புத்தாண்டில் சாப்பிட சில ருசியான பாரம்பரிய உணவுகள்!
New year Traditional Foods: புத்தாண்டின் முதல் நாள் மிகவும் சிறப்பு வாய்ந்தது. எனவே வீட்டில் பல்வேறு வகையான சுவையான உணவுகள் தயாரிக்கப்படுகின்றன. சில பாரம்பரிய உணவுப் பொருட்கள் ஒவ்வொரு புத்தாண்டு தினத்திலும் தயாரிக்கப்படுகின்றன.
Followபுத்தாண்டுடன் தொடர்புடைய பல பாரம்பரிய உணவுகள் உள்ளன. பல நாடுகளில், புத்தாண்டு தினத்தன்று சில விசேஷ உணவுகளை சாப்பிடும் வழக்கம் உள்ளது. இந்த நாளில் அவற்றை சாப்பிடுவது ஆண்டு முழுவதும் நல்ல அதிர்ஷ்டத்தைத் தரும் என்று நம்பப்படுகிறது.
புத்தாண்டின் முதல் நாள் மிகவும் சிறப்பு வாய்ந்தது. இந்த நாள் எப்படித் தொடங்குகிறதோ, அப்படியே ஆண்டு முழுவதும் செல்லும் என்றுகூட நம்பப்படுகிறது. அதனால்தான் மக்கள் இந்த நாளை முடிந்தவரை சிறப்பாக கொண்டாட விரும்புகிறார்கள். மற்ற விஷயங்களைப் போலவே, புத்தாண்டு தொடர்பான உணவுகளும் சிறப்பு வாய்ந்தவை. வீட்டில் பல்வேறு வகையான சுவையான உணவுகள் தயாரிக்கப்படுகின்றன.
சில பாரம்பரிய உணவுப் பொருட்கள் ஒவ்வொரு புத்தாண்டு தினத்திலும் தயாரிக்கப்படுகின்றன. அப்படிப்பட்ட சில உணவுகளைப் பற்றித் தெரிந்துகொள்ளலாம். புத்தாண்டு தினத்தன்று இவற்றைச் சாப்பிட்டால் ஆண்டு முழுவதும் சிறப்பாக இருக்கும் என்றும் அதிர்ஷ்டம் தேடி வரும் என்றும் நம்புகிறார்கள்.
5000 ரூபாய் நோட்டு வருதா? ரிசர்வ் வங்கி என்ன சொன்னது தெரியுமா?
பச்சை காய்கறிகள், கீரைகள்:
புத்தாண்டு தினத்தன்று பச்சை காய்கறிகளை சாப்பிடுவது மிகவும் நல்லது என்று கருதப்படுகிறது. பச்சை காய்கறிகள் ஆரோக்கியம் மற்றும் செழிப்பைக் குறிப்பவை. புத்தாண்டு தினத்தன்று கீரைகள், சூப், சாலட் அல்லது பச்சை காய்கறிகளால் செய்யப்பட்ட ஏதேனும் ஒரு உணவை சாப்பிட்டால், வருடம் முழுவதும் அதிர்ஷ்டம் உண்டாகும் என்பது ஐதீகம். அமெரிக்காவில், புத்தாண்டு தினத்தன்று வேகவைத்த முட்டைக்கோஸை அதிகம் சாப்பிடுகிறார்கள்.
அரிசி உணவுகள்:
இந்து மதத்தில் அரிசி மிகவும் மங்களகரமானதாகக் கருதப்படுகிறது. எனவே எந்த விசேஷ சந்தர்ப்பத்திலும், சில அரிசி உணவுகள் கண்டிப்பாக சமைக்கப்படும். அது தீங்கு விளைவிக்கும் சக்திகளை விரட்டும் என நம்புகிறார்கள். ஒரு சுவையான அரிசி உணவுடன் புத்தாண்டைத் தொடங்கலாம். ஸ்வீடன் மற்றும் பின்லாந்து போன்ற நாடுகளில், புத்தாண்டு தினத்தன்று அரிசி புட்டு சாப்பிடப்படுகிறது.
கேக்குடன் தொடங்குங்கள்:
எந்த விசேஷமாக இருந்தாலும், கேக் இல்லாமல் முழுமையடையாது. எப்படியிருந்தாலும், இனிப்புகளை சாப்பிடுவதன் மூலம் நாளே மிகவும் சிறப்பு வாய்ந்ததாக மாறும். எனவே புத்தாண்டை முன்னிட்டு சுவையான கேக்குகளைச் சாப்பிடலாம். அமெரிக்கா முதல் கிரீஸ் வரை புத்தாண்டு தினத்தன்று கேக் சாப்பிடும் வழக்கம் உள்ளது.
புத்தாண்டில் சிறுசேமிப்புத் திட்டங்களுக்கான வட்டி விகிதங்கள் அறிவிப்பு! முழு விவரம் இதோ!
சுவையான நூடுல்ஸ்:
பல நாடுகளில் புத்தாண்டு தினத்தன்று நூடுல்ஸ் சாப்பிடும் வழக்கம் உள்ளது. குறிப்பாக பல ஆசிய நாடுகளில், இந்த நாளில் நூடுல்ஸ் சமைக்கப்படுகிறது. நீண்ட நூடுல்ஸ் நீண்ட ஆயுளின் சின்னம் என்று கூறப்படுகிறது. எனவே புத்தாண்டு தினத்தன்று நூடுல்ஸ் சாப்பிடுவது ஆயுளை நீட்டிக்கும் என்று மக்கள் நம்புகிறார்கள்.
பருப்பு வகைகள்:
புத்தாண்டு தினத்தன்று உங்கள் மெனுவில் பருப்பு வகைகளையும் சேர்க்க வேண்டும். பல நாடுகளில் உணவில் சூடான பருப்பையும் சேர்த்துச் சாப்பிடும் பாரம்பரியம் உள்ளது. பருப்பு வகைகள் நாணயம் போன்றவை. புத்தாண்டு தினத்தன்று பருப்பு வகைகளைச் சாப்பிடுவது ஆண்டு முழுவதும் செல்வச் செழிப்பை உறுதி செய்கிறது என்று கூறப்படுகிறது. இத்தாலி போன்ற நாடுகளில் நள்ளிரவுக்குப் பிறகு பருப்புகளுடன் இறைச்சி சாப்பிடும் வழக்கம் உள்ளது. அமெரிக்காவிலும் பலர் புத்தாண்டு தினத்தில் பருப்பைச் சேர்த்துக்கொள்கிறார்கள்.
புத்தாண்டு ஷாப்பிங் லிஸ்டில் டாப் இடத்தைப் பிடித்த பொருள் எது?
சேனலை கிளிக் செய்து பின்தொடரவும்
