Prabhas: எக்ஸ் தளத்தின் இந்திய அளவில் பிரபலமான டாப் 10 ஹேஸ்டாக்குகள்! இதில் இடம் பிடித்த ஒரே நடிகர் பிரபாஸ்!
இந்திய அளவில் அதிகம் பயன்படுத்தப்பட்ட, மற்றும் பிரபலமான ஹேஷ்டாக்குகளை எக்ஸ் தளம் சமீபத்தில் வெளியிட்ட நிலையில், இதில் ஒரே ஒரு நடிகரின் பெயர் மட்டுமே இடம்பெற்றுள்ளது.
டாப் 10 ஹேஷ்டாக்கில் இடம்பிடித்த அந்த ஒரே ஒரு நடிகர் வேறு யாரும் அல்ல, பாகுபலி நாயகன் பிரபாஸ் தான். இவருடைய இந்த பிரத்யேகமான சாதனைக்கு காரணம் சினிமாவில் இவர் காட்டும் ஒப்பற்ற பங்களிப்பு என்றே பாக்கப்படுகிறது.
'ரெபெல் ஸ்டார்' பிரபாஸ் - தெலுங்கு திரையுலகின் வணிக எல்லையிலிருந்து பான் இந்திய அளவிலான சந்தையின் நட்சத்திர ஐகானாக உயர்ந்திருக்கிறார். ட்விட்டர் இந்தியா நிறுவனம் அண்மையில் வெளியிட்ட அறிவிப்பின்படி, இந்தியாவில் உள்ள எக்ஸ் தளத்தின் சிறந்த ஹேஸ்டாக்குகளின் பட்டியலில், அவருடைய பெயர் 7-ஆவது இடத்தை பிடித்துள்ளது.
சிறந்த 10 ஹேஸ்டாக்குகளில் இடம்பெற்ற ஒரே ஒரு நடிகர் இவர் மட்டுமே என்பது குறிப்பிடத்தக்கது. மேலும் முதல் இடத்தில், #newProfilePic என்கிற ஹேஸ்டாக் பிடித்துள்ளது. இரண்டாவது இடத்தை #crpto பிடித்துள்ளது. மூன்றாவது இடத்தில் விஜியின் #leo படத்தின் பெயரும், 4ஆவது இடத்தை #nft என்கிற ஹேஸ்டாக்கும் பிடித்துள்ளது. ஐந்தாவது இடத்தில் #jawan படத்தின் பெயரும், ஆறாவது இடத்தில் #Pathan படத்தின் பெயரும் உள்ளது.
இதை தொடர்ந்து ஏழாவது இடத்தில், #Prabhas பெயர் உள்ளது. பிரபாஸ் நடித்த #adhipurush திரைப்படத்தின் பெயர் கொண்ட ஹேஸ்டாக் 9-ஆவது இடத்தை பிடித்துள்ளது குறிப்பிடத்தக்கது. இந்த தகவலை பிரபாஸின் ரசிகர்கள் தற்போது கொண்டாடி வருகிறார்கள். தற்போது பிரபாஸ் 'கல்கி 2898 AD' மற்றும் ' ராஜா ஸாப்' ஆகிய படங்களில் நடித்து வருகிறார் என்பது குறிப்பிடத்தக்கது.
விஜய்யின் நண்பன் சஞ்சையா இது? திருமணத்தின் போது எடுத்த அரிய புகைப்படத்தை வெளியிட்ட ப்ரீத்தி!
சேனலை கிளிக் செய்து பின்தொடரவும்
