதிர்க்கட்சியாக இருந்தபோது மக்களோடு நிற்பது போல் நாடகமாடிய திமுக, ஆட்சிக்கு வந்த பிறகு அடைக்கி ஒடுள்ளி கைது செய்திருப்பது நம்பி வாக்களித்த மக்களுக்கு செய்கின்ற பச்சைத்துரோகமாகும் என சீமான் கூறியுள்ளார். 

பிரதமர் மோடியின் வருகையை ஒட்டி கோவை சூலூர், பல்லடம் பகுதியில் இன்று போக்குவரத்து மாற்றம் செய்யப்படுவதாக காவல்துறை அறிவிப்பை வெளியிட்டுள்ளது. 

நாடாளுமன்ற தேர்தலில் கூட்டணி அமைப்பது தொடர்பாக பாமக பேச்சுவார்த்தை நடத்தி வருவதாக பரவும் தகவல்கள் உண்மையில்லை என அன்புமணி ராமதாஸ் கூறியுள்ளார். 

 2 நாட்கள் சுற்றுப் பயணமாக இன்று பிற்பகலில் பிரதமர் மோடி தமிழகம் வருகிறார். பல்லடம் மாதப்பூரில் நடைபெறும் பாஜக பொதுக்கூட்டத்தில் பங்கேற்ற பின் இன்று மாலை மதுரையில் சிறு, குறு தொழில் முனைவோருக்கான டிஜிட்டல் செயலாக்க திட்ட கருத்தரங்கில் பங்கேற்கிறார். நாளை தூத்துக்குடியில் ரூ.17,300 கோடி மதிப்பிலான வளர்ச்சி திட்டங்களை தொடங்கி வைக்க உள்ளார். பின்னர் பாளையங்கோட்டை நீதிமன்றம் எதிரே பெல் பள்ளி மைதானத்தில், பாஜக சார்பில் நடைபெறும் பொதுக்கூட்டத்தில் கலந்து கொண்டு பேசுகிறார்.

சென்னையில் 647வது நாளாக பெட்ரோல் - டீசல் விலையில் எந்த மாற்றமும் இல்லை. ஒரு லிட்டர் பெட்ரோல் ரூ. 102.63க்கும், டீசல் - ரூ. 94.24க்கும் விற்பனை செய்யப்படுகிறது.