நடிகை ராஷ்மிகா மந்தனா டோக்கியோ சென்றபோது, எடுத்து கொண்ட புகைப்படங்கள் சிலவற்றை தன்னுடைய சமூக வலைத்தளத்தில் பதிவிட, அவை வைரலாக பார்க்கப்பட்டு வருகிறது.
தென்னிந்திய திரையுலகில் அறிமுகமாகும் நடிகைகள் ஒரு சிலரே... பாலிவுட் திரையுலகில் நுழைந்து, வெற்றிகரமான நடிகையாக மாறுகிறார்கள். அந்த லிஸ்டில் சமீபத்தில் இடம்பிடித்தவர் தான் ராஷ்மிகா மந்தனா.
கன்னடத்தில் வெளியான, கிக் பார்ட்டி என்கிற திரைப்படத்தின் மூலம் நடிகையாக அறிமுகமாகி.. பின்னர் தெலுங்கு, தமிழ், என அடுத்தடுத்து தென்னிந்திய பட வாய்ப்புகளை கைப்பற்றி நடிக்க துவங்கினார்.
டோலிவுட், கோலிவுட், பாலிவுட், என மூன்று மொழிகளிலும் முன்னணி நடிகர்களுக்கு ஜோடியாக... படு பிஸியான இளம் நடிகையாக அவதாரம் எடுத்துள்ள நேஷ்னல் கிரஷ் ராஷ்மிகா, சமீபத்தில் டோக்கியோவில் நடந்த அவார்டு நிகழ்ச்சி ஒன்றிலும் கலந்து கொண்டார்.
கிரஞ்சி ரோல் அனிமி எனும் அவார்டு நிகழ்ச்சியில் கலந்து கொள்ள இவர் சென்ற போது... அந்த நாட்டு மக்கள், அன்போடு வரவேற்றனர். இதுகுறித்த சில வீடியோக்களும் சமூக வலைத்தளத்தில் வெளியானது.
ஜப்பான் நாட்டுக்கு சென்றது குறித்து... அவர் போட்ட பதிவிலும், "ஜப்பான் நான் பல வருடங்களாகப் போக வேண்டும் என்று கனவு கண்ட இடம்.. சிறுவயதில் இருந்தே... இது சாத்தியப்படும் என்று நினைக்கவே இல்லை.. அனிமேஷனை உருவாக்கியவர்களில் ஒருவருக்கு விருது வழங்கும் நிகழ்ச்சியின் ஒரு பகுதியாக இருந்ததில் மகிழ்ச்சி என தெரிவித்தார்.
மேலும் தென்னிந்தியாவில் இருந்து கிரஞ்சி ரோல் அனிமி அவார்டு நிகழ்ச்சியில் கலந்து கொண்ட முதல் பிரபலம் ராஷ்மிகா தான் என்பதும் குறிப்பிடத்தக்கது.
விஜய்யின் நண்பன் சஞ்சீவா இது? திருமணத்தின் போது எடுத்த அரிய புகைப்படத்தை வெளியிட்ட ப்ரீத்தி!
ஜப்பான் நாட்டுக்கு வருடத்தில் ஒரு முறையாவது செல்ல வேண்டும் என, அங்கு அனைவரும் தன் மீது அன்பை பொழிந்ததாகவும் தெரிவித்த ராஷ்மிகா... தற்போது டோக்கியோ சென்ற போது எடுத்துக்கொண்ட புகைப்படங்களை சமூக வலைத்தளத்தில் வெளியிட்டுள்ளார். இந்த புகைப்படங்கள் வைரலாகி வருகிறது.
தற்போது ராஷ்மிகாவின் கைவசம், தனுஷ் தமிழ் மற்றும் தெலுங்கில் நடித்து வரும் ரெயின்போ, புஷ்பா 2, தி கேர்ள் ஃபிரென்ட், ஆகிய படங்களும்... ஹிந்தியில் சாவா என்கிற படமும் உள்ளது குறிப்பிடத்தக்கது.