கார்த்திகை தீபம் சீரியலில் நடித்து வரும் நடிகை அர்த்திகா, சில பெண்கள் பணத்துக்காகவும், வாய்ப்புக்காகவும் அட்ஜஸ்ட்மென்ட் செய்கின்றனர் என கூறி அதிர்ச்சி கொடுத்துள்ளார்.
ஜீ தமிழ் சீரியலில், ஒளிபரப்பாகி வரும் 'கார்த்திகை தீபம்' சீரியலில் கதாநாயகியாக நடித்து வரும் அர்த்திகா, வாய்ப்புக்காகவும், தன்னிடமும் அட்ஜஸ்ட்மென்ட் குறித்து சிலர் பேசியுள்ளதாக சமீபத்தில் கொடுத்த பேட்டி ஒன்றில் பேசி அதிரவைத்துள்ளார்.
திறமையும், அழகும் இருந்தும் ஒரு சில காரணங்களால் பல நடிகைகளுக்கு வாய்ப்புகள் கிடைக்காமல் போகிறது. அப்படியே அடித்து பிடித்து வாய்ப்பை கைப்பற்றினாலும் அவர்கள் நடிக்கும் படங்கள் வெளியாவதில் சிக்கல் ஏற்படுவதால்... வேறு வழி இன்றி, சீரியல் பக்கம் ஒதுங்கி விடுகிறார்கள்.
அப்படி தான் இதுவரை 4 படங்களில் சீரியல் நடிகை அர்த்திகா நடித்திருந்தாலும், இதுவரை ஒரு படம் கூட வெளியாகவில்லை. இந்நிலையில் சேது பட நடிகை அபிதா மூலம், அர்த்திகாவுக்கு 'கார்த்திகை தீபம்' சீரியலில் நடிக்கும் வாய்ப்பு கிடைத்துள்ளது. மேலும் ஏற்கனவே இந்த சீரியல் நாயகன் கார்த்தியுடன் அர்த்திகா ஒயிட் என்கிற திரைப்படத்தில் நடித்திருந்தார் என்பது குறிப்பிடத்தக்கது.
ரசிகர்கள் மத்தியில் நல்ல வரவேற்பை பெற்று வரும் இந்த சீரியலுக்கு, மிகப்பெரிய ரசிகர்கள் கூட்டமே உள்ளது. இந்நிலையில் சமீபத்தில் ஊடகம் ஒன்றிற்கு பேட்டி அளித்த அர்த்திகா... அட்ஜஸ்ட்மென்ட் குறித்து எழுப்பட்ட கேள்விக்கு வெளிப்படையாக பதிலளித்துள்ளார்.
தன்னிடம் அட்ஜஸ்ட்மென்ட் கேட்டு வருபவர்களிடம்... "இப்போது தெரியாமல் வந்து பேசி விட்டீர்கள். இனிமேல் இப்படி என்னிடம் இப்படி பேசவேண்டாம் என மூச்சில் அடித்தது போல் நேரடியாகவே பேசி விடுவேன். சினிமா மற்றும் சீரியலில் நடித்தே ஆக வேண்டும் என்கிற நிலைமை எனக்கு இல்லை. இது இல்லை என்றால், வேறு ஏதாவது வேலை பார்த்து பிழைத்துக்கொள்ள என்னால் முடியும்.
சினிமாவில் பெரிய இடத்திற்கு வர வேண்டும் என்பதற்காக அட்ஜஸ்ட்மென்ட் செய்யும் வாழ்க்கை எனக்கு வேண்டவே வேண்டாம். கடவுள் எனக்கு கொடுத்த இந்த வாழ்க்கையை நாம் மிகவும் மதிக்கிறேன். இந்த வாழ்க்கையில் நான் மகிழ்ச்சியாக இருந்தாலே போதும். அதற்கு பணம் தேவையில்லை, பெயர் தேவையில்லை, நாம் நாமாகவே இருந்தால் போதும் என்பதே என் கருத்து.
Yashika: யாஷிகாவுடன் CSK மேட்ச் பார்த்து ரணகளம் செய்த.. விஷ்ணு மற்றும் ரவீனா! வைரலாகும் போட்டோஸ்!
அதே நேரம் சினிமாவில் பல பெண்கள் வாய்ப்புக்காகவும், பணத்திற்காக அட்ஜஸ்ட்மென்ட் செய்கிறார்கள். சிலர் அப்படி செய்வதால் தான், மற்ற பெண்களை பார்க்கும் போதும் இவர்கள் அட்ஜஸ்ட்மென்ட் செய்வார்களா? என நினைத்து இப்படி பட்ட கேள்வியை எழுப்புகிறார்கள்.
இப்படி கேள்வி எழுப்புவதை நான் தவறு என சொல்ல மாட்டேன். ஆனால் அவர்களிடம் நாம் அட்ஜஸ்ட்மென்ட் செய்ய முடியாது என்பதை தெளிவாக சொன்னால் அவர்களே அதை புரிந்து கொள்வார்கள். தனக்கு கவர்ச்சியான உடை அணிவதில் விருப்பம் இல்லை என்பதையும், நான் எந்த ஒரு படம் அல்லது சீரியலில் நடித்தாலும் தெளிவாக சொல்லி விடுவேன். எனக்கு பணம் குறைவாக கிடைத்தாலும் பரவாயில்லை. கண்ணியமாக இருக்கவே விரும்புவதாக தெரிவித்துள்ளார்.