பெட்ரோல், டீசல் தட்டுப்பாடு! வெங்காயம், தக்காளி விலை உயர்ந்ததா? குறைந்ததா? காய்கறிகளின் நிலவரம் என்ன?

Tomato: எந்த காய்களை மக்கள் வாங்குகிறார்களோ இல்லையோ கண்டிப்பாக தக்காளி, வெங்காயத்தை பை நிறைய மக்கள் வாங்கி செல்வார்கள். சமையலுக்கு ருசியை அள்ளிக்கொடுப்பதில் முக்கிய பங்கு உண்டு.

Image Credit : our own

சமையலுக்கு முக்கியம் தக்காளி, வெங்காயம்

சமையல் என்றாலே காய்கறிகள் முக்கிய பங்கு உண்டு. குறிப்பாக சாம்பார், பொறியல், கூட்டு, பிரியாணி என அனைத்து வகையான சமையலுக்கும் காய்கறிகள் தேவைப்படுகிறது. இதில் எந்த காய்களை மக்கள் வாங்குகிறார்களோ இல்லையோ கண்டிப்பாக தக்காளி மற்றும் வெங்காயத்தை பை நிறைய மக்கள் வாங்கி செல்வார்கள்.

Image Credit : our own

பை நிறைய அள்ளி செல்லும் பொதுமக்கள்

சமையலுக்கு ருசியை அள்ளிக்கொடுப்பதில் வெங்காயம், தக்காளிக்கு முக்கிய பங்கு ஒன்று. அதற்கு ஏற்றார் போல தக்காளி, வெங்காயம் விலையும் போட்டி போட்டுக்கொண்டு குறைந்து வருகிறது. அதுபோல ஈரான் போர் காரணமாக பெட்ரோல், டீசல் தட்டுப்பாடு உள்ளிட்ட காரணங்களால் காய்கறிகளின் விலை சற்று உயர்ந்துள்ளதாக கூறப்படுகிறது.

Image Credit : our own

சென்னை கோயம்பேடு சந்தை நிலவரம்

இந்நிலையில் சென்னை கோயம்பேடு சந்தையில் தக்காளி, வெங்காயம் மற்றும் காய்கறிகளின் விலை என்ன என்பதை பார்ப்போம். பெரிய வெங்காயம் ஒரு கிலோ 20 ரூபாய்க்கும், சின்ன வெங்காயம் ஒரு கிலோ 63 முதல் 70 ரூபாய்க்கும், தக்காளி ஒரு கிலோ 20 முதல் 22 ரூபாய்க்கும், பச்சை மிளகாய் 40 முதல் 50 ரூபாய்க்கும், பீட்ரூட் ஒரு கிலோ 35 ரூபாய்க்கும், உருளைக்கிழங்கு ஒரு கிலோ 15 ரூபாய்க்கும், குடைமிளகாய் ஒரு கிலோ 56 முதல் 62 ரூபாய்க்கும், பாகற்காய் ஒரு கிலோ 46 ரூபாய்க்கும், சுரைக்காய் ஒரு கிலோ 25 முதல் 35 ரூபாய்க்கும் விற்பனை செய்யப்படுகிறது.

Image Credit : Asianet News

முருங்கைக்காய் முதல் கத்திரிக்காய் வரை

பட்டர் பீன்ஸ் ஒரு கிலோ 68 முதல் 90 ரூபாய்க்கும், அவரைக்காய் ஒரு கிலோ 70 முதல் 130 ரூபாய்க்கும், முட்டைக்கோஸ் ஒரு கிலோ 10 ரூபாய்க்கும், கேரட் ஒரு கிலோ 30 முதல் 40 ரூபாய்க்கும், காலிஃபிளவர் ஒரு கிலோ 25 முதல் 30 ரூபாய்க்கும், வெள்ளரிக்காய் ஒரு கிலோ 20 முதல் 30 ரூபாய்க்கும், முருங்கைக்காய் ஒரு கிலோ 120 முதல் 140 ரூபாய்க்கும், கத்திரிக்காய் ஒரு கிலோ 46 ரூபாய்க்கும் விற்பனையாகிறது.

Image Credit : Google

வெண்டைக்காய் நிலவரம் என்ன?

சேனைக்கிழங்கு ஒரு கிலோ 30 ரூபாய்க்கும், பீன்ஸ் ஒரு கிலோ 40 முதல் 45 ரூபாய்க்கும், இஞ்சி ஒரு கிலோ 70 ரூபாய்க்கும், மாங்காய் 60 ரூபாய்க்கும், வெண்டைக்காய் ஒரு கிலோ 46 முதல் 51 ரூபாய்க்கும், பூசணி ஒரு கிலோ 15 ரூபாய்க்கும், முள்ளங்கி ஒரு கிலோ 15 ரூபாய்க்கும், பீர்க்கங்காய் ஒரு கிலோ 50 முதல் 66 ரூபாய்க்கும், புடலங்காய் ஒரு கிலோ 25 ரூபாய்க்கும், நூக்கல் ஒரு கிலோ 30 முதல் 40 ரூபாய்க்கும், கோவைக்காய் ஒரு கிலோ 25 முதல் 50 ரூபாய்க்கும், பூண்டு ஒரு கிலோ 80 முதல் 100 ரூபாய்க்கும் விற்பனை செய்யப்படுகிறது.