உதயநிதியின் ஜிகிரி தோஸ்து... அமைச்சர் அன்பில் மகேஷ் சன் டிவியின் சூப்பர் ஹிட் சீரியலில் நடித்துள்ளாரா?

உதயநிதியின் நெருங்கிய நண்பரும், தமிழ்நாட்டின் பள்ளி கல்வித்துறை அமைச்சருமான அன்பில் மகேஷ் பொய்யாமொழி சன் டிவி சீரியலில் நடித்திருக்கிறார்.

Udhayanidhi Stalin, anbil mahesh

தமிழக முதல்வரும், திமுக தலைவருமான மு.க.ஸ்டாலினின் மகனான உதயநிதி சினிமாவில் தயாரிப்பாளராக அறிமுகமாகி பின்னர் நடிகராகவும் ஜொலித்தார். விஜய்யின் குருவி, சூர்யா நடித்த ஏழாம் அறிவு, கமல்ஹாசனின் மன்மதன் அம்பு போன்ற படங்களை தயாரித்த உதயநிதி, ஒரு கல் ஒரு கண்ணாடி படம் மூலம் ஹீரோவாக அறிமுகமானார். அப்படம் வெற்றியடைந்த பின்னர் முழுநேர ஹீரோவாக உருவெடுத்த உதயநிதி அடுத்தடுத்து படங்களில் நடித்தார்.

Udhayanidhi Stalin friend anbil mahesh

சினிமாவில் ஹீரோவாக நடிக்கும் போது அரசியல் பக்கம் தலைகாட்டவே மாட்டேன் என்று சொன்ன உதயநிதிக்கு படிப்படியாக அரசியல் ஆசை வந்தது. இதனால் சினிமாவில் இருந்து முழுவதுமாக விலகிய உதயநிதி கடந்த 2021-ம் ஆண்டு நடைபெற்ற சட்டமன்ற தேர்தலில் சேப்பாக்கம் தொகுதியில் வெற்றி பெற்று எம்.எல்.ஏ ஆனார். இதையடுத்து கடந்த 2022-ம் ஆண்டு உதயநிதிக்கு அமைச்சர் பதவி வழங்கப்பட்டது. தற்போது விளையாட்டுத் துறை அமைச்சராக உள்ளார் உதயநிதி.

இதையும் படியுங்கள்... போனி ஆகாத புதுப்படங்கள்.. பழைய படங்களை திரையிட்டு K TVக்கே டஃப் கொடுக்கும் தியேட்டர் - கோலிவுட்டில் புது Trend

Minister anbil mahesh

உதயநிதியை போல் அவரது நண்பர் அன்பில் மகேஷும் அமைச்சராக பதவி வகித்து வருகிறார். இவர்கள் இருவருமே சிறு வயதில் இருந்தே நண்பர்களாக பழகி வருகின்றனர். அந்த நட்பு இன்று வரை தொடர்கிறது. உதயநிதி சினிமாவில் நடிப்பதற்கு முன்னரே அவரது நண்பர் அன்பில் மகேஷ் சீரியலில் நடித்திருக்கிறார் என்று சொன்னால் நம்ப முடிகிறதா?... ஆனால் அது தான் உண்மை. அரசியலில் நுழையும் முன்னர் அன்பில் மகேஷும் சன் டிவி சீரியலில் நடித்திருக்கிறார்.

anbil mahesh acted in ahalya serial

சன் டிவியில் கடந்த 2004-ம் ஆண்டு ஒளிபரப்பான சூப்பர் ஹிட் தொடர் தான் அகல்யா. இந்த தொடரில் தான் அன்பில் மகேஷ் நடித்துள்ளார். அவர் அந்த தொடரில் நல்லமுத்து என்கிற கேரக்டரில் நடித்திருக்கிறார். அவர் சீரியலில் நடித்தபோது எடுக்கப்பட்ட புகைப்படம் தற்போது சோசியல் மீடியாவில் வைரலாகி வருகிறது. மேலும் அந்த தொடரில் உள்ள மற்றுமொரு சுவாரஸ்ய தகவல் என்னவென்றால் அந்த தொடரின் இண்ட்ரோ பாடலுக்கு டி இமான் தான் இசையமைத்து இருந்தாராம்.

இதையும் படியுங்கள்... தேவைதைய நேரில் பார்த்திருங்கீங்களா? பாருங்க.. நடிகை ஸ்ரீதேவி விஜயகுமாரின் க்யூட் போட்டோஸ்..