'குக் வித் கோமாளி' நிகழ்ச்சியில் இருந்து மணிமேகலை வெளியேறியது ஏன்? உண்மையை உடைத்த செஃப் தாமு!

'குக் வித் கோமாளி' நிகழ்ச்சியில் இருந்து மணிமேகலை விலகியதில் இருந்தே பலரும் அவர் விலகியது குறித்து கேள்வி எழுப்பி வரும் நிலையில், இது குறித்து முதல் முறையாக செஃப் தாமு கூறியுள்ளார்.  

விஜய் டிவி தொலைக்காட்சியில் மிகவும் கலகலப்பாக ஒளிபரப்பாகி வரும் ரியாலிட்டி நிகழ்ச்சி 'குக் வித் கோமாளி'. ஒரு சமையல் நிகழ்ச்சியை இந்த அளவிற்கு கலகலப்பாக மாற்ற முடியுமா? என பலரையும் ஆச்சரியப்படுத்தியதோடு, ஒவ்வொரு வாரமும் மற்ற நிகழ்ச்சிகளுக்கு படிஆர்பியில் டப் கொடுத்து வருகிறது. 

'குக் வித் கோமாளி' நிகழ்ச்சியில், கடந்த மூன்று சீசன்களாக தன்னுடைய காமெடியால் பலரையும் சிரிக்க வைத்து வந்தவர் மணிமேகலை.  இதில் கோமாளியாக இருந்த பாலா, புகழ், சிவாங்கி, போன்றோர் அடுத்தடுத்து பட வாய்ப்புகளை கைப்பற்றி நடித்து வருகின்றனர். அதே போல் கோமாளிகளாக இருக்கும் பிரபலங்களுக்கும் பட வாய்ப்புகள் கிடைப்பதால், இந்த நிகழ்ச்சியில் கலந்து கொள்ள சின்னத்திரை மற்றும் வெள்ளித்திரையை சேர்ந்த இளம் நடிகர் - நடிகைகள் ஆர்வம் காட்டி வருகிறார்கள்.

கடந்த சீசனில் அவ்வபோது புகழ் இந்த குக் வித் கோமாளி செட்டுக்கு விசிட் அடித்த நிலையில், இந்த சீசன் முழுவதும் கலந்து கொள்வார் என எதிர்பார்க்கப்படுகிறது.  அதேபோல் பாலா கடந்த சீசன் முழுவதும் குக் வித் கோமாளி நிகழ்ச்சியை தன்னுடைய காமெடியால் கலகலப்பாக மாற்றிய நிலையில்,  இந்த முறை படப்பிடிப்பில் பிசியாகி விட்டதால் குக் வித் கோமாளி சீசன் 4 நிகழ்ச்சியில் கலந்து கொள்ளவில்லை.

இந்நிலையில் சமீபத்தில் மணிமேகலை 'நானே வருவேன்' கெட்டப்பில் இனி குக் வித் கோமாளி நிகழ்ச்சிக்கு வரமாட்டேன் என கூறி பரபரப்பை ஏற்படுத்தினார்.  இவர் இந்நிகழ்ச்சியை விட்டு விலகியதற்கு பல்வேறு காரணங்கள் கூறப்பட்டது. அதிலும் குறிப்பாக அவர் கர்ப்பமாக இருக்கிறார் என்றும், திரைப்படங்களில் நடிக்கிறார் என்றும் விஜய் டிவி தரப்பினருடன் ஏற்பட்ட கருத்து வேறுபாடு காரணமாக இந்த நிகழ்ச்சியில் இருந்து விலகி விலகியதாகவும் கூறப்பட்டது.

ஆனால் இதுவரை மணிமேகலை இது குறித்து வாய் திறக்காத நிலையில், குக் வித் கோமாளி சக போட்டியாளர்களும்... நிகழ்ச்சியை விட்டு வெளியேறியது  அவரின் விருப்பம் என்பது போல் தெரிவித்து வந்தனர்.

இந்நிலையில் செஃப் தாமு சமீபத்தில் அளித்த பேட்டி ஒன்றியில், மணிமேகலை விளங்கியது குறித்து பேசி உள்ளார். அவர் கூறியுள்ளதாவது... குக் வித் கோமாளி நிகழ்ச்சியை பொருத்தவரை மணிமேகலையின் காமெடியை நான் மிகவும் மிஸ் செய்கிறேன். அவர் என்னுடைய மகள் போன்றவர். இந்த நிகழ்ச்சியை விட்டு அவர் வெளியேறியது எங்கள் அனைவருக்கும் மிகப்பெரிய இழப்புதான். அதே நேரத்தில் அவர் விரும்பி எடுத்த முடிவு இது.அடுத்த கட்ட தொகுப்பாளினி உட்பட ஒரு சில விஷயங்களில் கவனம் செலுத்த உள்ளார். எனவே அவரது எதிர்காலம் கருதி இந்த முடிவை எடுத்துள்ளார் என கூறியுள்ளார். இதையடுத்து மணிமேகலைக்கு பலரும் நீங்கள் எடுக்கும் முயற்சிகள் வெற்றி அடைய வேண்டும் என வாழ்த்து தெரிவித்து வருகின்றனர்.