என் வாழ்வை வண்ணமாக்கிவிட்டாய்! கணவருடன் எடுத்த அன்சீன் புகைப்படங்களை பகிர்ந்து அன்பை பொழிந்த ரகுல் ப்ரீத் சிங்
ஜாக்கி பக்னானியை அண்மையில் திருமணம் செய்துகொண்ட நடிகை ரகுல் ப்ரீத் சிங் அவருடன் எடுத்த அன்சீன் புகைப்படங்களை இன்ஸ்டாகிராமில் பதிவிட்டுள்ளார்.
Rakul Preet Singh, Jackky Bhagnani
மகிழ் திருமேனி இயக்கிய தடையறத் தாக்க படம் மூலம் தமிழ் திரையுலகில் ஹீரோயினாக அறிமுகமானவர் ரகுல் ப்ரீத் சிங். இதையடுத்து தெலுங்கில் அவருக்கு மவுசு அதிகரித்ததால் 5 ஆண்டுகள் தமிழ் படங்களில் தலைகாட்டாமல் இருந்த அவர், தீரன் அதிகாரம் ஒன்று படத்தின் மூலம் தரமான கம்பேக் கொடுத்தார். அப்படத்தின் வெற்றிக்கு பின்னர் சூர்யாவுக்கு ஜோடியாக என்.ஜி.கே மற்றும் சிவகார்த்திகேயனின் அயலான் போன்ற படங்களில் நடித்தார்.
Rakul Preet Singh Husband Jackky Bhagnani
இதில் அயலான் படம் சுமார் 6 ஆண்டுகள் காத்திருப்புக்கு பின்னர் கடந்த மாதம் தான் ரிலீஸ் ஆனது. பொங்கல் விருந்தாக திரைக்கு வந்த இப்படம் பேமிலி ஆடியன்ஸை வெகுவாக கவர்ந்தது. அயலான் படத்தை தொடர்ந்து அவர் கைவசம் உள்ள மற்றுமொரு பிராம்மாண்ட திரைப்படம் தான் இந்தியன் 2. ஷங்கர் இயக்கும் இந்த பெரிய பட்ஜெட் திரைப்படத்தில் கமல்ஹாசன், சித்தார்த், பிரியா பவானி சங்கர், சமுத்திரக்கனி என மிகப்பெரிய நட்சத்திர பட்டாளமே நடிக்கிறது.
இதையும் படியுங்கள்... இப்போதைக்கு வேண்டாம்.. ஹனிமூன் பிளானை தள்ளிப்போட்ட ரகுல் - ஜாக்கி தம்பதி.. இதுதான் காரணமாம்..
Rakul Preet Singh mehendi photos
இதனிடையே இந்தி திரையுலகில் தயாரிப்பாளராக பணியாற்றி வரும் ஜாக்கி பக்னானி என்பவரை கடந்த சில மாதங்களாக காதலித்து வந்த ரகுல் ப்ரீத் சிங், கடந்த பிப்ரவரி 21-ந் தேதி அவரை குடும்பத்தினர் சம்மதத்துடன் கரம்பிடித்தார். இவர்களது திருமணம் கோவாவில் கோலாகலமாக நடைபெற்றது. இதில் நெருங்கிய நண்பர்கள், உறவினர்கள் மட்டுமே கலந்துகொண்டனர்.
Rakul Preet Singh, Jackky Bhagnani romantic photos
இந்த நிலையில், நடிகை ரகுல் ப்ரீத் சிங் தன்னுடைய காதல் கணவருடன் எடுத்த ரொமாண்டிக் புகைப்படங்களை இன்ஸ்டாகிராமில் பதிவிட்டு, என் வாழ்க்கையை வண்ணமாக்கியவன் என கேப்ஷனும் கொடுத்துள்ளார். அது ரகுல் ப்ரீத் சிங் - ஜாக்கி பக்னானி ஜோடி திருமணத்துக்கு முன்னர் மெஹந்தி பங்க்ஷனின் போது எடுத்த புகைப்படங்கள் என்பது குறிப்பிடத்தக்கது. இந்த அன்சீன் புகைப்படங்களுக்கு லைக்குகள் குவிந்த வண்ணம் உள்ளது.
இதையும் படியுங்கள்... உதயநிதியின் ஜிகிரி தோஸ்து... அமைச்சர் அன்பில் மகேஷ் சன் டிவியின் சூப்பர் ஹிட் சீரியலில் நடித்துள்ளாரா?